စိုက်ခင်းထဲမှာ နွားသေးသုံးရင် ဘယ်လိုကောင်းကျိုးတွေရနိုင်မလဲ???

နွားတွေရဲ့ စွန့်ထုတ်ပစ္စည်းဖြစ်တဲ့ နွားချေးကိုစိုက်ပျိုးရေးမှာ သုံးတာကောင်းကျိုးဖြစ်ထွန်းတာကို အားလုံးလဲ သိရှိပြီးသားပါ။ ဒါဆိုနွားသေးကိုရော စိုက်ပျိုးရေးမှာ သုံးရင် ဘယ်လိုကောင်းကျိုးတွေ ရမလဲဆိုတာ ပြောပြပေးချင်ပါတယ်ဗျ။

နွားသေးကို ရွက်ဖျန်းမြေသြဇာအဖြစ်သုံးလို့ရသလို အပင်ခြေမှာလဲ ဖျန်းပေးနိုင်ပါတယ်။

အပင်တွေကြီးထွားဖို့အတွက် အဓိကလိုအပ်တဲ့ အာဟာရဓာတ်တွေကတော့ နိုက်ထရိုဂျင်၊ဖော့စ်ဖော့ရပ်နဲ့ ပိုတက်ပါ။ အဲ့ဒီအာဟာရဓာတ်သုံးမျိုးစလုံးက နွားသေးထဲမှာ ပါဝင်နေပြီး အဓိကအားဖြင့် နိုက်ထရိုဂျင်နဲ့ ပိုတက်က ပမာန များစွာပါဝင်နေပါတယ်။

နွားသေးကို စိုက်ခင်းမှာသုံးရင် ဘာကောင်းကျိုးတွေ ရမလဲ? ? ?

-နွားသေးဖျန်းထားတဲ့ မြေတွေက အကျိုးပြု အဏုဇီဝပိုးမွှားကောင်တွေ တိုးပွားလာမယ်။

-အပင်ကြီးထွားမှုကို မြှင့်တင်ပေးနိုင်ရုံသာမက မြေကြီးရဲ့ တည်ဆောက်ပုံကိုပါကောင်းမွန်စေပါတယ်။

-နွားသေးဖျန်းခြင်းက ယူရီးယားသုံးခြင်းထက်တောင် အရွက်တွေပိုစိမ်းစေသတဲ့။

-နွားသေးရဲ့ အာနိသင်က နောက်ရာသီစိုက်တဲ့ သီးနှံထိပါ အကျိုးသက်ရောက်စေပါတယ်။

-တီကောင်တွေ ကြီးထွားဖို့အတွက် ကောင်းမွန်တဲ့ မြေကြီးကို ဖန်တီးပေးတယ်။

-(၁၄)ရက်ကြာ သိုလှောင်ပြီးမှ ဖျန်းတဲ့နွားသေးက ပျတွေနဲ့ အခြားဖျက်ပိုးတွေကို ကာကွယ်ပေးနိုင်သတဲ့။

-အပင်တွေရဲ့ ရောဂါဒဏ်ခံနိုင်ရည်ရှိမှုကို မြှင့်တင်ပေးပါတယ်။

ဘယ်လိုဖော်စပ်သုံးကြမလဲ???

-စုဆောင်းရာမှာတော့ ခက်ခဲနိုင်ပြီး တစ်နေရာတည်းကို စီးဆင်းလာနိုင်တဲ့ အနေထားမျိုးဖန်တီးနိုင်ရင်တော့ ကောင်းပါလိမ့်မယ်။

-နွားသေးတွေကို (၁၅)ရက်ကြာ စုပြီးသိုလှောင်ထားရပါတယ်။

-အပင်ငယ်လေးတွေကို ဖျန်းမယ်ဆိုရင်တော့ (၁၅ )ရက်ကြာသိုလှောင်ထားတဲ့ နွားသေး (၁) လီတာကို ရေ ၁၀ လီတာနဲ့ရောပြီး ဖျန်းနိုင်ပါတယ်။

-အရွယ်ရောက်အပင်တွေကို ဖျန်းမယ်ဆိုရင်တော့ နွားသေး ၁ လီတာကို ရေ (၅)လီတာရောပြီး ဖျန်းနိုင်ပါတယ်ဗျ။

Ref; judith-chase-c7h9.squarespace.com › ...PDF

Cow urine fertilizer: Impacts of cattle urine

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ