မြေဆီလွှာတွင် သစ်သားထွက်ပစ္စည်းများကို အသုံးချခြင်း

မြေဆီလွှာပြုပြင်ရန် ရောင်းတန်းဝင် သဘာဝမြေသြဇာမှာ ယခုခေတ်တွင် အချို့နိုင်ငံ၌ သစ်သားထွက်ပစ္စည်းများကို အသုံးပြုကြသည်။ ထိုပစ္စည်းများမှာ သစ်ပင်မှ အခေါက်အမှုန့်များ (Ground bark) နှင့် ဆွေးမြေ့နေသော ပါးပါးပြားပြားစင်းထားသည့် သစ်သားအစများ (Wood Chips) တို့ပင်ဖြစ်သည်။

ထိုသစ်သားထွက်ပစ္စည်းများသည် မြေစေးကိုဖွာအောင်လုပ်ရန် ကောင်းမွန်သည်။ ထိုသစ်သားထွက်ပစ္စည်းများသည် ကောင်းစွာဆွေးမြေ့သွားသည်နှင့် အကျိုးရှိသည်။ သစ်သားမှ ဘေးထွက်ပစ္စည်းဖြစ်သည့် လွှစာ (Sawdust) နှင့် ရေပေါ်စာများ (Shavings) ကို မဆွေးမြေ့မီအသုံးပြုပါက မြေဆီလွှာအတွင်းရှိ နိုက်ထရိုဂျင်ဓာတ်ကိုသုံးစွဲသဖြင့် အပင်သေနိုင်သည်။ ထို့ကြောင့် သစ်သားဘေးထွက်ပစ္စည်းများကို သုံးစွဲပါက တစ်ပြိုင်တည်း နိုက်ထရိုဂျင်ဓာတ်ပါသော မြေသြဇာကိုပါ ထည့်ပေးရသည်။

နိုက်ထရိုဂျင်ဓာတ်ပါသော မြေသြဇာကိုထည့်ရာတွင် သဘာဝမြေသြဇာကို ၂ လက်မအထူရှိအောင် မြေပေါ်တွင် ဖြန့်ချပေးရသည်။ တစ်ဧကလျှင် သဘာဝမြေသြဇာ ၄ပေပတ်လည်အကျယ်၊ ၁ပေအမြင့် (လှည်း၂၈ စီးခန့်) လိုအပ်သည်။ ထိုသဘာဝမြေသြဇာကို မြေဆီလွှာအပေါ်ပိုင်းရှိ ၆-၈ လက်မခန့်ရှိသောမြေတွင် ပြန့်နှံ့အောင် မွှေပေးရသည်။ နှစ်ချင်းစား ဟင်းရွက်ပင်ကိုစိုက်ပျိုးပါက နှစ်စဉ်ထည့်ပေးရသည်။

နည်းပညာများကို ဒေါက်တာချစ်၏ “စားဖို့ စိုက်စို့ ဈေးကွက်တိုးချဲ့ဗျို့” စာအုပ်မှ ကောက်နုတ်ဖော်ပြပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ