သဘာဝပစ္စည်းတွေနဲ့ ဝါးစိမ်ရည်လုပ်မယ်

(၂၁) ရာစုကတော့ ဝါးခေတ်လို့ ပြောရမှာဖြစ်ပါတယ်။ ဝါးနဲ့ပတ်သက်တဲ့ လက်မှုပစ္စည်းတွေဟာ လူအများကြားမှာ ရေပန်းစားလာပါတယ်။ ခက်တာက ဝါးဆိုတဲ့အမျိုးကပိုးထိုးတတ်တာ လူတိုင်းအသိပါ။ ဒါပေမယ့်လည်း ဝါးနဲ့ပတ်သက်တဲ့ သင်တန်းတွေရှိလာပြီမို့ နည်းပညာတွေက ကိုယ့်ရဲ့လက်တစ်ကမ်းမှာပါ။

ဝါးလက်မှုလုပ်ချင်လို့ပဲဖြစ်ဖြစ်၊ ကိုယ့်အိမ်သုံးအတွက်ပဲဖြစ်ဖြစ် ဝါးကိုအသုံးပြုချင်တယ်၊ သင်တန်းသွားဖို့လည်း အချိန်မပေးနိုင်တဲ့သူတွေအတွက် ပိုးမထိုးအောင်လုပ်တဲ့နည်းပညာလေး မျှဝေပါရစေ။ ကိုယ့်အိမ်ပတ်ဝန်းကျင်မှာ ရတဲ့ပစ္စည်းလေးတွေနဲ့ တစ်နိုင်တစ်ပိုင် စမ်းသပ်လုပ်ဆောင်နိုင်ဖို့ မျှော်လင့်ပါတယ်။

လိုအပ်တဲ့ပစ္စည်းတွေကတော့

• တမာရွက် ပီနံအိတ်တစ်အိတ်

• လောက်သေရွက် ၂၀ ရွက်

• ဆား ၁ ပိဿာ ၂၅ ကျပ်သား

• ရေ ၅၀၀ ဂါလံ

ဒီအချိုးကိုအခြေခံထားပြီး ကိုယ်လိုချင်သလောက် ပမာဏကို အတိုးအလျော့ ပြုလုပ်နိုင်ပါတယ်။

အသုံးပြုမယ့်ဝါးတွေကို စိမ်ရည်ထဲမှာ ၁၀ ရက် မြုပ်အောင် စိမ်ပါ။ ၁၀ ရက်ပြည့်တဲ့အခါ ငြမ်းစင်ထိုးပြီး နေပြပါ။ ခြောက်သွားရင်တော့ အသုံးပြုလို့ရပါပြီ။ ဒီနည်းလမ်းကတော့ ဝါးကိုပိုးမထိုးအောင်လုပ်တဲ့ နည်းတွေများစွာရှိတဲ့အထဲကမှ အလွယ်ကူဆုံးနည်းလမ်းပါ။

ဝါးနဲ့ပတ်သက်လို့ တခြားသောနည်းပညာများကို အစိမ်းရောင်လမ်းရဲ့ တခြားသောဆောင်းပါးတွေမှာ ဖော်ပြပြီးဖြစ်ပါတယ်။

**(သဘာဝကရသောပစ္စည်းများနဲ့ဝါးစိမ်ရည်ပြုလုပ်ခြင်းနည်းကိုတော့ ညောင်ရွှေမြို့မှာရှိတဲ့ မုဒိတာဖောင်ဒေးရှင်းကနေ သိခဲ့ရတာဖြစ်ပါတယ်။ ဝါး၊ မြေကြီးတို့ကို အသုံးပြုပြီး မြေကြီးအိမ်ဆောက်လုပ်နေမှုများကို လေ့လာခဲ့စဉ်က ရရှိခဲ့ရသောနည်းပညာကို ပြန်လည်မျှဝေခြင်းဖြစ်ပါတယ်။)**

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ