လုပ်ငန်းခွင်ဘေးကင်းလုံခြုံရေးနှင့် ကျန်းမာရေး (OSH) ဆိုတာဘာလဲ

အပြည်ပြည်ဆိုင်ရာအလုပ်သမားရေးရာအဖွဲ့၊ Vision Zero Fund စီမံကိန်းသည် တစ်ကမ္ဘာလုံးဆိုင်ရာ ကုန်စည်ပံ့ပိုးရောင်းချရေးကွင်းဆက် GSCs) များတွင် လုပ်ငန်းခွင်နှင့်ဆက်နွယ်သော သေဆုံးမှုများ၊ ထိခိုက်ဒါဏ်ရာရမှုများနှင့် ရောဂါရမှုများကို ကာကွယ်တားဆီးရန် ရည်ရွယ်ပါသည်။ စီမံကိန်းသည် ရှမ်းပြည်နယ်တွင် ချင်းသီးနှံကုန်စည်တန်းဖိုးမြှင့်ကွင်းဆက်အတွင်း လုပ်ငန်းခွင်ဘေးကင်း လုံခြုံရေးနှင့် ကျန်းမာရေးကဏ္ဍကို မြင့်တင်ပေးလျက်ရှိပါသည်။

လုပ်ငန်းခွင်ဘေးကင်းလုံခြုံရေးနှင့် ကျန်းမာရေးဆိုသည်မှာ လုပ်ငန်းခွင်အတွင်း ထိခိုက်ဒဏ်ရာရစေခြင်း၊ ဖျားနာခြင်း သို့မဟုတ် ပစ္စည်းဉစ္စာထိခိုက်ပျက်ဆီးခြင်းများ ဖြစ်ပွားစေနိုင်သော အန္တရာယ်ရှိသည့် အရာ၀တ္ထု၊ အဖြစ်အပျက်၊ အပြုအမူ (သို့) အခြေအနေကို ခေါ်ပါသည်။ လုပ်ငန်းခွင်ဘေးကင်းလုံခြုံရေးနှင့် ကျန်းမာရေးသည် အန္တရာယ်ကို ကြိုတင်ကာကွယ်ခြင်းထက် ပိုပါသည် - အလုပ်အခြေအနေနှင့် ရှုထောင့်အားလုံးကို လွှမ်းခြုံပြီး အလုပ်သမားများ၊ လယ်သမားများနှင့် ၎င်းတို့မိသားစုဝင်များ၏ လူမှုရေး၊ စိတ်ပိုင်းဆိုင်ရာနှင့် ရုပ်ပိုင်းဆိုင်ရာများကို အမြင့်ဆုံးထိ မြှင့်တင်ခြင်းနှင့် ထိန်းသိမ်းခြင်း ပါဝင်ပါသည်။ အကျယ်တဝင့်အနေဖြင့် အောက်ပါတို့ကို ရည်ရွယ်ပါသည်-

• အလုပ်သမား၊ လယ်သမားများ၏ အလုပ်အခြေအနေများကြောင့် ဖြစ်လာသည့် ကျန်းမာရေးအပေါ် ဆိုးရွားသော သက်ရောက်မှုများကို အလုပ်သမား၊ လယ်သမားများအတွက် ကြိုတင်ကာကွယ်ရေး

• အလုပ်သမား၊ လယ်သမားများ၏အလုပ်တွင် ကျန်းမာရေးကို ဆိုးရွားစေသောအချက်များမှ ရရှိလာသည့် အန္တရာယ်များမှ ကာကွယ်စောင့်ရှောက်ရေး

• ရုပ်ပိုင်းဆိုင်ရာနှင့် စိတ်ပိုင်းဆိုင်ရာလိုအပ်ချက်များကို လိုက်နာဆောင်ရွက်သည့် အလုပ်ပတ်၀န်းကျင်အဖြစ် အလုပ်သမား၊ လယ်သမားများ၏နေရာထိန်းသိမ်းမှု

ထို့ကြောင့် ကျန်းမာပြီး ဘေးကင်းလုံခြုံသော လုပ်ငန်းခွင်အလေ့အကျင့်များသည် လယ်ယာလုပ်ငန်းခွင်မှာလည်း အရေးကြီးပါသည်။ အဘယ်ကြောင့်ဆိုသော်မိမိတို့ လယ်ယာလုပ်ငန်းခွင်တွင် ဖြစ်လာမည့်အန္တရာယ်များကို ကြိုတင်သိရှိနားလည်ထားပြီး တားဆီးကာကွယ်နိုင်မှသာ အလုပ်လုပ်နိုင်မူစွမ်းရည်ကောင်းများ ရရှိမည့်အပြင် ကုန်ထုတ်လုပ်နိုင်စွမ်းလည်း တိုးတက်လာမည် ဖြစ်ပါသည်။ (ဉပမာအားဖြင့် အိမ်ထောင်စုတစုတွင် လုပ်ငန်းခွင်ဘေးအန္တရာယ်နှင့် ဖြစ်လာနိုင်သည့် ဆုံးရှုံးမှုများကို ကြိုတင်သိရှိနားလည်ခြင်းမရှိသည့်အတွက်အကြောင့် လုပ်ငန်းနှင့်ဆက်နွယ်သော ထိခိုက်ဒဏ်ရာရခြင်း၊ ဖျားနာခြင်းတို့ကြောင့် လူများအလုပ်လုပ်နိုင်ခြင်းမရှိပေ။ ထိုအခါ လယ်ယာလုပ်ငန်း ကုန်ထုတ်စွမ်းအားအပေါ် သက်ရောက်မှုဖြစ်ပွားစေသည်။ ထိုကြောင့် တောင်သူလယ်သမားများသည် လုပ်ငန်းခွင်ဘေးအန္တရာယ်များကို ကြိုတင်သိရှိနားလည်ထားရန်လိုအပ်ပြီး သို့မှသာ ကြိုတင်ကာကွယ်တားဆီးနိုင်မည် ဖြစ်ပါသည်။

ထိခိုက်ဒဏ်ရာရခြင်း၊ ဖျားနာခြင်းကြောင့် အလုပ်သမားနှင့် လယ်သမားမိသားစုများ ငွေကုန်ကျများပါသည်။ ထို့ကြောင့် လုပ်ငန်းခွင်ဘေးကင်းလုံခြုံရေးနှင့် ကျန်းမာရေးကို ကျင့်သုံးလိုက်နာခြင်းဖြင့် ငွေကြေးချွေတာနိုင်ပြီး ကုန်ထုတ်စွမ်းအားလည်း တိုးမြှင့်လာမည်ဖြစ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ