အခြေခံဝါးရုံပြုပြင်ခြင်းနည်းစနစ်များ အပိုင်း ၂

ဝါးရုံအမှတ်အသားပြုလုပ်ခြင်း - Clump Codification

၁။ ဝါးပင်၏သက်တမ်းကို တိကျစွာမှတ်တမ်းတင်ခြင်း

၂။ မျက်မြင်ဖြင့်သက်တမ်းခန့်မှန်းခြင်းသည် မယုံကြည်ရပါ

၃။ ဝါးရုံမှ (၁)ပေခွဲ (၂)ပေအတွင်း ရှိသော ပေါင်းပင်များနှင့် အကိုင်းအခက်များကို ရှင်းလင်းရမည်။

ဝါးလုံးများအား နှစ်အလိုက်အမှတ်စဉ်ပေးခြင်း

၁။ ဝါးအဆင့်မြင့်ထုတ်ကုန်များနှင့် ဆောက်လုပ်ရေးလုပ်ငန်းများအတွက် (၃ နှစ်မှ ၄ နှစ်) ဝါးများကို ခုတ်ယူနိုင်ရန် အဓိကထားမှတ်ယူရမည်။

၂။ ဝါးပင်တစ်ပင်ခြင်းစီအလိုက် ခုတ်ယူရမည့်နှစ်ကို မှတ်သားရမည်။ ဥပမာ (၂၀၁၈ ခုနှစ်တွင် ပေါက်ရောက်သော ဝါးကို မိမိဦးခေါင်းနှင့် တည့်တည့် ဝါးဆစ်မှစတင်၍ ၂၂ဟုဆေးဖြင့်မှတ်သားရမည်။)

၃။ ပိုင်ရှင်အမည်အတိုကောက်ကို ဖော်ပြရမည်။ ဥပမာ ပိုင်ရှင်အမည်မှာ ခင်မောင်ဆိုပါက KM ဟုမှတ်သားရမည်

၄။ ဝါးရုံနံပါတ် ကို အမှတ်အသားပြုလုပ်ရမည်။

ဝါးလုံးသက်တမ်းအချိုးအစားပြုပြင်ခြင်း (Age Ratio)

အဆင့် (၁) ။ သက်တမ်းအချိုးအစားများကို တွက်ချက်ရမည်

အဆင့် (၂)။ ဝါးရုံအချိုးအစားကို ထိန်းသိမ်းရန် ဝါးများကို ခုတ်ယူရာတွင် ဂရုပြုရမည်။

အဆင့် (၃)။ သင့်တော်သောအချိုးအစား မှာ အောက်ပါအတိုင်းဖြစ်သည်။

မှတ်ချက် ။ ၂ နှစ်သား အရွယ်ရှိ ဝါးလုံးများသည် မျှစ်စို့အများဆုံးထုတ်ပေးနိုင်သည့်အတွက် ဝါးရုံတွင် သတ်မှတ်ထားသော အချိုးအစားထက်မလျော့သင့်ပါ။

၃နှစ်သားဝါးလုံးအများစုသည် ခုတ်သိမ်းရန်သင့်တော်သည်။ အဘယ်ကြောင့်ဆိုသော် ၃နှစ်သားဝါးများသည် ကျန်းမာကြံ့ခိုင်သည်။ ၃ နှစ်သားဝါးများသည်လည်း ဝါးရုံကို ရေရှည်ထိန်းသိမ်းရန်အတွက် အထောက်အကူဖြစ်စေသည်။
၄နှစ်သားဝါးများသည် ခုတ်ယူရန် အသင့်တော်ဆုံးဖြစ်သော်လည်း ဝါးရုံအချိုးအစား သဟဇာတဖြစ်စေရန် အထက်ဖော်ပြပါအချိုးစားထက်မလျော့ထိန်းသိမ်းရမည်။

မြေဖုံးပေးခြင်း - Soil Mounding

- မျှစ်အစို့များ၊ ဝါးပင်အသစ်များ အများဆုံးထုတ်လုပ်ပေးနိုင်သော အပေါ်ယံမြေဆီလွှာဓာတ်ကို ရည်ရွယ်ပါသည်။

- မိုးရာသီ မစတင်မှီ ( ဝါးပင်သစ်များမထုတ်လုပ်မှီ ၁လ ၂ လအလိုတွင် မူရင်းရှိနေသော ဝါးပင်အရင်း (အောက်ခြေတွင်) မြေဖုံးပေးရပါမည်။

- အောက်ဆုံးဝါးဆစ်အခြေ ပထမဆုံးပင်စည်ပွား အထက်ပိုင်းအထိမြေဖြင့်ဖုံးအုပ်ပေးရမည်။

- ဖုံးမည့်မြေသည် ဝါးရုံနှင့်အနီးအနားမှယူခြင်း (သို့) သစ်ရွက်ဆွေး ဝါးရွက်ဆွေးများဖြင့် ရောနှောနေသော မြေများဖြင့်ဖုံးအုပ်ပါက ပိုမိုကောင်းမွန်ပါသည်။ မြေဖုံးပြီးပါက ဝါးရွက်ဆွေးများကိုလည်း ထပ်မံဖုံးအုပ်ပေးလျှင် ပိုကောင်းပါသည်။
- အခြေအနေတူသော ဝါးရုံ (၃) ရုံစီရွေးချယ်ပြီး မြေဖုံးပေးထားသောဝါးရုံ၏ တိုးတက်ကောင်းမွန်မှုကို တိုင်းတာနိုင်သည်။

ခုတ်ယူပြီး ဝါးဆစ်များအား မြေဖို့ပေးခြင်း (Fertilizing bamboo stumps)

၁။ ဝါးလုံးများကို အောက်ခြေ ၁ ဆစ် နှစ်ဆစ်မှ စတင်၍ခုတ်ယူလျှင်အသင့်တော်ဆုံးဖြစ်သည်။ ခုတ်ယူပြီးလျှင် ကျန်ရှိနေသော အဆစ်ပိုင်းအပေါက်ဖြစ်အောင်လုပ်၍၎င်းအထဲသို့ မြေဆီလွှာထည့်ပေးခြင်းအားဖြင့် အောက်ပါ အကျိုးကျေးဇူးများဖြစ်ထွန်းစေပါသည်။

၁။ ခုတ်ယူလိုက်သောဝါးဆစ်မှ မျှစ်စို့များ ထပ်မံထွက်ရှိရန် အထောက်အပံ့ပေးခြင်း

၂။ ကျန်ရှိသော ဝါးဆစ်၏ဆွေးမြေ့ပျက်စီးမှုမြန်စေပြီး အသစ်ထွက်မည့်မျှစ်အစို့များကောင်းစွာကြီးထွားရန် အခြေအနေပေးခြင်း

၃။ ဘတ်တီးရီးယား နှင့် အခြားမှိုရောဂါပိုးများ ဝင်ရောက်မှုကို နည်းပါးစေခြင်း တို့ဖြစ်ပါသည်။

BIF

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ