ဆိတ်ပုလိပ်ရောဂါ ( Goat Plague)

- Morbilli ဟု ခေါ်သော ဗိုင်းရပ်စ်ပိုးကြောင့် ဖြစ်ပြီး သိုးနှင့် ဆိတ်များတွင် ရောဂါဖြစ်ပွားမှုများပြီး သေနှုန်းမြင့်သော ရောဂါတစ်ခုဖြစ်ပါသည်။

- ဤရောဂါပိုးသည် သိုးနှင့်ဆိတ်များတွင် အဓိကဖြစ်ပွားပြီး သွားဖုံးများရောင်ခြင်း၊ ပါးစပ်တွင် အနာများဖြစ်ခြင်း၊ နှာခေါင်းနှင့် ပါးစပ်များမှ ပြည်ကဲ့သို့ အကျိအချွဲများ ထွက်နေခြင်းနှင့် ဝမ်းလျောခြင်းများ စသည့်လက္ခဏာများ ဖြစ်ပေါ်သေဆုံးနိုင်ပါသည်။

ရောဂါကူးဆက်ပြန့်ပွားပုံ

- သိုး/ဆိတ်မွေးမြူရေးတွင် စီးပွားရေးထိခိုက်မှုအများဆုံး ရောဂါတစ်ခုဖြစ်သည်။

- ရောဂါပိုးသည် ရောဂါဖြစ်နေသော တိရစ္ဆာန်နှင့် တိုက်ရိုက်ထိတွေ့ခြင်း၊ လေထဲမှတစ်ဆင့် ကူးစက် ပြန့်ပွားနိုင်သည်။

- သိုး/ဆိတ်တွင် အဓိကဖြစ်ပြီး အခြားသောတိရစ္ဆာန်များဖြစ်သည့် ကုလားအုတ်နှင့် ကျွဲများတွင်လည်း ရောဂါဖြစ်ပွားနိုင်သည်။

- ရောဂါပိုးသည် နှာခေါင်းနှင့် ပါးစပ်မှကျသော အကျိအချွဲများ၊ မျက်ရည်နှင့် ရောဂါဖြစ်နေသော သိုး/ဆိတ်မှ အဓိကကူးစက်နိုင်သည်။

- ရောဂါဖြစ်ပွားနှုန်းနှင့် သေနှုန်းသည် ၈၀ – ၁၀၀ အထိ ဖြစ်ပွားနိုင်သည်။

- အာဖရိက၊ အာရှနှင့် အရှေ့အလယ်ပိုင်းနိုင်ငံများတွင် အများဆုံးဖြစ်ပွားသည်။

- ရောဂါကင်းရှင်းသည့်နိုင်ငံများတွင်တောင် ပြန်လည်ကူးစက်နိုင်သည်။

- ရောဂါပိုးပျိုးချိန်သည် ၂ – ၁၀ ရက်ခန့်ကြာပြီး ၃ – ၆ ရက်အတွင်း ရောဂါလက္ခဏာပြနိုင်သည်။

ရောဂါလက္ခဏာများ

- ရောဂါပြင်းထန်လျှင် အဖျားတက်လာပြီး ရုတ်တရက်သေဆုံးနိုင်ပါသည်။

- အဖျားတက်ခြင်း၊ သိသိသာသာထိုင်းမှိုင်းလာခြင်း အစားအသောက်ပျက်ခြင်း၊ နှာခေါင်းနှင့်ပါးစပ်များတွင် အကျိအချွဲများကျခြင်း၊ သွားရည်များပို၍ ကျလာခြင်း။

- မျက်လုံးများတစ်ဝိုက်တွင် မျက်ဝတ်များ (အချပ်အခဲ) ဖြင့် ပိတ်/ ပြည့်နေခြင်း။

- အကျိအချွဲများဖြင့် နှာခေါင်းများပိတ်နေခြင်း၊ အသက်ရှုကြပ်ခြင်း၊ နှုတ်ခမ်းနှင့် သွားဖုံးများတွင် အနာများဖြစ်လာခြင်း၊

- ချောင်းဆိုးခြင်းနှင့် အဆုတ်ရောင်ရောဂါလက္ခဏာများ ဖြစ်ပေါ်လာခြင်း၊

- ကိုယ်ဝန်ဆောင်ဆိတ်မများတွင် သားလျောခြင်း

- နောက်ဆက်တွဲရောဂါဖြစ်သည့် Pasteurella Bacteria ရောဂါပိုးကြောင့် သေဆုံးသည်အထိ ဖြစ်လာနိုင်ပါသည်။

စီးပွားရေးဆုံးရှုံးမှု

- ကူးစက်မြန် ဖြစ်ပွားနှုန်းများ သေနှုန်းမြင့်သောကြောင့်ထုတ်လုပ်မှုများစွာ ကျဆင်းစေနိုင်သည်။

- ကိုယ်အလေးချိန်လျော့ကျခြင်း၊ မျိုးအောင်နှုန်းကျခြင်း၊ နို့ထွက်နှုန်းကျခြင်းများကြောင့် သိုး/ဆိတ်မွေးမြူရေးကို ထိခိုက်စေနိုင်သည်။

- သိုး/ဆိတ် မွေးမြူခြင်းသည် (ဆင်းရဲသား) ကျေးလက်ပြည်သူများ၏ အဓိကဝင်ငွေဖြစ်သောကြောင့် စီးပွားရေးကို ထိခိုက်စေနိုင်ပါသည်။

ကုသခြင်း

- ထိရောက်သော ကုသဆေးမရှိပါ။ အထောက်အကူပြုဆေးများ (ပဋိဇီဝဆေး၊ အဖျားကျဆေး၊ ရောဂါလက္ခဏာ သက်သာစေသောဆေးများ) ပေးနိုင်ပါသည်။

ပြည်သူ့ကျန်းမာရေး

- လူသို့ ကူးစက်တတ်သောရောဂါမဟုတ်ပါ။

ကူးစက်ရောဂါ ကာကွယ်ထိန်းချုပ်ခြင်း

- ရောဂါဖြစ်နေသော သိုး/ဆိတ်များအား သီးခြားထားရှိပါ။

- ခြံများကို မွေးမြူရေးလုပ်ငန်းသုံးပိုးသတ်ဆေး ဖျန်းပေးပါ။

- မွေးမြူရေးခြံများ၏ ဇီဝလုံခြုံမှုကို မြှင့်တင်ပါ။

- ရောဂါဖြင့်သေဆုံးသော တိရစ္ဆာန်နှင့် အညစ်အကြေးများ စားကြွင်းစားကျန်များ၊ အသုံးအဆောင်ပစ္စည်းများကို မြေမြှုပ် မီးရှို့၍ ဖျက်ဆီးပါ။ ပြန်လည်အသုံးပြု၍ရသော အသုံးအဆောင်ပစ္စည်းများကို ပိုးသတ်သန့်စင်ပြီးမှသာ ထပ်မံအသုံးပြုပါ။

- ခြံအလုပ်သမားအနေဖြင့် ခြံထဲဝင်တိုင်း တစ်ကိုယ်ရေသန့်ရှင်းရေး ဆောင်ရွက်ပါ။

- တိရစ္ဆာန်၊ လူ၊ ယာဉ် ဖြတ်သန်းသွားလာမှုကို ထိန်းချုပ်ပါ။

မွေးမြူရေးနှင့် ကုသရေးဦးစီးဌာန

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ