တောင်သူကြီးများပွဲတော် စိုက်ပျိုးမွေးမြူရေး စက်မှုပြပွဲ

အထက်မြန်မာပြည် စစ်ကိုင်းဒေသရှိ တောင်သူဦးကြီးများ စက်မှုလယ်ယာဖွံ့ဖြိုး တိုးတက်ရန် ရည်ရွယ်၍ "Monywa Farms Fantastic Expo တောင်သူကြီးများပွဲတော် စိုက်ပျိုးမွေးမြူရေး စက်မှုပြပွဲ ၂၀၁၉" ကို ၂၀၁၉ ခုနှစ် ဒီဇင်ဘာလ ၈ ရက်နေ့မှ ၁၀ ရက်နေ့အထိ စစ်ကိုင်းတိုင်းဒေသကြီး မုံရွာမြို့ မြို့တော်ခန်းမတွင် ကျင်းပပြုလုပ်သွားမည်ဖြစ်သည်။

အဆိုပါပြပွဲကို Fokus Marketing Group(FMG) မှ ကြီးမှူးကျင်းပ၍ မုံရွာမြို့စက်မှုလယ်ယာ တိုင်းဒေသကြီး ဦးစီးမှူး၊ မုံရွာလယ်ယာစိုက်ပျိုးရေး ဖွံ့ဖြိုးရေးဘဏ် ဥက္ကဌ၊ မုံရွာ ဆန်စက်လုပ်ငန်းရှင်များအသင်း ဥက္ကဌ များမှ ဖဲကြိုးဖြတ် ဖွင့်လှစ်ပေးပါမည် ဖြစ်ပါသည်။

ပြပွဲတွင် လယ်ယာသုံးစက်ကိရိယာမျိုးစုံနှင့် လယ်ယာသုံး ဆက်စပ်ပစ္စည်းများကို အရစ်ကျစနစ်ဖြင့် ဘဏ်နှင့်ချိတ်ဆက်ကာ ဝယ်ယူနိုင်သလို ပြပွဲရက်အတွင်း အထူးလျော့ဈေးနှုန်းများဖြင့် ရောင်းချပေးသွားပါမည် ဖြစ်ပါသည်။

ပြပွဲတွင် လယ်ယာသုံးစက်ကိရိယာမျိုးစုံနှင့် လယ်ယာသုံး ဆက်စပ်ပစ္စည်းများစွာကို ခင်းကျင်းပြသပေးသွားမည် ဖြစ်သည့်အတွက် စိတ်ပါဝင်စားသူ မည်သူမဆို လာရောက်လေ့လာကြည့်ရှု့နိုင်ပါကြောင်း လှိုက်လှဲပျူငှာစွာ ဖိတ်ခေါ်လိုက်ရပါသည်။