စွယ်စုံသုံး ရှာလကာရည်

စိုက်ပျိုးရေးလုပ်ငန်းတွေမှာ ဓာတုပိုးသတ်ဆေး မှိုသတ်ဆေးများ မြေသြဇာများမြောက်များစွာ အသုံးပြုပြီးစျေးကြီးမြင့်ခြင်း၊ ကျန်းမာရေးကို ထိခိုက်တတ်ခြင်းပြဿနာများ ရှိတတ်ပါတယ်။ ဒါကြောင့် ပတ်ဝန်းကျင်ဘေးထွက်ဆိုးကျိုးနည်းပါးသော ရှာလကာရည်ကို ယခုလို အကြောင်းအရာများမှာ အသုံးပြုဖို့ အကြံပေးချင်ပါတယ်။ ရှာလကာရည် အဖြူရောင်ဟာ စျေးနှုန်း ချိုသာပြီး သဘာဝပတ်ဝန်းကျင်ထိန်းသိမ်းမှုကို အထောက်အပံ့ဖြစ်ပြီး ဥယျာဉ်ခြံများအတွက် ပိုးရောဂါကာကွယ်မှု ကိရိယာ အဖြစ် အသုံးတည့်လှပါတယ်။

ရှာလကာရည် နဲ့ ဆိုဒါ မြေချဉ်ငန်တိုင်းခြင်း

မိမိခြံထဲမှာ မြေတွင်းအာဟာရလိုအပ်နိုင်တာသိဖို့ မြေချဉ်တာလား ငန်နေတာလား အရင်သိရပါလိမ့်မယ်။ pH 7 အထက်ဆို ငန်တယ်၊ အောက်ဆို ချဉ်တယ်ဆိုတာ အားလုံးသိထားပြီးသားပါ။ မြေငန်တွေမှာဆို သစ်ဆွေးဓာတ်ပမာဏ နည်းပါးနေတတ် လို့ သစ်ဆွေးတွေ ဖြစ်မယ့်အရာတွေ များများလိုအပ်ပြီး မြေချဉ်နေပြီဆိုရင်တော့ ထုံးထည့်ပြီးပြင်မယ်ပေါ့ဗျာ။ မြေချဉ်တာ ငန်တာသိဖို့ ရှာလကာရည် နဲ့ မုန့်ဖုတ်ဆိုဒါ အနည်းငယ်နှင့် ချိန်ခွက်တစ်ခုလိုအပ်ပြီး ဖန်ခွက် ၂ လုံးရှိရပါလိမ့်မယ်။ ရေသန့် တစ်ဗူး အပါအဝင်ပေါ့ဗျာ။ မြေကြီး ချိန်ခွက်တစ်ခွက်စာကို ဖန်ခွက်ထဲထည့် ရှာလကာရည် ချိန်ခွက်တစ်ဝက်နှင့်ရောပြီး ဇွန်းနဲ့မွှေရန်လိုအပ်ပါတယ်။ အမြုပ် တစ်စီစီထွက်လာရင် pH 7-8 ကြားရှိတယ်လို့ အဖြေရပါတယ်။ အမြုပ်မထွက်ဘူးဆိုလျှင် ဖန်ခွက်အလွတ်တစ်ခုထဲ မိမိယူလာတဲ့မြေကြီး ချိန်ခွက်တစ်ခွက်ကို ဆိုဒါ ချိန်ခွက်တစ်ဝက် နဲ့ ရေသန့်အနည်းငယ် ထည့်မွှေပေးလို့ အမြုပ်တစ်စီစီထွက်လာရင် pH 5-6 လို့ ယူဆတဲ့ အဖြေထွက်ပြီပေါ့ဗျာ။ မြေတစ်ခု စမ်းတိုင်းမှာဖန်ခွက် ၂ လုံး ဒါမှမဟုတ် တစ်လုံးက ရှာလကာရည်၊ တစ်ခွက်က မုန့်ဖုတ်ဆော်ဒါ ရေဖျော်ပြီး တစ်ပြိုင်တည်း ယှဉ်စမ်းခြင်းက သိသာထင်ရှားစေပါတယ်။ ချိန်ခွက်ဆိုတာက နို့ဆီခွက် စသဖြင့် ပမာဏတစ်ခု တိုင်းရန်အတွက်ဖြစ်ပါတယ်။ စမ်းသပ်မှု ၂ခုလုံးမှာ pH 7လို့ မြေအုပ်စုကတော့ ရခဲ့တာအလွန်ရှားပါလိမ့်မယ်။
မြေနမူနာယူမယ်ဆိုရင် ပေါက်ပြားနဲ့ ဂေါ်ပြား အိတ်တစ်လုံးလိုပါလိမ့်မယ်။ ပေါက်ပြားနဲ့ မြေနမူနာယူမယ့်နေရာ ရှင်းပြီး ဗွီ(V) ပုံ မြေကိုပေါက်ထုတ်ပြီး မြေအလယ်သားကို ဖယ်ရပါလိမ့်မယ်။ပြီးရင် ဂေါ်ပြားနဲ့ ဗွီ(V)ပုံ ကျင်းနောက်ကနေ ကိတ်မုန့်လှီးသလို လှီးချရပါမယ်။အဲဒီမြေမျက်နှာ(၂) ခုကမြေကို သမစွာမွှေပြီး အိတ်ထဲထည့်ရပါလိမ့်မယ်။ထိုနည်းအတွင်း နေရာပေါင်းစုံမှ မြေကို ထိုအိတ်ထဲမှ စုထည့်ပြီး မိုးကာပေါ် သို့မဟုတ် တလင်းပေါ်မှာ သမအောင် ကြိမ်ဖန်များစွာ မွှေပြီး မြေချဉ်ငန်ကိန်းကို တိုင်းနိုင်ပါတယ်။

ပန်းမန်နဲ့အားဆေး

အလှစိုက်အပင်များဖြစ်တဲ့ နှင်းဆီ၊ ဂန္ဓာမာ၊ စပယ် စတဲ့ အပင်တွေကို ရှာလကာရည် ၁၀၀ စီစီ (ဟင်းစားဇွန်း ၁၀ ဇွန်း) ကို ရေတစ်ဂါလံဖြင့် ဖျန်းပါက အပင်ကြီးထွားမှု မြန်စေပါတယ်။

လယ်ယာသုံးကိရိယာ သန့်ရှင်းရေး

ပေါက်ပြား ဂေါ်ပြာ လယ်ယာသုံးပစ္စည်းများ သံချေးခွာမယ်။ ပေါက်ပြား၊ ဂေါ်ပြာ လယ်ယာသုံးပစ္စည်းများကို ရှာလကာရည် စိမ်ပြီး မိနစ်အနည်းငယ်ထားပြီး ခွာပါက သံချေးများပြောင်စင်စေပါတယ်။

ပန်းများကြာရှည်ခံလိုပါက

ပန်းများအဝေးသယ်ရာတွင် ကြာရှည်ခံရန်၊ အလှပန်းအိုးများရှိပန်းများ ကြာရှည်ခံရန် ရှာလကာရည် ၂ ဇွန်း သကြား တစ်ဇွန်းရေ တစ်လီတာ ထည့်ဖျန်းပေးခြင်းက ကြာရှည်ခံသလို ပန်းအိုးများတွင် ထိုဖျော်ရည်သုံးပြီး တစ်ပတ်တစ်ခါ လဲပေးခြင်းက သာမန်ထက် ပန်းများကြာရှည်ခံပါလိမ့်မယ်။

ရှာလကာရည်နဲ့ မှိုသတ်မယ်

ရှာလကာရည်ဖျန်းပြီး အပင်တွင်ကျတတ်တဲ့ အမဲစက်များ စတဲ့ မှိုရောဂါတွေကို မှိုသတ်ဆေးအဖြစ် သုံးနိုင်ပါသေးတယ်။ နနွင်းမှုန့်စိမ်ရည် ၁ လီတာကို ရှာလကာရည် ၂ ဇွန်း နှင့် ရော၍ ဖျန်းခြင်းဖြင့် မှိုရောဂါကာကွယ်ပေးပါတယ်။

နှင်းဆီပင်တွေမှာ ကျရောက်တတ်တဲ့ အမဲစက်များ အချို့သောရောဂါများကို ရှာလကာရည် ၃ ဇွန်း၊ ရေ ၄ လီတာဖြင့် ကာကွယ်နိုင်ပါတယ်။ ပန်းသီးရှာလကာရည် apple cider vinegar ဆိုရင်တော့ ပိုအဆင်ပြေပါတယ်။

သီးထိုးယင် ကာကွယ်ရေး

ရှာလကာရည်နဲ့ သီးထိုးယင်ကာကွယ် ဟန့်တားနိုင်ပါပြီ။ ရှာလကာရည် ၂၅၀ စီစီ နို့ဆီတစ်ဗူးခန့် သကာရည် သို့မဟုတ် ထန်းလျက်ရည် ၁ ဇွန်း ရေ ၂၅၀ စီစီ နို့ဆီတစ်ဗူးခန့်နဲ့ သကြား ၅ ဇွန်းကို ကြေညက်အောင်ဖျော်ပြီး ရေသန့်ဗူးထိပ်ကို ဖြတ်ပြောင်းပြန်လှန် ပြန်ထည့်ပြီးဖျော်ရည် နို့ဆီတစ်ဗူးခန့်ထည့်ပြီး သီးထိုးယင်ထောင်ဖမ်းနိုင်ပါတယ်။ အိမ်တွင်း ကျရောက်သော ယင်ကောင်များလည်း ဖမ်းစီးနိုင်ပါတယ်။ Apple cider vinegar ပန်းသီးရှာလကာရည် ပိုသုံးသင့်ပါတယ်။

ပုရွက်ဆိတ် တိုက်ဖျက်ရေး

အပင်တွေမှာ ပုရွက်ဆိတ်တွေ ဆိုးရွားစွာ ကျရောက်ဖျက်ဆီးလာပြီဆိုလျှင် ရှာလကာရည်ကို အပင်အပေါ် သို့မဟုတ် အပင်ခြေ ဖျန်းပေးပါက ပုရွက်ဆိတ် ကျရောက်မှုကို ကာကွယ်ပါတယ်။

ခရုသုတ်သင်ရေး

ခရုများပေါက်ဖွားမှုရပ်တန့်ဖို့နဲ့ ရှင်းလင်းဖို့ရာအတွက် ရှာလကာရည် သုံးလို့ရပါသေးတယ်။ ရှာလကာရည်ဟာ ခရုတွေ မကြိုက် နှစ်သက်ကြပါဘူး။ ခရုများကျရောက်လာပါက ရှာလကာရည် ၄ ဇွန်း ရေတလီတာဖြင့် ရောစပ်ဖျန်းပြီး ရှင်းလင်း ကာကွယ်နိုင်ပါလိမ့်မယ်။

မျိုးစေ့စိမ်ခြင်းနဲ့ ရှာလကာရည်

မျိုးစေ့များ အပင်ပေါက်ကောင်း၊ အပင်သန်မာပြီးညီညာမှုရှိရန် အပင်ပေါက်ခက်ခဲမှု dormant stageလျော့ချရန် အသုံးပြု နိုင်ပါတယ်။ နေကြာမျိုး၊ ကညွတ်၊ ရုံးပတီ အစရှိတဲ့ မျိုးစေ့တွေမှာ အသုံးပြုနိုင်ပါတယ်။ အချိုပါမျိုးစေ့တွေကို စွပ်ကျယ်စဖြင့် ထုပ်ကာရေနွေး ရေသန့်ဗူးဝတ်မှာ စိမ်ပြီး ရှာလကာရည် နို့ဆီဗူးတဝတ် အဝတ်လျော်ဆပ်ပြာရည်အနည်းငယ်ထည့်ပြီး တစ်ညစိမ် အညောင့်ဖောက်နိုင်ပါတယ်။

ခွေးကြောင် မစင် ကာကွယ်ရေး

ရှာလကာရည် အနံ့ပြင်းရှရှကို ကြွက်၊ ခွေး၊ ကြောင်၊ ယုန် စသဖြင့် အိမ်မွေးတိရိစ္ဆာန်များ မကြိုက်ကြပါဘူး။ မိမိဥယျာဉ်ခြံ ပတ်ဝန်းကျင်မှာ ရှာလကာရည်ကို သဲနဲ့ သမစွာမွှေပြီး ပက်ထားခြင်းဖြင့် ခြံဝန်းကျင်မှာ သဲများခင်းထည်းပြီး ရှာလကာရည် ဖျန်းပေးထားမယ်ဆိုရင် ကြောင်များ၊ ခွေးများ မိမိဥယျာဉ် နယ်နိမိတ်အတွင်း ရှာလကာရည်အနံ့ကြောင့် မစင်စွန့်ခြင်းမှ ကင်းဝေးစေပါတယ်။

'ဟင်းစားဇွန်း တဇွန်းလျှင် ၁၀စီစီ ပမာဏ'
Khant Zaw Htet
Ref.Amazing Vinegar Uses In The Garden

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ