ပြည်ပမှဝယ်ယူမည့်သတင်းအပေါ် နားစွင့်ရင်း ကြက်သွန်နီဈေး အတက်အကျမမှန်ဖြစ်နေ

ပြည်ပမှဝယ်ယူမည့်သတင်းအပေါ် နားစွင့်ရင်း တစ်ပတ်နှင့်တစ်ပတ် ပြည်တွင်းကြက်သွန်နီဈေးနှုန်းများ အတက်အကျမမှန်ဖြစ်နေကြောင်း စီးပွားဖြစ် စိုက်ပျိုးတင်ပို့နေသူများက ပြောသည်။

လက်ရှိတွင် ကြက်သွန်နီပွဲရုံဈေးမှာ အရည်အသွေးပေါ်မူတည်၍ တစ်ပိဿာလျှင် ၆၀၀ ကျပ်မှ ၆၅၀ ကျပ် ပေါက်ဈေးရှိနေသည်။

ကြက်သွန်ဈေး ပြန်အေးနေပြန်တယ်။ ဟိုအပတ်တုန်းကတောင် တစ်ပိဿာကို ၁,၀၀၀ ကျပ် ဖြစ်သွားသေးတယ်။ အခုရက်မှာကျတော့ ၆၅၀ ကျပ်ကို ပြန်ကျပြန်တယ်။ ပြီးခဲ့တဲ့ရက်ကမှ တရုတ်နိုင်ငံနဲ့ ဘင်္ဂလားဒေ့ရှ်နိုင်ငံတို့ဘက်က အဝယ်လိုက်လာပြီး၊ အခုရက်က ပြည်ပက အဝယ်နည်းနည်း ပြန်အေးနေတာကြောင့်လည်း ပါပါတယ်။ ပြည်တွင်းမှာက မရောင်းရသေးတဲ့ လက်ကျန် ကြက်သွန်နီတွေကတော့ အများကြီးကျန်ရှိနေပါသေးတယ်။

ဟု မန္တလေးတိုင်း၊ မြင်းခြံမြို့နယ်၊ ထနောင်းတိုင်ရွာမှ ကြက်သွန်စီးပွားဖြစ်စိုက်ပျိုးသူ ဦးဝင်းမြင့်ဌေးက ပြောသည်။

မြန်မာနိုင်ငံတွင် ၂၀၁၉-၂၀၂၀ ဘဏ္ဍာနှစ်အတွင်း ကြက်သွန်နီတင်ပို့မှုမှာ တန်ချိန် (၁၀၅,၀၀၀) ဝန်းကျင်အထိရှိခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနရှိ အချက်အလက်များအရ သိရသည်။

ယခု ၂၀၂၀ ခုနှစ်အတွင်း ဘင်္ဂလားဒေ့ရှ်နိုင်ငံမှ လိုအပ်နေသည့် ကြက်သွန်နီများအတွက် တရုတ်နိုင်ငံမှ တန်ချိန် ၁၇,၃၆၅၊ ပါကစ္စတန်နိုင်ငံမှ တန်ချိန် ၂၀,၆၁၄၊ မြန်မာနိုင်ငံမှ တန်ချိန် ၂၀,၆၅၁၊ အီဂျစ်မှ တန်ချိန် ၂၄,၉၂၉၊ တူရကီနိုင်ငံမှ တန်ချိန် ၆,၀၄၂၊ နယ်သာလန်နိုင်ငံမှ တန်ချိန် ၂၅,၉၃၆၊ မလေးရှားနိုင်ငံမှ တန်ချိန် ၂၇၀ နှင့် နယူးဇီလန်မှ တန်ချိန် ၂,၉၂၀ ဝယ်ယူတင်သွင်းရန် စီစဉ်ဆောင်ရွက်ထားကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ