ပြည်တွင်း ဖားဈေးကွက် အရောင်းသမားများပြီး ဝယ်လက်နည်းပါးနေ

ပြည်တွင်းရှိ ဖားသား (အစို) ဈေးကွက်တွင် အရောင်းသမားများပြားပြီး ဝယ်လက်နည်းပါးနေကြောင်း ဖားဈေးကွက်ကျွမ်းကျင်သူများထံမှ သိရသည်။

ကိုဗစ်ကာလက မပြီးနိုင်သေးတော့ စားသောက်ဆိုင်တွေက မဖွင့်၊ စားသောက်ဆိုင်တွေက မဖွင့်တော့ ဖားအဝယ်မရှိလို့ မရောင်းရကြပါဘူး။ ဖားဈေးက လက်လီလောက် ရောင်းချရသူသာ အဆင်ပြေဈေးလေးရနေတာ။ သားပေါက်ဝယ်ပြီး အများကြီးမွေးထားသူတွေ ရှုံးနေပါတယ်။ ဈေးကွက်မရ၊ အဝယ်သမား နည်းနေတာကြောင့်ပါ၊၊

ဟု ရန်ကုန်တိုင်း၊ သုံးခွမြို့နယ်၊ ကဒပ္ပနကျေးရွာ၊ ဖားမွေးမြူရေးနှင့်သင်တန်းမှ ဦးမိုးရဲဝင်း(ဆယ်လမွန်) က ပြောသည်။

ဈေးကွက်ဝယ်လိုအားနည်းပါးနေသည့်အတွက် မွေးမြူသူများမှ ဆက်လက်ကျွေးမွေးမွေးမြူထားရသဖြင့် ဈေးကွက်အတွင်း ဖားအကောင်ကြီးသားများ ရောင်းချလာသည်ကို တွေ့ရှိရသည်။

ဝယ်လက်နည်းနေတော့လည်း မွေးထားတဲ့ဖားတွေကို အစာကျွေးပြီး ဆက်မွေးထားကြရတာပေါ့။ ဒါ့ကြောင့် အခုတလောဆို ဈေးကွက်ထဲ ဖားကြီးသား ရောင်းချသူတွေ များလာတာပါ။ ဟင်းစားအရွယ်အစား ၁၅,၁၈,၂၀,၂၅,၃၀ ကျပ်သား စတဲ့ ဖားတွေပေါ့

ဟု ၎င်းက ဆက်လက်ပြောသည်။

လက်ရှိတွင် ရန်ကုန်မြို့ရှိဈေးများအတွင်း၌ ဖားသား(အစို) တစ်ပိဿာလျှင် ၈,၀၀၀ ကျပ်မှ (၁၀,၀၀၀)ကျပ်အတွင်း ဈေးနှုန်းများဖြင့် လက်လီရောင်းချနေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ