မြန်မာ့ထောပတ်တောင်သူများ အပင်ထိန်းသိမ်းစောင့်ရှောက်မှုများပြုလုပ်ရင်း ဈေးကွက်ကောင်းစောင့်ဆိုင်းနေ

မြန်မာ့ထောပတ်သီး တောင်သူများ ဈေးကွက်ရာသီချိန်မတိုင်မီ အပင်ထိန်းသိမ်းစောင့်ရှောက်မှုများ ပုံမှန်ပြုလုပ်ရင်း ဈေးကွက်ကောင်းကို စောင့်ဆိုင်းနေကြကြောင်း မြန်မာနိုင်ငံထောပတ်သီး စိုက်ပျိုးထုတ်လုပ်တင်ပို့ရောင်းချသူများအသင်းမှ သိရသည်။

လက်ရှိအခြေအနေတွင် အခြားသီးနှံများ ဈေးကွက်ကျဆင်းမှု အနည်းနှင့်အများဆိုသလို ကြုံတွေ့နေရသော်လည်း၊ မြန်မာ့ထောပတ်သီး တင်ပို့ရောင်းချမှုမှာ ဈေးကွက်ရာသီချိန်သို့ မရောက်ရှိသေးသည့်အတွက် အပင်ထိန်းသိမ်းစောင့်ရှောက်မှုများ ပြုလုပ်ရင်း ဈေးကွက်ကောင်း စောင့်ဆိုင်းနေသည့် ကာလဖြစ်သည်။

ထောပတ်သီးဈေးကွက်က လုံးဝကြီးပျက်နေတာမျိုးတော့ မရှိပါဘူး။ အသီးအလုံးကြီးတွေ ထွက်လာပြီး ဈေးကွက်တင်ပို့ရောင်းချလို့ရတဲ့ အချိန်ကို မရောက်သေးတာကြောင့် အချိန်လည်းရပါသေးတယ်။ သို့သော် ထောပတ်ပင်ဟာ နှစ်ရှည်ပင်ဖြစ်တဲ့အတွက် ဈေးကွက်ကောင်းသည်ဖြစ်စေ၊ မကောင်းသည်ဖြစ်စေ အပင် ပြုစုစောင့်ရှောက်မှုကိုတော့ ရပ်ထားလို့မရဘူး။ ပုံမှန်လေး ထိန်းသိမ်းစောင့်ရှောက်မှုတွေ လုပ်ပေးနေရပါမယ်။ နိုင်ငံရေးမကောင်းလို့၊ ကိုဗစ်ကြောင့်မို့လို့၊ ဘာကြောင့်မို့လို့ ဆိုပြီး အပင်တွေကို ရပ်ထား၊ ပစ်ထားမယ်ဆိုရင် စိုက်ပျိုးသူတွေအနေနဲ့ ဆုံးရှုံးနစ်နာမှုတွေ နှစ်ထပ်ကွမ်း၊ သုံးထပ်ကွမ်းအထိ ကြုံရနိုင်ပါတယ်။ အခုအချိန်ကတော့ ထောပတ်သီးတွေ စသီးကာစ၊ သီးကင်းလေးတွေ စဝင်တဲ့ အချိန်ကို ရောက်နေတာဖြစ်တယ်။

ဟု မြန်မာနိုင်ငံ ထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်း၏ ဒုတိယဥက္ကဌ ဦးမျိုးညွှန့်က ပြောသည်။

ဧပြီလ၊ မေလတို့သည် ထောပတ်ပန်းပွင့်ပြီးနောက် ထောပတ်သီးကင်းဝင်ချိန်ဖြစ်သည့်အတွက် အရည်အသွေးပြည့်မီ၊ ဈေးကွက်မျက်နှာပန်းလှစေမည့် ထောပတ်သီးများထွက်ရှိစေရန် အပင်ပြုစုထိန်းသိမ်းစောင့်ရှောက်မှုများကို ကြိုတင်လုပ်ဆောင်ပေးသင့်ကြောင်း သိရသည်။

အခုလိုမျိုး သီးကင်းစဝင်တဲ့အချိန်မှာဆိုရင် ထောပတ်ပင်ခြံတွေမှာ လိုအပ်တဲ့ကြိုတင်ကာကွယ်မှုတွေ လုပ်ပေးနေရပါတယ်။ သံချေးမှိုရောဂါ (ထောပတ်သီးအခွံပေါ် ဂျွတ်တက်တတ်သည့် မှိုရောဂါတစ်မျိုး) ကာကွယ်နိုင်ဖို့အတွက်ပါ။ ထောပတ်ပန်းပွင့်ပြီး သီးကင်းလေးစဝင်တဲ့အချိန်မှာ Thrips -သရစ် လို့ခေါ်တဲ့ ထောပတ်ပင်နဲ့အသီးကိုဒုက္ခပေးတဲ့ အင်းဆက်ပိုးကောင်ငယ်လေးတွေ ကိုက်တတ်တယ်။ အဲ့ဒီ ပိုးကောင်လေးတွေက ထောပတ်သီးကို ကိုက်လိုက်တဲ့နေရာကို သံချေးမှိုရောဂါ ဝင်ရောက်သွားတယ်။ အသီးကြီးလာတာနဲ့အမျှ ဒဏ်ရာကလည်းကြီးလိုက်လာပြီး၊ ထောပတ်သီးအခွံမှာ ဂျွတ်တက် အနာတွေဖြစ်လာတယ်။ ဈေးကွက်တင်ပို့တဲ့အခါ မျက်နှာပန်းမလှ ဖြစ်သွားတတ်ပါတယ်။ စားသုံးသူက အသီးဝယ်တဲ့အခါ အလုံးလှတာကို ကြည့်ဝယ်တဲ့အတွက် ဒီလိုရောဂါမျိုးမဖြစ်အောင် ကြိုတင်ကာကွယ်ထားဖို့ လိုအပ်ပါတယ်။

ဟု ဦးမျိုးညွှန့်က ဆက်လက်ပြောသည်။

ထောပတ်သီးအခွံပေါ်တွင် ဂျွတ်တက်ခြင်းမျိုး မဖြစ်ပွားဘဲ၊ အရည်အသွေးကောင်း အလုံးချောသည့် ထောပတ်သီးများ ရရှိစေရန် ပန်းပွင့်ချိန်နှင့်သီးကင်းစဝင်ချိန်တွင် နိုင်ငံတော်မှခွင့်ပြုထားသည့် (တရားဝင်မှတ်ပုံတင်ထားသည့်)ကုမ္ပဏီများမှ တင်သွင်းဖြန့်ချိသည့် ပိုးသတ်ဆေးမျိုးကိုသာ သုံးစွဲ၍ ကြိုတင်ကာကွယ်သင့်ကြောင်း သိရသည်။

မြန်မာနိုင်ငံရှိ ထောပတ်ခြံများအတွက် အသီစတင်ခူးဆွတ်သည့် အသီးခူးရာသီချိန်များမှာ နှစ်စဉ် နိုဝင်ဘာလ၊ ဒီဇင်ဘာလ၊ ဇန်နဝါရီလများ ဖြစ်ကြောင်း သိရသည်။

CPP Fertilizer Company ကြော်ငြာ

စီပီပီ ကုမ္ပဏီမှ ဖြန့်ဖြူးလျှက်ရှိသော ပေါင်းသတ်ဆေးနှင့် အပင်ရောဂါကုသ ဆေးများ တောင်သူအားလုံးသည် ကျွန်တော်တို့၏ ဘ၀လက်တွဲဖော်ဖြစ်သည်။

ဟာမိုဇင်းပလပ်(စ်)

ဟော့(ပ်)ရိုး(လ်)

ကောင်စယ်

အီမီဒါနေး(လ်)

ပေါ်စီလန်

စီပီပီ Facebook စာမျက်နှာ သို့သွားရန်

ဆွေးနွေးချက်များ

ဆွေးနွေးရန်

စိုက်ပျိုးရေး

မွေးမြူရေး

ရေလုပ်ငန်း

အထွေထွေဗဟုသုတ

မြန်မာ့ထောပတ်တောင်သူများ အပင်ထိန်းသိမ်းစောင့်ရှောက်မှုများပြုလုပ်ရင်း ဈေးကွက်ကောင်းစောင့်ဆိုင်းနေ

CPP Fertilizer Company ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

မြန်မာ့ထောပတ်တောင်သူများ အပင်ထိန်းသိမ်းစောင့်ရှောက်မှုများပြုလုပ်ရင်း ဈေးကွက်ကောင်းစောင့်ဆိုင်းနေ

CPP Fertilizer Company ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}