ငါးခုံးမကြီး အသားတိုးမွေးမြူခြင်း

ငါးခုံးမကြီးငါးမှာ ကြီးထွားနှုန်းကောင်းခြင်း၊ ရာသီဥတုမရွေးခြင်း၊ အကြမ်းခံနိုင်၍ အစာမရွေးဘဲ သားဖောက်ရလွယ်ကူခြင်း၊ စီးပွားဖြစ်သော်လည်းကာင်း၊ တစ်ပိုင်တစ်နိုင်သော်လည်းကောင်း၊ ဒေသမရွေးမွေးမြူနိုင်သော ငါးမျိုးဖြစ်သည့်အပြင် စပါး-ငါးမွေးမြူနည်းစနစ်ဖြင့်လည်းကောင်း၊ အခြားငါးများဖြင့် ရောနှောမွေးမြူခြင်းနည်းစနစ်ဖြင့်လည်းကောင်း မွေးမြူရန်သင့်တော်သော ငါးမျိုးဖြစ်ပါသည်။

ငါးခုံးမကြီးသည် ရေပေါက်ပင်များဖြစ်သည့် ဘဲစားမှော်၊ ပကန် စသည်တို့အား စားသည့်အလေ့ရှိသောကြောင့် သဘာဝရေမှော်များတွင် အလွန်အကျွံပေါက်နေသော ရေပေါက်ပင်များကို ထိန်းချုပ်နိုင်ရန်အတွက်လည်း ထည့်သွင်းမွေးမြူနိုင်ပါသည်။ ငါးခုံးမကြီးငါးမျိုးအား စားသုံးရန်အပြင် အလှမွေးငါးအနေဖြင့်လည်း မွေးမြူနိုင်ပါသည်။

ငါးခုံးမကြီးအားမွေးမြူရန် အကောင်းဆုံးပတ်ဝန်းကျင်မှာ ရေအပူချိန် ၂၅ ဒီဂရီဆဲလ်စီးရပ်စ် မှ ၃၀ ဒီဂရီဆဲလ်စီးရပ်စ်၊ ရေချဥ်ဖန်နှုန်း pH-၇ မှ ၈ အထိ၊ အောက်ဆီဂျင်ပျော်ဝင်မှု 2 mg / 1 နှင့် အထက်ဖြစ်ပါသည်။ မြေကန်ဖြင့်မွေးမြူပါက သက်တမ်းပထမနှစ်တွင် ၀.၅ ကီလိုဂရမ်အထိ ကြီးထွားနိုင်ပြီး ဒုတိယနှစ်သက်တမ်းတွင် ကြီးထွားနှုန်းနှေးပါသည်။

ငါးခုံးမကြီး အသားတိုးမွေးမြူရာတွင် အရေးပါသောမြေနေရာနှင့် မြေအမျိုးအစား ရွေးချယ်ခြင်းအကြောင်း

၁။ လမ်းပန်းဆက်သွယ်ရေးကောင်း၍ စျေးကွက်နှင့်နီးသည့်နေရာ။

၂။ ရွံ့စေးမြေရှိသောနေရော။

၃။ ရေကို အလွယ်တကူရရှိနိုင်သည့်နေရာ။

၄။ ထုံးဓာတ်များသောရေသည် ပြုပြင်ရန်လိုအပ်သဖြင့် ကုန်ကျစရိတ်များသောကြောင့် မရွေးချယ်သင့်ပေ။

ကန်တူးဖော်ခြင်း

၁။ အလျှားရှည်ပြီး အနံတိုသောကန်များအား လေတိုက်နှုန်းအတိုင်း အလျားထား၍ တူးဖော်ရမည်။

၂။ မြေသားအနက် (၄) ပေ တူးရမည်။ ရေအနက် (၄)ပေ ရှိရမည်။

၃။ ကန်ဘောင်မြဲစေရန် မြက်အပြည့် ကပ်ပေးရမည်။

ကန်အရွယ်အစား

တစ်ပိုင်တစ်နိုင်- ၅၀ ပေ x ၂၅ ပေ (၀.ဝ၃)ဧက

၁၀၀ ပေ x ၁၀၀ ပေ (ဝ.၂၅)ဧက

အလတ်စားအတွက်- ၂၀၀ ပေ x ၁၀၀ ပေ(၀.၅) ဧက

စီးပွားဖြစ်အတွက် - ၄၀၀ ပေ x ၁၀၀ ပေ (၁.ဝ) ဧက တို့ဖြစ်ကြသည်။

၁၀ ဧကနှင့်အထက်ကန်ကြီးများတွင် အခြားငါးမျိုးများနှင့် ရောနှောမွေးမြူပါက ကြီးထွားနှုန်းပိုမို ကောင်းမွန်စေပါသည်။

၁။ ငါးမွေးကန်အတွင်း ရေမဖြည့်မီ မြေအမျိုးအစားကိုလိုက်၍ တစ်ဧကလျှင် ထုံးပိဿာ(၆၀- ၃၀၀)နှုန်း၊ နွားချေး၊ ကြက်ချေး တင်း(၁၅၀)နှုန်း ထည့်ပေးရသည်။

၂။ ရေဖြည့်ပြီး တစ်ပါတ်မှ (၁၀) ရက်ခန့်အကြာတွင် သြဇာဓါတ်ပြည့်ဝ၍ ကန်ရေအရောင်စိမ်းလာလျှင် ငါးစတင်မွေးနိုင်ပြီဖြစ်ပါသည်။

ငါးထည့်သွင်းမွေးနှုန်း

တစ်ဧက ကန်အတွက် ငါးဖျန်းအရွယ် (၃” - ၈”) အား ရောနှောမွေးမြူခြင်းစနစ်ဖြင့် မွေးမြူပါက စုစုပေါင်း ငါးထည့်သွင်းနှုန်း၏ ၂၃% အထိ ငါးခုံးမကြီးအား အခြားငါးများနှင့် ရောနှောမွေးမြူနိုင်ပြီး ငါးခုံးမကြီးတစ်မျိုးတည်းမွေးမြူပါက တစ်ဧကလျှင် ငါးဖျန်းကောင်ရေ(၅၀၀၀) ထည့်သွင်းမွေးမြူနိုင်ပါသည်။ (၆) လကြာမွေးမြူပါက တစ်ဧကလျှင် ပိဿာ(၅၀၀) နီးပါး ထွက်ရှိနိုင်ပါသည်။

အစာကျွေးနှုန်း

၁။ ဖွဲနု၊ ပဲဖတ်၊ အစာတောင့် စသည့်ဖြည့်စွက်စာများကို ငါးအလေးချိန်၏ ၅% မှ ၂ % ထိ တွက်ချက်၍ ကျွေးမွေးရသည်။

၂။ ဖွဲနု (၄) ပိဿာကျွေးလျှင် ငါးတစ်ပိဿာ အသားတိုးနိုင်၍ ဖွဲနု၊ ပဲဖတ်၊ ငါးပေါင်းမှုန့်အရော (၃း၁း၁) ၊ ၃ပိဿာ ကျွေးလျှင် ငါးတစ်ပိဿာ၊ အစာတောင့် (အသားဓာတ် ၂၈ %) ၂ ပိဿာကျွေးလျှင် ငါးတစ်ပိဿာ အသားတိုးနိုင်ပါသည်။

၃။ တစ်နေ့လျှင် တစ်ကြိမ်မှ နှစ်ကြိမ်ကျွေးလျှင် လုံလောက်ပါသည်။

၄။ ကန်တွင်း ရေသြဇာပြုပြင်ထိန်းသိမ်းခြင်းဖြင့် အစာကုန်ကျမှုသက်သာ၍ ထုတ်လုပ်မှုစရိတ်လျော့နည်းစေပါသည်။

ပင်လယ်ပြာ (ငါးဦးစီး)

Ref; ငါးလုပ်ငန်းဦးစီးဌာန ။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ