စိုက်ပျိုးမွေးမြူရေးဆိုင်ရာ သတင်းနှင့်ဆောင်းပါးစာမူများ ဖိတ်ခေါ်ခြင်း

ကျွန်တော်တို့ Green Way အနေဖြင့် တောင်သူများအား အသိပညာနှင့် ဗဟုသုတများ ရရှိစေမည့် စိုက်ပျိုး မွေးမြူရေးဆိုင်ရာ သတင်းနှင့် ဆောင်းပါးများ တင်ဆက်ခြင်းကို ၂၀၁၁ ခုနှစ်ကတည်းက Blogspot တစ်ခုအနေဖြင့် စတင်လုပ်ဆောင်ခဲ့ပါသည်။

၂၀၁၆ ခုနှစ်တွင်တော့ Mobile Application တစ်ခုအနေဖြင့် ပြောင်းလဲပြီး တောင်သူပညာပေးခြင်းများကို ပိုမိုတိုးမြှင့် လုပ်ဆောင်ခဲ့ပါသည်။

လက်ရှိတွင် ကျွန်တော်တို့ Green Way App အနေဖြင့် တောင်သူများထံက အခက်အခဲများ၊ လိုအပ်ချက်များ စသည့် တောင်သူ့အသံများ၊ စိတ်ဝင်စားစရာတောင်သူဓလေ့ထုံးတမ်းများ၊ ဒေသဆိုင်ရာဈေးကွက်အခြေအနေများ စသည့် သတင်းဆောင်းပါးများကို ထပ်မံတိုးချဲ့တင်ဆက်ရန် လုပ်ဆောင်လိုသည့်အတွက် တောင်သူများအပါအဝင် အခြား စိတ်ဝင်စား၍ ရေးသားချင်သူ မည်သူ့ထံကမဆို သတင်းနှင့်ဆောင်းပါး စာမူများ ဖိတ်ခေါ်လိုပါသည်။

ရွေးချယ်ဖော်ပြသွားမည့်သတင်းနှင့်ဆောင်းပါးများအတွက် ကျွန်တော်တို့ Green Way က သတ်မှတ်ချက်ထားသည့် စံနှုန်းများမှာ..

(၁) ပညာပေးမှုဘယ်လောက်ရှိသလဲ?

(၂) စိတ်ဝင်စားစရာကောင်းမှု ဘယ်လောက်ရှိသလဲ?

(၃) So What? ဒီတော့ဘာဖြစ်လဲ ဆိုသည့် ဒီသတင်းကြောင့် သက်ရောက်မှု ဘယ်လိုရှိသလဲ?

ဆိုသည့်အချက်များ ဖြစ်ပါသည်။

သို့ဖြစ်ပါ၍ ယင်းအချက်များနှင့် ကိုက်ညီပါက မည်သူမဆို ကျွန်တော်တို့ Green Way ထံ သတင်းနှင့်ဆောင်းပါးများ ပေးပို့နိုင်ပါသည်။ အချက်အလက်များ ပြည့်စုံပြီး ကျွန်တော်တို့စံသတ်မှတ်ချက်အနည်းဆုံး တစ်ချက်နှင့် ကိုက်ညီနေပါက မည်သည့်ပုံစံဖြင့် ရေးလာသည်ဖြစ်စေ (အချက်အလက်ပြည့်စုံမှန်ကန်ရန်သာလို) ကျွန်တော်တို့ Green Way Content Team မှ ပြင်ဆင်တည်းဖြတ်ပေးသွားမည်ဖြစ်၍ ရေးသားချင်သူ မည်သူမဆို လွတ်လွတ်လပ်လပ် ရေးသားပေးပို့နိုင်ပါကြောင်း ဖိတ်ခေါ်အပ်ပါသည်။

ရွေးချယ်ခံရသည့်စာမူများအတွက် ကျွန်တော်တို့ Green Way App မှ သတ်မှတ်ထားသည့် စာမူခများ ချီးမြှင့်ပေးသွားမည်ဖြစ်ပါသည်။

သတင်းနှင့်ဆောင်းပါးများ ပေးပို့ရာတွင် သတ်မှတ်ထားသည့် လိုအပ်ချက်များမှာ..

- စာရေးသူ၏ ကိုယ်ရေးအချက်အလက်အကျဉ်း

- Green Way App တွင် မှတ်ပုံတင်ဝင်ရောက်ထားသည့် ဖုန်းနံပါတ်နှင့် ဓာတ်ပုံ

- Email ဖြင့် ဆောင်းပါးပို့ရာတွင် Word File ဖြင့် ပို့ရန်။

- သတင်း၊ ဆောင်းပါးနှင့်သက်ဆိုင်ရာ ဓာတ်ပုံများရှိပါက ပူးတွဲပေးပို့ပါရန်။

ဆောင်းပါးနှင့်သတင်းများကို

Email - articles@greenwaymyanmar.org

Viber – 095053570 (Green Way)

တို့ထံ ပေးပို့နိုင်ပါသည်။ ပေးပို့ရန်အခက်အခဲရှိသူများအနေဖြင့်လည်း အထက်ပါ Viber နံပါတ်ကို စာဖြင့် ဆက်သွယ်မေးမြန်းနိုင်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ