Agri Innovation Fund စီမံကိန်းဆိုင်ရာ သတင်းအချက်အလက်ဖြန့်‌ဝေခြင်း တွေ့ဆုံဆွေးနွေးပွဲ ကျင်းပမည်

GIZ Myanmar ၏ Agri Innovation Fund (AIF) စီမံကိန်း စတင်မည့်အကြောင်းနှင့် သက်ဆိုင်သည့် သတင်းအချက်အလက်ဖြန့်ဝေခြင်း Online ဆွေးနွေးပွဲ တစ်ခုကို ဇန်နဝါရီ (၂၂) ရက်၊ နေ့လည် (၂) နာရီတွင် ကျင်းပမည်ဖြစ်ကြောင်း GIZ Myanmar မှ သိရသည်။

အဆိုပါဆွေးနွေးပွဲကို GIZ Myanmar ၏ Agri Innovation Fund (AIF) စီမံကိန်းမှ ဦးဆောင်ပြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်းတို့မှလည်း ပူးပေါင်းပါဝင်ကြမည်ဖြစ်ကြောင်း သိရသည်။

ဒီဆွေးနွေးပွဲမှာဆိုရင် Agri Innovation Fund (AIF) စီမံကိန်းအကြောင်းကို မိတ်ဆက်တာအပြင်၊ စီမံကိန်းရည်ရွယ်ချက်တွေ၊ စီမံကိန်းဆိုင်ရာ လမ်းညွှန်ချက်တွေနဲ့ စည်းကမ်းသတ်မှတ်ချက်တွေကို တက်ရောက်လာမယ့်သူအားလုံးကို မျှဝေပေးဖို့အတွက် ရည်ရွယ်ကျင်းပရခြင်း ဖြစ်ပါတယ်။ ဒါ့အပြင် စီမံကိန်းမှာ ပါဝင်လျှောက်ထားနိုင်မယ့် အသင်းအဖွဲ့တွေ၊ ကုမ္ပဏီတွေနဲ့ သက်ဆိုင်တဲ့ စီမံကိန်းအစီအစဉ်ရေးဆွဲတဲ့အခါ အကျုံးဝင်မယ့် သတ်မှတ်ချက်တွေကိုလည်း မျှဝေပေးသွားမှာဖြစ်ပါတယ်။ ဒါ့ကြောင့် စိတ်ပါဝင်စားသူတွေအနေနဲ့ ပါဝင်ဆွေးနွေးဖို့အတွက်လည်း ဖိတ်ခေါ်ချင်ပါတယ်။

ဟု GIZ Myanmar မှ Technical Advisor မမေပွင့်ဖြူ က ပြောသည်။

ဆွေးနွေးပွဲအစီအစဉ်တွင် ကော်ဖီ၊ ငရုတ်၊ ဂျင်း၊ ကျွဲကောသီးနှင့် မှိုစိုက်တောင်သူ အစုအဖွဲ့များ၊ အဆိုပါသီးနှံများ၏ တန်ဖိုးမြှင့်ကွင်းဆက် (value chain) တစ်လျှောက် လုပ်ကိုင်ဆောင်ရွက်နေသူများလည်း တက်ရောက်ကြမည်ဖြစ်ပြီး ဆွေးနွေးပွဲတက်ရောက်လိုသူများအနေဖြင့် မမေပွင့်ဖြူ/ may.phyu@giz.de/ 09-262 070 205 နှင့် ကိုကောင်းခန့်ဆွေ/ kaung.swe@giz.de/ 09-254 360 784 ထံသို့ ဆက်သွယ်နိုင်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ