ကြက်ဟင်းခါးသီးနှင့် ကျန်းမာရေး

ကြက်ဟင်းခါးသီးကို ပြုတ်တို့၊ ကြော်လှော်ချက်ပြုတ်ခြင်း အစရှိသဖြင့် နှစ်သက်သလို စားသုံးနိုင်သည်။ ကြက်ဟင်းခါးသီးကိုစားလျှင် အကြောတက်တတ်သည်။ သို့ရာတွင် အစေ့ညှာတိုင်နှင့် အစေ့ကိုဖယ်ရှားပြီး အသားကိုစားလျှင် အကြောမတက်ပါ။ ကြက်ဟင်းခါးသီးနှင့် မတည့်သော အစားအစာများမှာ မှိုနှင့် ကြက်သားတို့ဖြစ်သည်။ အကြောတက်၊ အော့အန်တတ်သည်။ ကြက်ဟင်းခါးသီး၏ အခါးဓာတ်ကိုလျော့ချလိုပါက ဆားရည်စိမ်ပြီးမှ ချက်ပြုတ်သင့်သည်။ ကြက်ဟင်းခါးသီးတွင်ပါဝင်သည့် အပင်ထွက်အင်ဆူလင်သည် ဆီးနှင့်သွေးထဲရှိ သကြားဓာတ်ကို လျော့ကျစေသည့် အကျိုးကျေးဇူးရှိသည်။ ကြက်ဟင်းခါးသီးသည် သွေးတွင်းအင်ဆူလင်အဆင့် ကို တိုးစေခြင်းမျိုးမရှိဘဲ ဂလူးကို့စ်ခံနိုင်ရည်ရှိမှုကို သိသိသာသာ ကောင်းမွန်စေခြင်းမျိုးဖြစ်သည်။ ကြက်ဟင်းခါးသီးကို စားခြင်းအားဖြင့်

- သွေးချို၊ ဆီးချို ရောဂါသည်များ၏ ခန္ဓာကိုယ်အတွင်းရှိ သကြားဓာတ်ကိုလျှော့ချပေးခြင်း၊

- ကင်ဆာရောဂါများနှင့် အခြားသော ပြင်ပရောဂါများ ကူးစက်မှုမှ ကာကွယ်ပေးခြင်း၊

- ဝမ်းချုပ်တတ်သူများနှင့် အနီရောင်အပိန့်များ စသည့်ရောဂါများမှ ကာကွယ်ပေးခြင်း

- သွေးလည်ပတ်မှုစနစ် ကောင်းမွန်ပြီး ခန္ဓာကိုယ်သွယ်လျလှပစေခြင်း၊

- ပုံမှန်စားသုံးပေးပါက သွေးတိုးရောဂါကို ကာကွယ်ပေးနိုင်ခြင်း၊

- မျက်စိနှင့် အာရုံကြောစနစ်အတွက် ကောင်းမွန်စေခြင်း၊

- သွေးသန့်စင်စေခြင်း၊

- လိပ်ခေါင်းရောဂါသမားများအတွက် အရည်ဖျော်တိုက်ပါက သက်သာစေခြင်း၊

- ပန်းနာရင်ကြပ်သမားများအတွက် သက်သာစေခြင်း၊

- အရက်စွဲသူများအတွက် အရွက်ကို အရည်ဖျော်တိုက်ပေးခြင်းဖြင့် အရက်ကြောင့်ဖြစ်သည့် ရောဂါများကို ကာကွယ်နိုင်ခြင်း စသည့် ကျန်းမာရေးအတွက် အကျိုးကျေးဇူးများစွာ ရရှိနိုင်သည်။

ငွေကြေးအကုန်အကျသက်သာစေပြီး လူ့ကျန်းမာရေးအတွက် များစွာအထောက်အကူဖြစ်စေသည့်ကြက်ဟင်းခါးသီးကို ဟင်းလျာအဖြစ် ကြော်လှော်ချက်ပြုတ်၍ စားသုံးခြင်းဖြင့်လည်းကောင်း၊ တိုင်းရင်းဆေးများ ဖော်စပ်ရာတွင်လည်းကောင်း တွင်တွင်ကျယ်ကျယ် သုံးစွဲလာကြောင်း ရေသားလိုက်ရပါသည်။

Source - လယ်ယာစီးပွား