ကျွဲ၊ နွား မျက်ရည်ယို၊ ချောင်းဆိုးရောဂါအတွက် ကုသနည်း

ရာသီဥတုကြောင့် အပူအအေး ရုတ်တရက် ပြောင်းလဲချိန်တွင် ကျွဲ၊ နွားများ၏ အသက်ရှူပြွန်ချောင်း ရောင်တတ်ပါသည်။ ထိုအခါ ကျွဲ၊ နွားများသည် မျက်ရည်များယိုစီးကျသည်အထိ မချိမဆံ့ချောင်းဆိုးကြပါသည်။

ထိုရောဂါကို ပျောက်ကင်းစေသော ဆေးနည်းမှာ-

ရှိန်းခို- ၆ ပဲသား

ပိတ်ချင်းသီး- ၆ ပဲသား

ပရုတ်- ၄ ပဲသား

ဇဝက်သာ- ၁၂ ပဲသား

နွယ်ချို- ၁၂ ပဲသား

၄င်းဆေးအမည် ၅မျိုးကို အမှုန့်ထောင်း၍ ပျားရည်နှင့် ရောပါ။ တေဆေးကို ဆီးကင်းလုံးခန့် နေ့၊ ည တိုက်ပေးပါ။ ကျွဲ၊ နွားများ မချိမဆံ့ ချောင်းဆိုးပြီး မျက်ရည်ကျခြင်းကို အမြန်ဆုံး ပျောက်ကင်းစေပါသည်။

ကျွဲ၊ နွား မျက်စိနာရောဂါအတွက် မျက်စဥ်းဆေး

ကျွဲ၊ နွားများ အပူမိ၍ မျက်လုံးများ နီရဲနေခြင်း၊ မျက်ရည်များ ကျနေလျှင် လူသားများကဲ့သို့ မျက်စိနာနေခြင်း ဖြစ်ပါသည်။ ထိုကဲ့သို့ ဖြစ်ပွားပါက ကုသရန်ဆေးနည်းလေးကို ဖော်ပြပေးပါမည်။

ဆေးနည်းမှာ -

၁။ ချင်းလက်တစ်ဆစ်ခန့်ကို ကျောက်ပြင်တွင် ရေနှင့်သွေးပါ။

၂။ ၄င်းချင်းရည်ထဲကို ဆားအနည်းငယ်ထည့်၍ မျက်စိနာနေသော ကျွဲ၊ နွား ကို နေ့ ည မျက်စဥ်းခပ်ပေးပါ။

၃။ ထိုအခါမှာတော့ ကျွဲ၊ နွား သည် မျက်ရည်ပူများကျလာပြီး နှာချေလာပါမည်။

၄။ နှာပွင့်လန်း၍ ကျန်းမာလာမည်။ တမှိုင်မှိုင် ဖြစ်မနေတော့ဘဲ လန်းဆန်းလာပါမည်။

မှီငြမ်း- ဦးဝင်းဇော်(သုံးဆယ်)၏ “ကျွဲ၊နွား မျက်ရည်ယို၊ ချောင်းဆိုးခဲ့သော်” အကြောင်းမှ ကောက်နှုတ် ဖော်ပြပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ