အီးမေးလ်(Email)နှင့် ဂျီမေးလ်(Gmail)အကြောင်း

ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့ အစီစဥ်လေး ပြန်လည်ကြိုဆိုလိုက်ပါတယ် ခင်ဗျ။

ယခုတစ်ပတ်မှာတော့ အီးမေးလ်နဲ့ ဂျီမေးလ် အကြောင်း မျှဝေပေးသွားပါမယ် ခင်ဗျ။

ကျွန်တော်တို့နိုင်ငံမှာ မိုဘိုင်းဖုန်းတွေ ခေတ်စားလာပြီး အင်တာနက်အသုံးပြုမှုတွေလည်း များလာပါတယ်။ Google ဂူးဂဲလ် အကောင့်တွေဖွင့်ပြီး လူမှုကွန်ယက် မီဒီယာတွေကိုကျယ်ကျယ်ပြန့်ပြန့် အသုံးပြုလာကြပါတယ်။ ဒီအခြေအနေမှာ အီးမေးလ် (Email) နဲ့ ဂျီမေးလ် (Gmail) တို့ဟာလည်း အရေးပါလာပါတယ်။

အီးမေးလ် ဆိုတာကတော့ လျှပ်စစ်နည်းပညာသုံး စာပို့စနစ်တစ်ခု ဖြစ်ပါတယ်။ အီးမေးလ် အုပ်စုထဲမှာ ဂျီမေးလ် (Gmail) လည်း ပါဝင်ပါတယ်။ အင်တာနက်မှာ အသုံးပြုတဲ့ မေးလ် (mail)အားလုံးကို အီးမေးလ် (Email) လို့ ခေါ်ဆိုနိုင်ပါတယ်။

ဂျီမေးလ် (Gmail) ဆိုတာကတော့ ဂူးဂဲလ် (Google) ကနေ ဝန်ဆောင်မှုပေးထားတဲ့ အီးမေးလ် တစ်မျိုးပဲ ဖြစ်ပါတယ်။ ဂျီမေးလ် (Gmail) ဆိုတာ ဂူးဂဲလ် အကောင့်တစ်ခုပဲ ဖြစ်ပါတယ်။ ဂူးဂဲလ်ရဲ့ ဝန်ဆောင်မှုတွေကို ဂူးဂဲလ်အကောင့်နဲ့ ဝင်ရောက်အသုံးပြုနိုင်ပါတယ်။

ယနေ့ခေတ်မှာ လူတိုင်း ဖုန်းကိုယ်စီရှိကြသလို အင်တာနက်ကနေ စိုက်ပျိုးနည်းပညာတွေ လေ့လာနိုင်ဖို့၊ အွန်လိုင်းမှာ စိုက်ပျိုးရေးနဲ့ ပတ်သတ်တဲ့ သင်တန်းတွေ၊ အခမ်းအနားတွေ တက်ရောက်နိုင်ဖို့ တောင်သူဦးကြီးတို့အတွက် မေးလ် (Mail) တစ်ခုလည်း ရှိဖို့လိုအပ်ပါတယ်။ အခုဆိုရင် အီးမေးလ်နဲ့ ဂျီမေးလ် အကြောင်းဗဟုသုအနေနဲ့ သိသွားမယ်လို့ ယုံကြည်ပါတယ်ခင်ဗျ။

ယခင်က ဖော်ပြခဲ့တဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

စမတ်ဖုန်းနဲ့ ကျန်းမာရေး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ