အောက်တိုဘာ (၁၃) နေ့ရက်အတွက် စုစုစံရဲ့မိုးလေဝသခန့်မှန်းချက်စုစည်းမှု

🕔 ညနေ ၅း၄၀ အချိန် ခန့်မှန်းချက်

၂၀၂၁ အောက်တိုဘာလ ၁၆ ရက်နေ့တွင် ထိုင်းပင်လယ်ကွေ့နှင့် မုတ္တမပင်လယ်ကွေ့တို့တွင် Kompasu မုန်တိုင်းမှ Low pressure cell. များစွာစုဝေးရောက်ရှိနိုင်ပြီး အောက်တိုဘာလ ၁၇ ရက်နေ့တွင် တနင်္သာရီတိုင်း၊ မွန်ပြည်နယ်၊ ရန်ကုန်တိုင်း၊ ကရင်ပြည်နယ်၊ ဧရာဝတီတိုင်း၊ ပဲခူးတိုင်း၊ မကွေးတိုင်းတို့တွင် မိုးများစွာရွာသွန်းနိုင်ပါတယ်။ ကြိုတင်သတိရှိပြင်ဆင်နိုင်ရန် ၄ ရက်ကြိုတင်ခန့်မှန်းပေးလိုက်တာဖြစ်ပြီး ၂၄ နာရီလုံး ထောက်လှမ်းစောင့်ကြည့်တွက်ချက်ကာ ရက်နီးထပ်မံခန့်မှန်းပေးနေမှာဖြစ်ပါတယ်။ ရိတ်သိမ်းနေတဲ့သူများ အထူးသတိပြုရမှာဖြစ်သလို ရေထိမခံနိုင်တဲ့လုပ်ငန်းလုပ်ကိုင်နေကြသူများ အထူးသတိပြုဖို့လိုအပ်ပါတယ်။

🕔 နံနက် ၉း၁၁ အချိန် ခန့်မှန်းချက်

kompasu မုန်တိုင်းသည် ၂၀၂၁ အောက်တိုဘာလ ၁၅ ရက်နေ့တွင် တုံကင်ပင်လယ်ကွေ့အတွင်းရောက်ရှိလာမှာဖြစ်ပြီး ၁၅ ရက် ၁၆ ရက် ၁၇ ရက်နေ့တွေမှာ အဆိုပါမုန်တိုင်းလေစီးဆွဲယူမှုက ကပ္ပလီပင်လယ် Andaman sea အတွင်းမှ ဆွဲယူမှာဖြစ်ပြီး လေစီးလမ်းကြောင်းတလျှောက် မိုးကြီးပါမယ်။ ၎င်းရက်များတွင် တနင်္သာရီတိုင်းကြီးပေါ် လေစီးသက်ရောက်မှာဖြစ်လို့ တနင်္သာရီတိုင်းကြီး မိုးကြီးရေလျှံနိုင်ပါတယ်။ အထူးသဖြင့် ၁၆ ရက်နေ့မှာမှာ တိုက်ရိုက်လေစီးမိကာ ရေး၊ ရေဖြူ၊ ကန်ဘောက်၊ မေတ္တာ၊ ထားဝယ်၊ မောင်းမကန်၊ လောင်းလုံ၊ ပုလောက်၊ ပုလော၊ မြိတ်၊ ဘုတ်ပြင်းဒေသတွေမှာ မိုးကြီးရေလျှံ လမ်းရေကျော်နိုင်သဖြင့် ကုန်တင်ယာဥ်ကြီးများ ခရီးသွားလုပ်သာပြည်သူများ အဆိုပါရက်ပိုင်းအတွင်း ခရီးမသွားသင့်ပါဘူး။ တနင်္သာရီတိုင်းအနောက်ဖက် မြန်မာ့ပင်လယ်ပြင်အတွင်းမှာလည်း အဆိုပါရက်တွေမှာ လှိုင်းကြီးလေထန် မိုးကြီးပြီး ရာသီဥတုဆိုးရွားနိုင်သဖြင့် လေယာဥ်များ လှေသင်္ဘောများ ပင်လယ်အတွင်းသို့၎င်း ဝေဟင်မှလေယာဥ်များသည်၎င်း ဖြတ်သန်းမောင်းနှင်ခြင်းမလုပ်သင့်ပါဘူး။ အလွန်အန္တရာယ်ကြီးပါတယ်။ ရေလှိုင်းအမြင့် ၉ ပေ မှ ၁၅ ပေအထိရှိနိုင်ပြီး လေထန်ချိန်တွင် ၂၄ မိုင်မှ ၃၆ မိုင်အထိ တိုက်ခတ်နိုင်ပါတယ်။

အောက်တိုဘာလတွင် တနင်္သာရီတိုင်ကြီး မိုးကြီးရေလျှံနိုင်ကြောင်းကို လကြိုရက်ဝေးခန့်မှန်းပေးပြီးသားလည်း ဖြစ်ပါတယ်နော်။ အန္တရာယ်ကိုကြိုတင်သိရှိပြီး သဘာဝဘေးအန္တရာယ်ဖြစ်နိုင်မှုကို အပျက်အစီးမရှိအောင် လူ နှင့် အိမ်မွေးတိရစ္ဆာန်များ ဘေးအန္တရာယ်မဖြစ်အောင် ကြိုတင်သိရှိ ပြင်ဆင်စီမံဆောင်ရွက်နိုင်ကြစေရန် ခန့်မှန်းပေးလိုက်ရပါတယ်။

𝙎𝙐 𝙎𝙐 𝙎𝘼𝙉

𝙎𝙀𝙉𝙄𝙊𝙍

𝙈𝙀𝙏𝙀𝙊𝙍𝙊𝙇𝙊𝙂𝙄𝙎𝙏

𝘼𝙙𝙫𝙖𝙣𝙘𝙚𝙙 𝙒𝙚𝙖𝙩𝙝𝙚𝙧 𝙁𝙤𝙧𝙚𝙘𝙖𝙨𝙩𝙚𝙧 &

𝙈𝙚𝙩𝙚𝙤𝙧𝙤𝙡𝙤𝙜𝙞𝙘𝙖𝙡 𝙄𝙣𝙩𝙚𝙡𝙡𝙞𝙜𝙚𝙣𝙘𝙚 𝙊𝙛𝙛𝙞𝙘𝙚𝙧

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ