ဇီဝကမ္မ ဖြစ်စဉ်ချို့တဲ့မှုကြောင့် ဖြစ်ပွားတတ်သော ရောဂါလက္ခဏာများ

နို့စားနွားခြံများတွင် ဇီဝကမ္မဖြစ်စဉ်ချို့တဲ့မှုကြောင့် (အာဟာရနှင့်ဆိုင်သော) အဖြစ်များသော Milk Fever, Ketosis စသည့် အကြောင်းအရာများဖြစ်ပွားလျှင် အစားအစာကျွေးမွေးသောမှတ်တမ်းနှင့် အစားအစာ၏ အရည်အသွေးများကို စစ်ဆေးခြင်း ပြုလုပ်ရန် လိုအပ်ပါသည်

ကူးစက်ရောဂါများထိန်းချုပ်ခြင်း

ကူးစက်ရောဂါများထိန်းချုပ်ရာတွင် ကာကွယ်ဆေးထိုးထားခြင်းသည် ကုသခြင်း ထက်ပိုမိုကောင်းမွန်သည်။ ကူးစက်ရောဂါဖြစ်ပွားလျှင် သက်ဆိုင်ရာဆရာဝန်များ ထံသို့ အကြောင်းကြား၍ ရောဂါထိန်းချုပ်ခြင်းများကို ပူးပေါင်းဆောင်ရွက်ရမည်။ ရောဂါအခြေနေပေါ်မူတည်၍ တစ်နေရာမှ တစ်နေရာ ရွှေ့ပြောင်းမှုများထိန်းချုပ်ခြင်း၊ ခွဲခြားထားခြင်း၊ စမ်းသပ်ခြင်းများပြုလုပ်၍ ကာကွယ်ထိန်းချုပ်ရန်လိုအပ်ပါသည်။ တိရစ္ဆာန်မှလူသို့ ကူးစက်သောရောဂါများကို ကာကွယ်ထိန်းချုပ်ရန်သည်လည်း အဓိကကျပါသည်။ ခြံလုပ်သားများကို စနစ်တကျပညာပေးခြင်းများပြုလုပ်ရန် လိုအပ်ပါသည်။