ပိုးနှိမ်ဆေးအဖြစ် အသုံးဝင်သော ငရုတ်သီး

ငရုပ်ပင်သည် အပူပိုင်းဇုံနှင့် သမပိုင်းဇုံတွင် အနှံ့အပြားပေါက်ပြီး မူရင်းဒေသမှာ တောင်အမေရိကဖြစ်သည်။ ငရုပ် သီးမှည့်တွင် ပိုးမွှားနှိမ်နင်းနိုင်သော အာနိသင်များပါရှိပြီး အထူးသဖြင့် အခွံနှင့် အစေ့တွင် အာနိသင် ပိုမိုမြင့်မား သည်။

ပိုးသတ်သည့် အစိတ်အပိုင်း - အသီး

အာနိသင် - စားသေ၊ ပိုးသေဆေး၊ ပိုးဟန့်တားဆေး၊ ထိသေ၊ အဆိပ်ငွေ့ဆေး၊ ဗိုင်းရပ်နှိမ်ဆေး။

နှိမ်နင်းနိုင်သည့် ပိုးမွှားအင်းဆက်များ - ပရွက်ဆိတ်၊ ပျ၊ ပဲသီးတောင့် ထွင်းပိုး၊ ဘလစ္စတာကျိုင်း၊ လောင်မီး ကျိုင်း၊ ခူကောင်များ၊ စိန်ကွက်ဖလံ၊ ပိုးနဂါး၊ ငမြှောင်တောင်၊ ရွက်ဖြတ်ပိုးများ၊ အကြေးပိုး၊ ယင်ဖြူ၊ ခရုပက်ကျိများ။

ကာကွယ်နိုင်သည့် အပင်ရောဂါများ - သခွားဗိုင်းရပ်(စ်)ရောဂါ၊ ဆေးရွက်ကြီးပင်ဗိုင်းရပ်(စ်)ရောဂါများ။

ငရုပ်ပိုးနှိမ်ဆေးသည် ဟင်းသီးဟင်းရွက်များတွင် ကျရောက်တတ်သော ပျပိုးများအတွက် အထူး အသုံးဝင် ကြောင်း တွေ့ရသည်။

ငရုပ်သီးဖျော်ရည်ပြုလုပ်ပုံ
ငရုပ်သီးမှည့် - ၃၀ ကျပ်သား
ရေ - ၈ ပုလင်း
ဆပ်ပြာ - ၂ ကျပ်သား

၁) ငရုပ်သီးမှည့် ၃၀ ကျပ်သားကို ပါးပါးလှီး၊ ရေ ၄ ပုလင်းဖြင့် ၁၅ - ၂၀ မိနစ်ကြာပြုတ်ပါ။
၂) ဆပ်ပြာ ၂ ကျပ်သားကို ပါးပါးလှီးထည့်ပါ။
၃) ပြုတ်ရည်ထဲသို့ ရေ ၄ ပုလင်းထည့်ပါ။
၄) အေအးခံၿပီး အရည္စစ္ပါ။
၅) အရည်ကို မိုးမရွာလျှင် တစ်ကြိမ်၊ မိုးရွာသောအချိန်တွင် တစ်ပတ် ၂ -၃ ကြိမ် ပက်ဖျန်းအသုံးပြုပါ။

ငရုပ်သီးနှင့် အရက်ဖျော်စပ်ပုံ
ငရုပ်သီး - ၃.၅ ကျပ်သား
ကြံအရက် - ၄ ပုလင်း
ရေ - ၅ ဂါလံ

ငရုပ်သီး ၃.၅ ကျပ်သားကို ကြံအရက် ၄ ပုလင်းနှင့်ရော၍ (၁၄) ရက်ကြာထားပါ။ အရည်စစ်ချပါ။ စစ်ရေ ၁၃ ဇွန်းကို ၅ ဂါလံ ဆေးဖျန်းပုံးတစ်ပုံးစာအတွက် ရေနှင့် ဖျော်စပ်အသုံးချနိုင်သည်။ ခူကောင်၊ ဗောက်ဖတ်များကို ၃ ရက်ခန့်အကြာတွင်သေစေနိုင်သည်။

အထူးသတိပြုရန်
ငရုပ်သည် လူတို့၏အရေပြား၊ မျက်စိနှင့် အသက်ရှူလမ်းကြောင်း ထိခိုက်ယားယံစေသောကြောင့် ငရုပ်ဆေးဖော် စပ်ရာတွင် သတိပြုရန်လိုအပ်သည်။

အာနိသင်ပြင်းလွန်းပါက အပင်ကို အဆိပ်သင့်စေနိုင်သဖြင့် စိုက်ကွက်ငယ်တွင် ဦးစွာစမ်းသပ်ပြီးမှ သင့်လျော် သော ဆေးနှုန်းရယူရန်ဖြစ်သည်။

Source - ဘက်စုံသီးနှံကာကွယ်နှိမ်နင်းနည်း သင်တန်းမှတ်စု (FSWG)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ