အလှမွေးငါးကန်ထဲက ရေ

အလှမွေးငါးကန်ထဲကရေတွေကို အသစ်လဲတဲ့အခါ ပုံမှန်အတိုင်း သွန်ပစ်လေ့ရှိပါသလား။ မသွန်ပစ်ပဲဘာလုပ်လို့ရလဲဆိုတာသိချင်ရင်တော့ ဆက်ဖတ်ကြည့်ပေးနော်။ ငါးကန်ထဲကရေထဲမှာ ငါးစွန့်ပစ်ပစ္စည်းတွေအပြင် ငါးစာအကြွင်းအကျန်တွေပါဝင်ပါတယ်။ ငါးကန်ထဲကရေကို အပင်မှာလောင်းလို့ ရပါတယ်။ ဒါပေမဲ့ ရေငန်ဆိုရင်တော့ မလောင်းသင့်ပါဘူးနော်။ရေငန်ကို အပင်ရေအနေနဲ့ လောင်းမယ်ဆိုရင် အပြင်မြေကြီးမှာစိုက်ထားတဲ့ အပင်တွေမှာ သိပ်မသိသာပေမဲ့ အိုးနဲ့စိုက်ထားတဲ့အပင်တွေမှာတော့ ထိခိုက်မှု ပြင်းထန်နိုင်ပါတယ်။

အလှမွေးငါးကန်ထဲက ရေနှောက်နေရင် ငါးတွေအတွက် မကောင်းပေမဲ့ အပင်တွေမှာသုံးမယ်ဆိုရင် အပင်တွေအတွက်အကျိုးရှိပါတယ်။ အလှမွေးငါးကန်ထဲကရေမှာ ငါးတွေရဲ့စွန့်ပစ်ပစ္စည်းတွေကြောင့် ဘတ်တီးရီးယားတွေ ပါဝင်ပါတယ်။ ၎င်းဘတ်တီးရီးယားတွေက အပင်ကို အကျိုးပြုပါတယ်။ ဒါ့အပြင် နိုက်ထရိုဂျင်၊ဖော့စဖောရပ်၊ပိုတက်ဆီယမ်နှင့် အခြားဓာတ်များစွာပါဝင်ပါတယ်။

အလှမွေးငါးကန်ထဲကရေကို အပင်မှာပြန်သုံးပေးခြင်းက ရေကို ချွေတာပြီးသားဖြစ်သလို အပင်အတွက်လည်းအကျိုးရှိပါတယ်။

ဒါပေမဲ့ ရေထဲကို ရေညှိတွေသတ်ဖို့ ဆေးသုံးထားရင် (သို့) ငါးရောဂါဖြစ်လို့ ဆေးသုံးထားရင် (သို့) ရေချဥ်ငံဓာတ် (pH) ညှိဖို့ဆေးသုံးထားရင်တော့ အပင်တွေကို မလောင်းသင့်ပါဘူး။

တကယ်လို့ ငါးကန်ကိုရေမလဲဘဲ အချိန်အတော်ကြာကြာထားပြီးမှ သုံးမယ်ဆိုရင်တော့ ရေထပ်ရောပြီးသုံးပေးဖို့တော့လိုပါတယ်။ ငါးကန်ထဲက ငါးသေသွားပြီဆိုရင်လည်း အမှိုက်ပုံး (သို့) ရေအိမ်ထဲမပစ်ပဲ အပင်အနီးတဝိုက်က မြေထဲမြှုပ်ပေးလိုက်မယ်ဆိုရင်လည်း အပင်အတွက် အကျိုးရှိပါတယ်။

ဖြိုးသဥ္ဇာကျော်

ကိုးကား

https://www.gardeningknowhow.com/garden-how-to/watering/using-aquarium-water-for-plants.htm

ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ အသုံးဝင်ပါတယ်/အသုံးမဝင်ပါ ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ