မိမိဒေသ၏ မိုးရေချိန်လက်မ အခြေအနေကို ကြိုတင်လေ့လာသိရှိပြီးမှသာ ဝဥပင်များကို စီးပွားဖြစ် စိုက်ပျိုးသင့်ကြောင်း ကိုယ်တိုင်စိုက်ပျိုးထုတ်လုပ်နေသူများထံမှ သိရသည်။
ဝဥစိုက်ပျိုးတဲ့အခါ မိုးရေချိန်လက်မ ၆၀ ကနေ ၁၂၀ လက်မ အတွင်း လိုပါတယ်။ မိုးရေချိန်က အဲ့ဒီပမာဏကို မပြည့်မီရင်တော့ ၅ ရက် တစ်ကြိမ်လောက် ရေပေးရမှာပေါ့။ မိုးတအားခေါင်သွားတယ်ဆိုရင်တော့ ရေကို ပိုက်နဲ့ဖြစ်ဖြစ် ကိုယ်အဆင်ပြေတဲ့နည်းနဲ့ ရေပေးနိုင်ရတယ်။ ကျင်းတူး စိုက်တဲ့စနစ်၊ မြောင်းထိုး စိုက်တဲ့စနစ်၊ ဘောင်တင်စိုက်တဲ့စနစ်၊ အိတ်နဲ့စိုက်တဲ့စနစ်ဆိုပြီး စနစ် ၄ မျိုး ရှိတယ်။ ကိုယ်စိုက်မယ့်မြေက ကျောက်ခဲတွေ၊ အပင်အမြစ်တွေ ရှုပ်ထွေးနေရင် အိတ်နဲ့ စိုက်လို့ရတယ်။ မြေပြန့်ဆိုရင် ဘောင်နဲ့စိုက်မလား၊ ကျင်းတူးစိုက်မလား ရွေးချယ်လို့ရတယ်။ စစိုက်ပျိုးသူတွေအနေနဲ့ ဒေသအပူချိန်၊ မိုးရေချိန်၊ ရာသီဥတု၊ မြေအမျိုးအစားတွေကို သိရှိပြီးမှ စိုက်ပျိုးသင့်ပါတယ်။
ဟု ရှမ်းပြည်နယ်မြောက်ပိုင်း၊ နောင်ချိုမြို့မှ နှစ်ရှည်သီးနှံနှင့် ဝဥပင်စီးပွားဖြစ်စိုက်ပျိုးသူ ဦးလင်းဦး က ပြောသည်။
ဝဥပင် စတင်စိုက်ပျိုးသည့် ကာလများမှာလည်း ဒေသတစ်ခုနှင့်တစ်ခု မတူညီနိုင်ကြောင်း သိရသည်။
ချင်းတောင်မှာဆိုရင် မတ်လမှာ စိုက်ပျိုးကြတယ်။ မွန်ပြည်နယ်မှာဆိုရင် ဧပြီလမှာ စိုက်ပျိုးကြတယ်။ ရှမ်းပြည်နယ်မှာဆိုရင် ဧပြီလလယ်ကနေ မေလဆန်းအတွင်း စိုက်ပျိုးကြတယ်။ ကိုယ့်ဒေသက မိုးဘယ်အချိန်ကျမှာလဲဆိုတာအပေါ် ချိန်ဆပြီး စိုက်ပျိုးသင့်ပါတယ်။ ဧပြီလမှာ စိုက်တယ်ဆိုရင် နိုဝင်ဘာလမှာ တူးလို့ရပြီ။ မေလမှာ စိုက်တယ်ဆိုရင် ဒီဇင်ဘာလမှာ တူးလို့ရပြီ။ ရောင်းချင်တယ်ဆိုရင် စိုက်ပြီး ၆ လဆို ရောင်းလို့ရပြီ။ မြေကြီးထဲမှာ ကြာကြာ ဆက်ထားချင်လည်း ရပါတယ်။
ဟု ၎င်းက ဆိုသည်။
ပင်ကြားတန်းကြား ၃ ပေ ပတ်လည်(သို့မဟုတ်) ပင်ကြားတန်းကြား ၂ ပေ ပတ်လည်ထား၍ ဝဥပင် တစ်ဧကစိုက်ပျိုးပါက စိုက်ပျိုးစရိတ်စုစုပေါင်း ကျပ်သိန်း ၅၀ ဝန်းကျင်ကုန်ကျနိုင်ကြောင်း သိရသည်။
East West Seed Myanmar ကြော်ငြာ
မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ
Read more
![Shwe La Won](https://greenway.sgp1.digitaloceanspaces.com/feed_ad_images/ရွှေလဝန်း.png)
Shwe La Won
![ATRIA](https://greenway.sgp1.digitaloceanspaces.com/feed_ad_images/161047f51effa929a6417acd3e11ba41.png)
ATRIA
![ရွှေမြား](https://greenway.sgp1.digitaloceanspaces.com/feed_ad_images/7d8b9ba38207d9af5d825df166c9efcd.png)
ရွှေမြား
![တောင်ပေါ်သား](https://greenway.sgp1.digitaloceanspaces.com/feed_ad_images/7dc46514353ced72f9f0450c2f507ed0.png)
တောင်ပေါ်သား
![တောင်ပေါ်သူ](https://greenway.sgp1.digitaloceanspaces.com/feed_ad_images/f4d4a2b01ef2d0bf6ad4e184d18ac490.png)
တောင်ပေါ်သူ