တောဆီးနွယ် ခေါ် ဘောင်ဘဲ့ဇီးသီးကို စားဖူးပြီလား

ဘောင်ဘဲ့ ဇီးသီးလေးတွေက ပုံမှန်ဇီးသီးတွေနဲ့မတူတာက အသီးမှည့်ရင် အနက်ရောင် ပြောင်းသွားတာပါ၊ အသီးအနက်လေးတွေသီးနေရင် ရိုးရိုးဇီးသီး Ziziphus mauritiana (Ziziphus jujuba L) မဟုတ်တာသေချာပါတယ်။ ဒီအပင်လေးတွေကို တောဆီးနွယ်ခေါ်ကြတယ်၊ အညာကတော့ ဒီအပင်ကို ဘောင်မဲ့ ခေါ်ကြတယ်၊ အပင်က ဆူးပါသော ခြုံပင်ကြီးတွေဖြစ်ရုံမက ချိတ်နွယ်ပင် hook-climbers လည်းဖြစ်တယ်၊ အကိုင်းငယ်တွေက zig-zag ထွက်ကြတယ်၊ ရွက်စွယ်တွေက ဆူးအဖြစ်ထူးကဲနေကြတယ် တစ်ခုက အဖြောင့် တစ်ခုကအကောက်ပုံစံပါ၊ ဆူးတွေက အရွက်စားသတ္တဝါတွေရန်ကကာကွယ်ဖို့ဖြစ်သလို ချိတ်ကောက်သဏ္ဍန်ဆူးတွေကတော့ အပင်တွက်တက်ဖို့ အသုံးဝင်တယ်၊

တောဇီးရွက်တွေက ဘဲဥပုံဖြစ်ပြီး လှံသွားလိုအဖျားရှူးနေတယ်၊ စိုက်ပျိုးဇီးပင်တွေက ဝိုင်းသောပုံစံရှိတာမို့ အလွယ်တကူ ခွဲခြားနိုင်တယ်၊ သိသာတဲ့အချက်ကတော့ အရွက်အရင်းဖက်ဟာ မညီဘဲ ရွဲ့နေတာပါဘဲ၊ အစေ့တစ်စေ့သာ ပါလေ့ရှိတယ်၊ ရင့်မှည့်ရင်အနက်ရောင်ပြောင်းတတ်ပါတယ်၊

ဆေးဝင်သောအပင်

အပင်က တောနေလူတန်းစားတွေအတွက် ထင်းရနိုင်တယ်၊ အခေါက်ကနေ တယ်နင် ရနိုင်တယ်၊ မြန်မာပြည်မှာ အခေါက်ကို ပြင်းထန်စွာချောင်းဆိုးခြင်းကုသရာမှာ သုံးသလို ၊ ဝမ်းကိုက်ရောဂါကုသရာမှာလည်းသုံးကြတယ်၊ ဒါ့ပြင် သားအိမ်ရောင်ရမ်းခြင်းကိုလည်းကုသနိုင်တယ်၊ အိန္ဒိယအာယုဗေဒဆေးပညာမှာလည်း ဒီအပင်ရဲ့ အမြစ်က အသုံးဝင်ကြောင်း ဖော်ပြထားတယ်။

ဘောင်မဲ့ အသီးမှည့်လေးတွေတွေ့ရင် ခူးစားကြည့်ပါ ..ချဉ်ဖြုံးဖြုံး ချိုချိုနဲ့ ဗီတာမင် စီအပြည့်ပါသော သဘာဝ အော်ဂဲနစ်စစ်စစ်လေးဖြစ်ပါတယ်...

ကိုသက်နိုင်ဦး

ဟုမ္မလင်း

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ