ရေရှည်တည်တံ့ခိုင်မြဲသော စပါးစိုက်ပျိုးထုတ်လုပ်မှု စံချိန်စံညွှန်းများ အပိုင်း(၁) စိုက်ခင်းစီမံခန့်ခွဲမှု

ရေရှည်တည်တံ့ခိုင်မြဲသော စပါးစိုက်ပျိုးထုတ်လုပ်မှု စံချိန်စံညွှန်းများအကြောင်းကို မိတ်ဆက်ပေးပြီးပြီးဆိုတော့ ခုတစ်ခေါက်မှာတော့ SRPစံချိန်စံညွှန်းရဲ့ ပထမဦးဆုံးအခန်းဖြစ်တဲ့ စိုက်ခင်းစီမံခန့်ခွဲမှုအကြောင်းကို ပြောပြပေးသွားပါမယ်

စိုက်ခင်းစီမံကောင်းတစ်ခု လက်ထဲမှာ ရှိထားမယ်ဆိုရင် (၁) ဘယ်လိုသီးနှံတွေကို ဘယ်အချိန်မှာ စိုက်သင့်တယ်ဆိုတာနဲ့ စိုက်ရေးပျိုးရေးအတွက် လိုအပ်တဲ့ အစီအမံတွေကို တိတိကျကျ ရေးဆွဲနိုင်ဖို့ အတွက် ကူညီပေးပါလိမ့်မယ် (၂) ဘယ်အချိန်မှာ ဘယ်လိုကုန်ကျမှုရှိမယ် ဘယ်လိုသွင်းအားစုတွေ ထည့်သွင်းရမယ် ရလဒ်အားဖြင့် ဘာတွေရရှိမယ် စတာတွေကို သိနိုင်မယ့် ကွင်းဆင်းစစ်ဆေးမှုစနစ်ဖြစ်လာအောင် ကူညီပေးနိုင်ပါလိမ့်မယ်။ (၃) နောက်ဆုံးအနေနဲ့ အထွက်တိုးရေး၊ ဈေးကွက်ရရှိရေး၊ အကျိုးအမြတ်ဖြစ်ထွန်းစေရေး အပေါ်လွှမ်းမိုးထားတဲ့ သွင်းအားစုတွေကို ဘယ်လိုအကျိုးရှိအောင် အသုံးချရမလဲဆိုတာတွေကို သိသိသာသာမြင်သာလာစေနိုင်ပါတယ်။

စိုက်ခင်းစီမံခန့်ခွဲမှုအတွက် လိုအပ်တဲ့ စံချိန်စံညွှန်းတွေမှာ

(၁) သီးနှံပြက္ခဒိန်၊

(၂) ကွင်းဆင်းမှတ်တမ်းများ သိမ်းဆည်းခြင်း၊

(၃) သင်တန်းများ စတာတွေ ပါဝင်ပါတယ်။

SRPအသိအမှတ်ပြုလက်မှတ်ကို ရယူဖို့အတွက်ဆိုရင် အထက်ပါအချက်တွေကို မရှိမဖြစ် သိထားဖို့လိုအပ်သလို အောက်ပါအချက်တွေကိုလည်း သိရှိလာနိုင်ပါတယ်နော်

- တောင်သူဦးကြီးတွေအနေနဲ့ သီးနှံပြက္ခဒိန်ကို ဘာကြောင့် ရေးဆွဲဖို့ လိုအပ်တာလဲ

- သီးနှံပြက္ခဒိန်မှာ ဘာတွေကို ထည့်သွင်းရေးဆွဲသင့်တာလဲ

- သီးနှံပြက္ခဒိန်မှာ ဘယ်လိုလုပ်ငန်းတွေကို တိုင်းတာမှတ်သားနိုင်ပါသလဲ

- သီးနှံပြက္ခဒိန်ရေးဆွဲခြင်းက ဘာအကျိုးကျေးဇူးတွေရနိုင်ပါသလဲ

- ကွင်းမှတ်တမ်းထားရှိဖို့ ဘာကြောင့်အရေးကြီးတာလဲ

- ကွင်းမှတ်တမ်းများကို ဘယ်လိုမှတ်သားသိမ်းဆည်းရမလဲ

- - ကွင်းမှတ်တမ်းများမှတ်သား သိမ်းဆည်းရာမှာ ဘယ်လိုအခက်အခဲ ရှိသလဲ

- ဘာအကြောင်းအရာတွေကို ဦးစားပေး မှတ်သားရမလဲ

- တိကျစွာ မှတ်သားထားတဲ့ မှတ်တမ်းများကနေ ရရှိနိင်တဲ့ အကျိုးကျေးဇူးတွေ အပြင်

အကယ်၍ SRPအသိအမှတ်ပြုလက်မှတ်ရရှိဖို့ လုပ်ဆောင်နေတဲ့ တောင်သူဦးကြီးတွေဆိုရင် စစ်ဆေးရေးအဖွဲက ကွင်းမှတ်တမ်းကို အဓိကထားပြီး စစ်ဆေးမှာဖြစ်တဲ့အတွက် ကွင်းမှတ်တမ်းထားရှိခြင်းက SRPအသိအမှတ်ပြုလက်မှတ်ရယူဖို့အတွက် မရှိမဖြစ် အထောက်အကူပြုမယ့်အရာဖြစ်တယ်ဆိုတာကို သိသိသာသာမြင်သာစေလာနိုင်ပါတယ်

- မှတ်တမ်းမှတ်ရာထားရှိရာမှာ တိတိကျကျ၊မှန်မှန်ကန်ကန်နဲ့ ပုံမှန်မှတ်တမ်းတင်ထားဖို့ အထူးအရေးကြီးပါသည်။

- SRPအသိအမှတ်ပြုလက်မှတ်ကို ရယူဖို့အတွက် ဆိုရင် SRPစံနှုန်းနဲ့ပတ်သက်တဲ့ သင်တန်းတွေမဖြစ်မနေတက်ရောက်ဖို့၊ သတင်းအချက်အလက်တွေ စုဆောင်းဖို့လိုအပ်သလို လေ့လာမှတ်သားထားတဲ့အချက်အလက်တွေကိုလည်း လက်တွေ့အသုံးချဖို့လိုပါတယ်

အောက်က ဗီဒီယိုလေးကတော့ SRPအသိအမှတ်ပြုလက်မှတ်ကို ရယူဖို့အတွက် လိုအပ်တဲ့အခြေခံအချက်အလက်တွေအကြောင်းကို အသေးစိတ်ရှင်းပြပေးထားတဲ့ ဗီဒီယိုလေးပဲဖြစ်ပါတယ်။ လေ့လာကြည့်ပေးကြပါဦးရှင်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ