နွားငယ်အဆုတ်ရောင်ရောဂါ (Calf Pneumonia)

နွားငယ်လေးများ သေဆုံးရသော အကြောင်းအရင်းများတွင် ဒုတိယ အများဆုံးဖြစ်သည်။ ရောဂါဖြစ်ထားသော နို့စားနွားမတမ်းများသည် ပထမဆုံး သားစပ်ချိန်ကို အနည်းဆုံး ၂ပတ်နောက်ကျနိုင်ပါသည်။ ပထမဆုံးသားမွေးချိန်တွင် နို့ထွက်နှုန်းလည်း ၂-၄ ရာခိုင်နှုန်း အထိလျော့ကျနိုင်ပါသည်။ ထို့ကြောင့် စီးပွားရေးအရ ဆုံးရုံးမှုများစွာ ရှိစေ‌နိုင်သော ရောဂါ ဖြစ်သည်။

ဖြစ်ပွားရသည့်အကြောင်းအရင်း

ဘတ်တီးရီးယား (သို့) ဗိုင်းရပ်စ် ပိုးတစ်မျိုးမျိုး(သို့) တစ်မျိုးထက်ပို၍ ၀င်‌ရောက်မှုကြောင့် ဖြစ်ပွားနိုင်ပါသည်။ ပတ်၀န်းကျင် အပူချိန် နိမ့်ခြင်း၊ စိုထိုင်းစများခြင်း ၊ လေ၀င်လေထွက်မကောင်းခြင်း၊ လေပြင်းတိုက်ရိုက် တိုက်ခြင်း စသော ပတ်၀န်းကျင် အခြေအနေများကလည်း ရောဂါဖြစ်ပွားမှုကို အထောက်အပံ့ဖြစ်စေနိုင်ပါသည်။ ထို့အပြင် အကောင်ရေများပြီး ကျပ်ခြင်း၊ အသက်အရွယ် မျိုးစုံ စုပြုံမွေးခြင်း စသည်တို့ကြောင့် လည်း ရောဂါပို၍ဆိုးရွားစေနိုင်ပါသည်။

ရောဂါလက္ခဏာများ

ရောဂါ အခြေအနေအရ ရေတို (သို့) နာတာရှည် ဆိုပြီး ၂မျိုး ခွဲနိုင်ပါတယ်။

အခြေအနေ (၂) မျိုး သည် နွားငယ်လေး၏ ကြီးထွားနှုန်းကို သက်ရောက်စေပြီး သေဆုံးသည် အထိ ဖြစ်နိုင်ပါတယ်။

ရောဂါဖြစ်ပွားပါက နွားငယ်သည် အပူချိန်တက်ခြင်း၊ မှိုင်ခြင်း၊ အသက်ရှုပြင်းခြင်း (အဆုတ်ပျက်ဆီးသောကြောင့်) ၊ နှာရည်ကျခြင်း၊ ချောင်းဆိုးခြင်း၊ အစာစားနည်းခြင်း များတွေ့ရမည်။နာတာရှည် အဆုတ်အရောင်သည် ပို၍တွေ့ရများပြီး အစားစားမပျက်ပဲ နှာရည်ကျခြင်း ရှိနေပြီး အသံရှုပြင်းပြီး တခါ တရံ ချောင်းဆိုးခြင်းများ တွေ့ရတတ်ပါတယ်။ ရောဂါဖြစ်ပွားသော နွားငယ်လေးကို အခြားနွားများနှင့် ခွဲထားသင့်ပါတယ်။

ရောဂါ ဖြစ်ပွားနှုန်းကို လျော့ချရန်နှင့် ကြိုတင်ကာကွယ်ခြင်း

- နို့ဦးတိုက်ခြင်းကို ဂရုတစိုက် လုပ်ဆောင်ပါ။ သားမခွဲမှီ နွားနို့ တစ်နေ့ သုံးပိသာ တိုက်ပါ။

- တစ်လအောက်နွားငယ်‌လေးများတွင် လုံလောက်သော အနွေးဓာတ်ရအောင် လုပ်ပေးပါ။

- နွားငယ်လေးများကို စိတ်ဖိစီးမှု အနည်းဆုံး ဖြစ်အောင်ထားပါ (ဦးချိုသတ်ခြင်း ၊ သားခွဲချိန် ၊ စသည့် အချိန်များတွင်)။

- အစာအာဟာရ လုံလောက်စွာ ရရှိရန် စီမံပါ။

- နွားငယ်ခြံကို ခြောက်သွေ့ပြီး လေ၀င်လေထွက်ကောင်းအောင် စီမံပါ။

- လေ၀င် လေထွက်ကောင်းရန်လိုသော်လည်း လေပြင်းတိုက်ခတ်မှုသည် နွားငယ်လေးများ အတွက် မကောင်းပါ။

- စုံပြုံပြီး မမွေးသင့်ပါ။ လုံလောက်သော နေရာအကျယ်အ၀န်း ပေးပါ

MDEP

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ