သစ်ရွက်စိမ်းမြေသြဇာဆိုသည်မှာ

သီးနှံပင်တို့၏ အာဟာရအတွက် သစ်ရွက်စိမ်းပင်ကြီးထွားအဆင့်တွင် ထွန်ဖြင့်မြေထဲသို့ ထိုးမြှုပ်ဖုံးအုပ်ပြီး ဆွေးမြည့်သောအခါ ထွန်ဖြင့်ထပ်မွှေပြီး မြေဖုံးအုပ်ပေးခြင်းမှရရှိသော မြေသြဇာဖြစ်ပါတယ်။ သစ်ရွက်စိမ်းမြေသြဇာထည့်သွင်းသည့်အဆင့်သည် သီးနှံပင်များ၏ ကြီးထွားအဆင့်(သို့) ပန်းပွင့်ပြီးလျှင်ပြီးချင်း ၎င်းတို့၏ အစိမ်းရောင်ရှိသည့် မည်သည့်အစိတ်အပိုင်းမဆို မြေဆီလွှာအတွင်းသို့ ထွန်ဖြင့်ထပ်မွှေပြီး မြေဖုံးအုပ်ပေးခြင်းကိုဆိုလိုပါတယ်။ သစ်ရွက်စိမ်းပင်အမျိုးအစားပေါ်မူတည်ပြီး စိုက်ပျိုးသောသီးနှံပင်အတွက် အာဟာရဓာတ်အထောက်အကူပေးမှုကတော့ကွဲပြားပါတယ်။

သစ်စိမ်းမြေသြဇာပင်များမှာတော့ ပိုက်ဆံလျှော်၊ ပဲပုပ်၊ ပဲလွန်း၊ ပဲတီစိမ်း၊ Berseem များကိုအသုံးပြုနိုင်ပါတယ်။

သစ်စိမ်းမြေသြဇာပင်ကို စိုက်ပြီးခြောက်ပတ်သားအရွယ် ပန်းပွင့်စအရွယ်တွင် ထယ်ထိုးမြေမြှုပ်ခြင်းပြုလုပ်ပေးပါ။

အကျိုးကျေးဇူးများ

သစ်စိမ်းမြေသြဇာပင်ထည့်ခြင်းသည် မြေသားတိုးတက်လာစေပါတယ်။ မြေအပေါ်ယံအလွှာအားဖြင့် အာဟာရဓာတ်စုပ်ယူမှုအားကောင်းလာစေပြီး မြေထဲတွင်နိုက်ထရိုဂျင်ဓာတ်များတိုးလာစေပါတယ်။ မြေတွင်းလေဝင်လေထွက်ကောင်းပြီး မြေကြီးသိပ်သည်းဆလည်းတိုးလာစေပါတယ်။ မြေကိုအကျိုးပြုစေသော အဏုဇီဝပိုးမွှားတိုးပွားလာစေပြီး မြေတွင်း ကယ်လစီယမ်၊ ဖော့စဖောရပ်စ်၊ ပိုတက်ရှ် နှင့် မန်းဂနီဆီယမ်ဓာတ်များလည်းတိုးစေမှာပါ။

ဦးကြီးတို့ရဲ့စိုက်ပျိုးမြေမှာ သီးနှံပင်တွေဖြစ်ထွန်းမှုနည်းလို့ မြေပြုပြင်ချင်တယ်ဆိုတော့ သစ်ရွက်စိမ်းပင်စိုက်ပျိုးပြီး ပြုပြင်ပေးဖို့လည်း တိုက်တွန်းလိုက်ရပါတယ်။

နည်းပညာများကို ရေဆင်းစိုက်ပျိုးရေးတက္ကသိုလ် ပါမောက္ခ(ငြိမ်း) ဒေါ်မြမြ၏ “အိမ်နှင့်ကျောင်းဥယျာဉ်ခြံတည်ထောင်ခြင်း နည်းပညာလက်စွဲ” စာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန်မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ