တောင်သူတွေရဲ့ မေးခွန်းတွေကို ဖြေဆိုဖို့ နယူးဇီလန်စီမံကိန်းမှ နို့စားနွားမွေးမြူရေးပညာရှင်များ အစိမ်းရောင်လမ်းမှာပါဝင်လာ

အစိမ်းရောင်လမ်း စိုက်/မွေးဖုန်းဆော့ဝဲမှာ သက်ဆိုင်ရာ ကဏ္ဍအလိုက် ပညာရှင်တွေ ပါဝင်ပြီး တောင်သူများရဲ့မေးခွန်းတွေကို ကူညီဖြေဆိုပေးလျက်ရှိပါတယ်။ အခု မိတ်ဆက်ပေးလိုတာကတော့ မြန်မာ-နယူးဇီလန် နို့စားနွားမွေးမြူမှု ဖွံ့ဖြိုးတိုးတက်ရေး စီမံကိန်းမှ မွေးမြူရေးပညာရှင် ဒေါက်တာများကိုယ်တိုင် အစိမ်းရောင်လမ်း ဖုန်းဆော့ဝဲလ်မှာ ဝင်ရောက်ဖြေဆိုပေးလျက်ရှိသည့်အပြင် နို့စားနွားမွေးမြူရေးဆိုင်ရာ နည်းပညာများကိုလည်း ပံ့ပိုးပေးလျက်ရှိပါတယ်။ အဆိုပါစီမံကိန်းသည် ကမ္ဘာပေါ်တွင် နို့စားနွားမွေးမြူရေးထိပ်တန်းရောက်ရှိနေသည့် နယူးဇီလန်မှ နို့စားနွားမွေးမြူရေးပညာရှင်များကို မြန်မာနိုင်ငံမှ မွေးမြူရေးပညာရှင်များကို အနီးကပ်သင်ပေးပြီး ကျွမ်းကျင်ပညာများ မွေးထုတ်ပေးနေသည့် စီမံကိန်းလည်း ဖြစ်ပါသည်။ မြန်မာ နယူးဇီလန် နို့စားနွားမွေးမြူရေး ဖွံ့ဖြိုးတိုးတက်ရေး စီမံကိန်း

အစိမ်းရောင်လမ်း၏ ရည်ရွယ်ချက်သည် သက်ဆိုင်ရာ ကျွမ်းကျင်ပညာရှင်များနှင့် တောင်သူများကို တိုက်ရိုက်ချိတ်ဆက်ပေးပြီး တောင်သူအကျိုးရှိစေမည့် ဖြေရှင်းနည်းများကို ဘက်မလိုက်ဘဲ ဖြေဆိုပေးနိုင်ရန် နှင့် တောင်သူများ လက်လမ်းမီလုပ်ဆောင်နိုင်သည့် စိုက်ပျိုးရေးမွေးမြူရေးနည်းပညာများကို ဖြန့်ဝေခြင်းဖြင့် သွင်းအားစုလိုအပ်ချက်ကို ထိန်းညှိလျော့ချနိုင်ပြီး ထွက်နှုန်းများ ကောင်းမွန်လာစေရန် ဖြစ်ပါသည်။

အစိမ်းရောင်လမ်း စိုက်မွေးဖုန်းဆော့ဝဲလ်ပေါ်မှာ စိုက်ပျိုးရေးပညာရှင်တွေသာမကဘဲ မွေးမြူရေးပညာရှင်တွေပါ တောင်သူများရဲ့ မေးခွန်းတွေကို ပါဝင်ကူညီဖြေဆိုပေးနေပါတယ်။ နို့စားနွား မွေးမြူရေး ကျွမ်းကျင် ပညာရှင်များ

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ