ရော်ဘာဆိုင်ရာစိုက်ပျိုးရေးအလေ့အကျင့်ကောင်းများ

- ဒေသအလိုက်ထောက်ခံထားသောရော်ဘာမျိုးများကိုသာစိုက်ပျိုးပါ။ မြေပြန့်မှ (၅) ဒီဂရီ အစောင်းရှိသောမြေနေရာတွင် ပင်ကြားတန်းကြား (၂၀x ၁၀) ပေစိုက်နည်းစနစ်အသုံးပြုပါ။

- (၅-၃၀) ဒီဂရီ အစောင်းရှိသောမြေနေရာတွင် ပင်ကြားတန်းကြား (၃၀ x ၇)ပေ ကွန်တိုစိုက်နည်းစနစ်အသုံးပြုပါ။

- ကမ္ဘာ့ရော်ဘာအထွက်၏ (၇၀-၈၀) ရာခိုင်နှုန်းအား အသုံးပြုလျှက်ရှိသည့် တာယာကုမ္ပဏီများအနေဖြင့် သစ်တောဧရိယာအတွင်း စိုက်ပျိုးထားသော ရော်ဘာစိုက်ခင်းများမှ ထွက်ရှိသောရော်ဘာအား ဝယ်ယူသုံးစွဲခြင်းမပြုရန် ဆုံးဖြတ်ထားရှိရာ သစ်တောဧရိယာအတွင်း ရော်ဘာတိုးချဲ့စိုက်ပျိုးခြင်း (လုံးဝ) မပြုလုပ်ပါနှင့်။

- စိုက်ကျင်းအား ဧပြီလလယ်မှမေလအတွင်း (၂) ပေပတ်လည် အနက် (၂) ပေ ဇလားပုံတူးပါ။ အပေါ်ယံမြေသားကို ကျင်းတစ်ဖက်တွင်စုပုံ၍ ကျင်း အောက်ခြေမှမြေသားကို အခြားတစ်ဖက်တွင်စုပုံပါ။ ကျင်းတစ်ကျင်းတွင် ရော့ဖော့စဖိတ် မြေသြဇာနို့ဆီဗူးတစ်ဝက်နှင့် အပေါ်ယံမြေကိုရောပြီး ကျင်းထဲသို့ ထည့်ပြီးမှ အောက်မှမြေသားကို မြေမျက်နှာပြင်ထက် (၄)လက်မ ပိုမြင့် အောင်ဖို့ထားရသည်။ ပန္နက်တိုင်ကိုပြောင်းပြန်စိုက်ထားရသည်။

- အပေါ်ရွက်ဖုံရင့်နေသည့်ရွက်ဖုံ(၂၃)ဖုံရှိ အဖူးဆက်ရော်ဘာပျိုးပင်ကိုရွေးချယ် စိုက်ပျိုးပါ။ ပလပ်စတစ်အိတ်ပျိုးပင်ကို အောက်ခြေတွင် အိတ်အားဓါးဖြင့် ဖြတ်ဖွင့်ကာအိတ်၏ ဘေးအားအောက်ခြေမှအပေါ်သို့ အိတ်၏သုံးပုံတစ်ပုံ အထိခွဲပြီးနောက် စိုက်ပျိုးရန်ပြန်ဖော်ထားသော စိုက်ကျင်းထဲတွင်ချရသည်။

- ပျိုးအိတ်ပတ်လည်အားမြေများ တစ်ဖြေးဖြေးဖို့သိပ်ရင်း ပလပ်စတစ်အိတ် ဘေးအား အပေါ်အထိအဆင့်ဆင့် ဆက်ခွဲပြီးနောက် ပလပ်စတစ်အိတ်အား ဆွဲမချွတ်လိုက်ရသည်။ ပျိုးပင်မြေလုံးပတ်လည်ရှိ ဖို့မြေအား တစ်ဖြေးဖြေး ဖို့ရင်း လိပ်ကျောကုန်းပုံစံပေါ်သည်အထိ နင်းသိပ်ပေးရသည်။ ပျိုးပင်လုံး အား မနင်းသိပ်ရပါ။

- ရော်ဘာစိုက်ပျိုးသည့် ပထမ(၃) နှစ်အတွင်း အပိုဝင်ငွေရရှိစေရန်နှင့် ပေါင်း နှိမ်နင်းနိုင်စေရန် ကြားသီးနှံများအား ရော်ဘာပင်တန်းအခြေမှ (၅)ပေခွာ၍ စိုက်ပျိုးပါ။ သွင်းအားစုများများကို မိုးဦးမိုးနှောင်း အချိန်ကိုက်အချိုးညီ ထည့်သွင်းသုံးစွဲပါ။အဖူးကူးပင်ကို အမြင့်(၅၀)လက္ခတွင်လုံးပတ်(၂၀)လက္မ၊ အစေ့စိုက်ပင်ကို မြေပြင်မှအမြင့် ၂၀ လက္ခတွင် လုံးပတ်(၂၀)လက္မပြည့်ပါက အစေးခြစ်နိုင်မည်ဖြစ်ပါသည်။

စိုက်ပျိုးရေးဆိုင်ရာနည်းပညာများနှင့်ပတ်သက်၍ သိရှိလိုပါက စိုက်ပျိုးရေးဦးစီးဌာန (ရုံးချုပ်) Call Center ဖုန်းနံပါတ် ၀၆၇- ၄၁၀၁၃၉၊ ၀၁-၂၃၉၉၅၅၅ နှင့် သက်ဆိုင်ရာမြို့နယ်စိုက်ပျိုးရေးရုံးများတွင် ဆက်သွယ် မေးမြန်းနိုင်ပါသည်။

အစိမ်းရောင်လမ်း စိုက်မွေးဖုန်းဆော့ဝဲ၏ အသုံးဝင်သော လိပ်စာများကဏ္ဍမှလည်း ခေါ်ဆိုနိုင်ပါတယ်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ