အရိုးပွရောဂါမဖြစ်အောင် ကြိုတင်ကာကွယ်ပေးနိုင်တဲ့ အစားအစာများ

ရောဂါတစ်ခုမဖြစ်အောင် အစားအသောက်နဲ့ အပြည့်အဝမဟုတ်တောင် တစ်ဖက်တစ်လမ်းကနေ ကြိုတင်ကာကွယ်ပေးနိုင်ပါတယ်။ ဒါကြောင့်လည်း လူကြီးလူငယ်မရွေး အခန့်မသင့်ရင် ဖြစ်တတ်တဲ့ အရိုးပွရောဂါကို မဖြစ်အောင် ကြိုတင်ကာကွယ်ပေးနိုင်တဲ့ အစားအစာတွေကို မျှဝေပေးလိုက်ပါတယ်။ ဒီအစားအစာတွေကိုစားလို့ အရိုးပွရောဂါလုံးဝမဖြစ်ဘူးဆိုတာမျိုး မဟုတ်ပေမယ့် ဖြစ်ပွားမှုနှုန်းကိုတော့ လျှော့ချပေးနိုင်ပါတယ်။ အရိုးပွရောဂါဖြစ်နေပြီဆိုလည်း ဒီအစားအစာတွေကို များများစားပေးခြင်းဖြင့် ကူညီပေးနိုင်ပါတယ်။

အဓိကကတော့ အရိုးအားကောင်းဖို့၊ ကျန်းမာဖို့ ကယ်လ်ဆီယမ်ဓာတ်နဲ့ ဗီတာမင်ဒီဓာတ်က အရေးအကြီးဆုံးပါပဲ။ ဒါ့အပြင် ဗီတာမင်စီ၊ မက်ဂနီဆီယမ်ဓာတ်နဲ့ ပိုတက်ဆီယမ်ဓာတ်လည်း လိုပါတယ်။

အစိမ်းရင့်ရောင်အသီးအရွက်

အစိမ်းရင့်ရော် အသီးအရွက်တွေထဲမှာမှ ကိုက်လန်၊ ဂေါ်ဖီထုပ်၊ မုန်ညင်းစိမ်းလေးတွေ၊ မုန်လာရွက် စတာတွေမှာက ကယ်လ်ဆီယမ်ဓာတ်တွေ ပေါများစွာပါဝင်ပါတယ်။

အာလူး

အာလူးမှာက အရိုးအတွက်လိုအပ်တဲ့ ကယ်လ်ဆီယမ်ဓာတ်နဲ့ ဗီတာမင်ဒီဓာတ်တွေအပြင် မက်ဂနီဆီယမ်ဓာတ်နဲ့ ပိုတက်ဆီယမ်ဓာတ်လည်း ပါဝင်ပါတယ်။

ရှောက်အမျိုးမျိုး

ရှောက်အမျိုးမျိုးမှာက ဗီတာမင်စီဓာတ် ကြွယ်ဝစွာပါဝင်ပါတယ်။

ငါး

ငါးမှာလည်း ကယ်လ်ဆီယမ်ဓာတ်နဲ့ ဗီတာမင်ဒီဓာတ်တွေ ပါဝင်ပါတယ်။ ဆောလမွန်ငါးမှာကတော့ အဲ့ဓာတ်တွေအပြင် ပိုတက်ဆီယမ်ဓာတ်လည်း ကြွယ်ဝစွာပါဝင်ပါတယ်။

Almonds

Almonds မှာကတော့ ကယ်လ်ဆီယမ်ဓာတ်နဲ့ ပိုတက်ဆီယမ်ဓာတ်တွေ အဓိကပါဝင်ပါတယ်။

အားဖြည့်အစားအစာတွေ

အားဖြည့်အစားအစာတွေဖြစ်တဲ့ ကောက်ပဲသီးနှံနဲ့လုပ်ထားတဲ့ အစားအစာတွေ၊ ပေါင်မုန့်၊ လိမ္မော်ဖျော်ရည်၊ နွားနို့နဲ့လုပ်ထားတဲ့အစားအစာတွေမှာက ကယ်လ်ဆီယမ်ဓာတ်နဲ့ ဗီတာမင်ဒီဓာတ်တွေ များစွာ ပါဝင်ပါတယ်။

MyFood Myanmar Website မှ ပြန်လည်ကူးယူဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ