ဩဂုတ်လအတွင်း ငရုတ်သီးအစိမ်းဈေးကွက် အတက်အကျကြမ်းနေ

၂၀၂၀ခုနှစ်၊ ဩဂုတ်လအတွင်း ငရုတ်သီးအစိမ်း ဈေးကွက်မတည်ငြိမ်ဘဲ ဈေးအတက်အကျကြမ်းနေကြောင်း ဈေးကွက်ကျွမ်းကျင်သူများထံမှ သိရသည်။

ကိုဗစ်ဖြစ်တော့ နယ်စပ်ထွက်ပေါက်တွေပိတ်တာကြောင့် ငရုတ်သီးတွေက ပမာဏများများ မထွက်နိုင်ဘူး။ ပုံနေတာကြောင့်လည်း ပါတယ်။ ငရုတ်သီးဈေးက ခန့်မှန်းရခက်တယ်။ ၂၁၀၀, ၁၆၀၀, ၁၄၅၀, ၁၃၅၀, ၁၁၀၀ ကျပ်ကနေ ဒီနေ့ညနေပိုင်းမှာ ၈၅၀ ကျပ် အထိ ကျသွားတယ်။ အနီက ရောင်းမထွက်လည်း ငရုတ်သီးခြောက်လှန်းလို့ရတော့ အဲ့ဒီလောက်ထိ ဈေးအတက်အကျမမြန်ဘူး။ အစိမ်းက အတက်အကျမြန်တာ။

ဟု ငရုတ် ဈေးကွက်နှင့် နည်းပညာဖွံ့ဖြိုးတိုးတက်ရေးအသင်းဥက္ကဌ ဒေါ်ဥမ္မာကျော်က ပြောသည်။

မြန်မာနိုင်ငံနှင့်အပြိုင် ငရုတ်သီးစိုက်ပျိုးထုတ်လုပ်တင်ပို့နေသည့် အိမ်နီးချင်းနိုင်ငံတချို့လည်း ရှိနေသဖြင့် ရေရှည်ဈေးကွက်ကောင်းများ ရရှိနိုင်စေရန်အတွက် အရည်အသွေးပိုင်းကို ထိန်းချုပ်၍ စနစ်တကျ စိုက်ပျိုးထုတ်လုပ်သင့်ကြောင်း သိရသည်။

ဝယ်လက်တွေက မြန်မာနိုင်ငံမှာစိုက်ပျိုးထုတ်လုပ်တဲ့ ငရုတ်သီးကိုတော့ ကြိုက်ကြတာများတယ်။ ဒါပေမဲ့ အရည်အသွေးထိန်းချုပ်ပြီး စနစ်တကျစိုက်ပျိုးမယ်ဆိုမှ ငရုတ်သီးတင်ပို့ရောင်းချနေတဲ့ တခြားနိုင်ငံတွေနဲ့အပြိုင် ရေရှည်ဈေးကွက်ကောင်းတွေ ရနိုင်မှာပါ။

ဟု ဒေါ်ဥမ္မာကျော်က ဆက်လက်ပြောသည်။

၂၀၂၀ ခုနှစ် ဩဂုတ်လ (၁၀) ရက်နေ့အထိ ပေါက်ဈေးများအရ ငရုတ်သီးအစိမ်း တစ်ပိဿာလျှင် (၈၅၀) ကျပ်၊ ငရုတ်သီးအနီ တစ်ပိဿာလျှင် (၁၃၅၀) ကျပ် ဈေးနှုန်းများဖြင့် ရောင်းဝယ်နေသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ