အနက်ရောင်နှင်းဆီ သို့မဟုတ် နှင်းဆီနက်

အနက်ရောင် နှင်းဆီ တကယ်ရှိသလား ?

- အနက်ရောင်နှင်းဆီဟာ ကမ္ဘာပေါ်မှာတကယ်ရှိပါတယ်။ ဒါပေမယ့် အလွန်ရှားပါးပြီး ဈေးကြီးလှပါတယ်။ ထူးခြားခြင်း၊ လှပခြင်းတို့ကြောင့်လည်း ကျော်ကြားပါတယ်။

အနက်ရောင်နှင်းဆီကို ဘယ်ဒေသမှာ စိုက်ပျိုးသလဲ ?

- အနက်ရောင်နှင်းဆီကိုတော့ နေရာတိုင်းမှာ စိုက်ပျိုးလို့မရနိုင်ပါဘူး။ ကမ္ဘာပေါ်ရဲ့ နေရာတစ်ခုတည်းမှာပဲ စိုက်ပျိုးနိုင်ပါတယ်။ အဲ့နေရာကတော့ တူရကီနိုင်ငံ Helfeti ဒေသဖြစ်ပါတယ်။ Halfeti ဟာ သေးငယ်ကျဥ်းမြောင်းသော ဒေသတစ်ခု ဖြစ်ပါတယ်။ တူရကီနိုင်ငံ အရှေ့တောင်ပိုင်းအရပ်မှာ တည်ရှိပါတယ်။ နွေရာသီလတွေမှာတော့ အနက်ရောင်နှင်းဆီပန်းများကို တွေ့မြင်နိုင်ပါတယ်။ Halfeti ဒေသ မှာပဲ စိုက်ပျိုးနိုင်တာကြောင့် အနက်ရောင်နှင်းဆီပန်းများကို Halfeti black roses လို့ အမည်ပေးထားပါတယ်။

နှင်းဆီအရောင်ဟာ ဘာကြောင့်ထူးခြားပြီး အနက်ရောင် ဖြစ်နေရသလဲ?

- နှင်းဆီအရောင် အနက် ဖြစ်နေရခြင်းတဲ့ အဓိက အကြောင်းအရင်းကတော့ Halfeti ဒေသရဲ့ ရေမြေသဘာဝကြောင့်ပါ။ ရေတွင်ပျော်ဝင်နိုင်သော ရောင်ခြယ်ပစ္စည်း အင်သိုဆိုင်ယမ်နင် (anthocyanins)ပါဝင်မှုများခြင်းနှင့် ၎င်းဒေသ မြေရဲ့ pHကြောင့်ပါတဲ့ခင်ဗျာ။

ဒါကြောင့် အခြားဒေသတွေမှာ မျိုးယူ စိုက်ပျိုးရင်တောင် သာမန်နှင်းဆီ အဖြစ်သာ ရ ရှိမှာဖြစ်ပြီး အနက်ရောင် နှင်းဆီ မရ ရှိနိုင်ပါဘူး။

အနက်ရောင် နှင်းဆီရဲ့ အဓိပ္ပါယ်

- နှင်းဆီပန်းတွေ မှာ အရောင် အပေါ် မူတည်ပြီး အဓိပ္ပါယ်တစ််မျိုးစီရှိကြပါတယ်။

အနက်ရောင်နှင်းဆီရဲ့ အဓိပ္ပါယ်ကတော့ အဖြူရောင်ရဲ့ ဆန့်ကျင်ဘက်ပါ။ အဓိပ္ပါယ်က ခွဲခွာခြင်း၊ ဝမ်းနည်းပူဆွေးခြင်း၊ ကလဲ့စားချေခြင်း၊ အဆုံးသတ်ခြင်း၊ သေဆုံးခြင်းကို ဖော်ဆောင်ပါတယ်။ ထို့အပြင် positiveအနေဖြင့် လည်း အသစ်တစ်ဖန်မွေးဖွားလာခြင်း၊ တစ်စုံတစ်ခုကို ပြန်လည်အစပြုခြင်းလို့ အဓိပ္ပါယ်ရပါတယ်တဲ့ ခင်ဗျာ။

Source:

https://mygardenguide.com/plants/halfeti-black-roses/

https://www.flowerglossary.com/the-meaning-of-black-roses/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ