စည်ပင်ပိုင် မြေဧက ၃၀၀ ကျော်ကို မွေးမြူရေးဇုန်အဖြစ် လုပ်ကိုင်ခွင့်ပြုမည်

ရန်ကုန်၊ နိုဝင်ဘာ ၁ ရက်။

ရန်ကုန်မြို့တော် စည်ပင်သာယာရေးကော်မတီပိုင် မြေဧက ၃၀၀ ကျော်ကို မွေးမြူရေးလုပ်ငန်းရှင်တစ်ဦးလျှင် တစ်ဧကနှုန်းဖြင့် မွေးမြူရေးဇုန်အဖြစ်သို့ သတ်မှတ်လုပ်ကိုင်ခွင့်ပြုပေးမည်ဖြစ်‌ကြောင်း သိရသည်။

ရန်ကုန်တိုင်းဒေသကြီးရှိ ဖောင်ကြီး-မင်းကုန်း ကားလမ်းဘေးတွင် စည်ပင်သာယာရေးကော်မတီပိုင် မြေဧက ၃၀၀ ကျော်ရှိပြီး မြေဧကပေါ်မှာ မွေးမြူရေးလုပ်ငန်းရှင်တစ်ဦးလျှင် တစ်ဧကဆီပေးကာ လုပ်ကိုင်ခွင့်ပေးရန်အတွက် လျာထား‌ကြောင်း ရန်ကုန်မြို့တော် စည်ပင်သာယာရေးကော်မတီ တွဲဖက်အတွင်းရေးမှူး ဦးသန်းက ပြောသည်။

မြေဧက ၃၀၀ ကျော်မှာ တစ်ဧကကွက်တွေဖော်ပြီးတော့ လမ်းတွေပါလုပ်ဖို့လိုသေးတယ်။ ဒါတွေလုပ်ပြီးရင် စနစ်တကျ နေရာချထားပေးမယ်။ မွေးမြူရေးဇုန်လုပ်မယ်။ ဒီလိုလုပ်ဖို့ တိုင်းဒေသကြီးကို တင်ပြမယ်။ အတည်ပြုပြီးသွားရင် အဲ့နေရာကို ပြောင်းရွှေ့မယ်

လက်ရှိတွင် တောင်ဥက္ကလာပ၊ သင်္ဃန်ကျွန်း၊ သာကေတ၊ မြောက်ဥက္ကလာပ၊ ဒေါပုံမြို့နယ်အပြင် downtown နှင့် ၁၉ မြို့နယ်ကို တစ်နိုင်တစ်ပိုင်မွေးမြူရေးလုပ်ငန်းများ လုပ်ကိုင်ခွင့်မရှိသည့် နယ်မြေအဖြစ် သတ်မှတ်ထား‌ကြောင်းသိရသည်။

ထို့ကြောင့် ရန်ကုန်မြို့တွင်း၌ မွေးမြူရေးလုပ်ငန်း လုပ်ကိုင်ခြင်းကို ခွင့်ပြုပေးမည်မဟုတ်ဘဲ မွေးမြူရေးလုပ်ငန်း လုပ်ကိုင်ချင်ပါက ယင်းနေရာသို့ ပြောင်းရွေ့ဆောင်ရွက်ခွင့်ပေးမည်ဖြစ်သည်။

ရန်ကုန်တိုင်းဒေသကြီးအတွင်းရှိ စည်ပင်သာယာနယ်နမိတ် ၃၃ မြို့နယ်ကို နောက်ပိုင်းမှာ လုံးဝ မွေးမြူရေးလုပ်ခွင့်ပြုတော့မည်မဟုတ်ကြောင်း ရန်ကုန်မြို့တော် စည်ပင်သာယာရေးကော်မတီမှ သိရသည်။

အေးအေးမြင့်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ