လျှော်ဖြူပင်စိုက်ပျိုးသူများ အပင်ထိန်းသိမ်းမှု ပုံမှန်ပြုလုပ်ပေးရင်း ဈေးကွက်ကောင်းစောင့်ဆိုင်းနေ

ပြည်တွင်းရှိလျှော်ဖြူစိုက်ပျိုးထုတ်လုပ်တင်ပို့ရောင်းချသူများအနေဖြင့် အပင်ထိန်းသိမ်းမှုပုံမှန်ပြုလုပ်ပေးရင်း ဈေးကွက်ကောင်းချိန်ကို စောင့်ဆိုင်းနေကြကြောင်း သိရသည်။

ဈေးကွက်ကောင်းသည်ဖြစ်စေ၊ မကောင်းသည်ဖြစ်စေ လျှော်ဖြူပင်တွေကို အပင်ထိန်းသိမ်းစောင့်ရှောက်မှု အမြဲလုပ်ပေးနေကြရပါတယ်။ လုပ်ပေးမှကို အဆင်ပြေတာပါ။ ဒီလိုသာမလုပ်ပေးထားရင် စျေးကွက်ကောင်းတဲ့ အချိန်ကျတော့ အပင် (အစေး) အရည်အသွေးမကောင်းတော့ဘဲ ဖြစ်နေမှာပေါ့။ ရေပေးနိုင်ရင်ရေပေးတာ၊ ပေါင်းရှင်းတာ၊ ပိုးသတ်ဆေးဖျန်းပေးတာ၊ အပင်ခြေအမှိုက်ရှင်းတာ စသဖြင့်ပေါ့ လုပ်ပေးနေရပါတယ်။ ကိုင်းတွေဘာတွေတော့ ခုတ်ပေးဖို့မလိုပါဘူး။

ဟု မန္တလေးတိုင်း၊ ပုသိမ်ကြီးမြို့နယ်၊ မန္တလေး-မတ္တရာကားလမ်း၊ မိုင်တိုင်(၁၁)အနီး၊ ဂန္ဓမာရွာရှိ နန္ဒဝန်လျှော်ဖြူခြံမှ ဦးဇင်မင်းသန့် က ပြောသည်။

မြန်မာနိုင်ငံတွင် COVID-19 ကူးစက်ပြန့်ပွားမှု ပထမလှိုင်းကာလမှစတင်၍ လျှော်ဖြူ (ဆေးကုလားမ) ကို Export တင်ပို့ရောင်းချမှုအပိုင်း အားနည်းလာခဲ့ပြီး၊ ဈေးနှုန်းများလည်း အဆမတန်ကျဆင်းခဲ့ခြင်းဖြစ်သည်။

အစေးထုတ်လုပ်ခြင်းကိုတော့ အခုအချိန်မှာ နားထားကြပါတယ်။ စျေးကွက်က ရှိတယ်။ စျေးက ပေးတာတအားနည်းနေလို့ တွက်ခြေမကိုက်လို့ မထုတ်ရောင်းကြတာပါ။ တော်ရုံတန်ရုံ ငွေကြေးအဆင်ပြေနေတဲ့ တတ်နိုင်တဲ့သူတွေကပါ ရတဲ့ဈေးနဲ့ထုတ်ရောင်းနေမယ်ဆိုရင် ဈေးကွက်အခြေအနေက ပိုဆိုးသွားမှာစိုးလို့ အစေးမခြစ်ဘဲနဲ့ အပင်ပြုပြင်ထိန်းသိမ်းမှုတွေလုပ်ရင်း ဈေးကောင်းရလာချိန်ကို စောင့်ဆိုင်းနေကြပါတယ်။ ဒီကြားထဲမှာတော့ တန်ဖိုးမြှင့်စားသောက်ကုန်တွေ အမျိုးမျိုးထုတ်လုပ်ပြီး ပြည်တွင်းဈေးကွက်ထဲကို ဖြန့်ချိပေးနေပါတယ်။

ဟု နန္ဒဝန်လျှော်ဖြူခြံမှ ဦးဇင်မင်းသန့် က ဆက်လက်ပြောသည်။

ငွေကြေးတတ်နိုင်ပြီး ဈေးကွက်အခွင့်အလမ်းမြင်သည့် တောင်သူများမှာလည်း လျှော်ဖြူစေး (ဆေးကုလားမ) ထုတ်လုပ်ခြင်းကို ရပ်နားထားကြပြီး၊ ကုန်ချောထုတ်လုပ်မှုများကိုသာ အာရုံစိုက်အလေးထား လုပ်ကိုင်လာကြသည်။

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ