ရာသီဥတုဒဏ်ကာကွယ်ဖို့အတွက် ဆိတ်တင်းကုပ်ဆောက်လုပ်ခြင်း

ဆိတ်များကို စနစ်တကျမွေးမြူရန်အတွက် သင့်လျော်သည့် ဆိတ်တင်းကုပ်ဆောက်လုပ်ရန် လိုအပ်ပါသည်။

ဆိတ်တင်းကုပ်သည် ဆိတ်များအိပ်ရန်နှင့် အနားယူရန်အတွက် ရာသီဥတုအပူအအေးမှ အကာအကွယ်ပေး၍လေကောင်း လေသန့်ရရှိသည့် အဆောက်အဦးမျိုး ဖြစ်သင့်ပါသည်။

ဆိတ်တင်းကုပ်ဆောက်လုပ်ရန်အတွက် အောက်ပါအချက်များကို ဂရုပြုရပါမည်။

(က) ဆိတ်တင်းကုပ်ကို မြေစိုက်ဆောက်လုပ်ပါက အညစ်အကြေးများအလွယ်တကူ သိမ်းဆည်းနိုင်ရပါမည်။

(ခ) ဆိတ်များနားနေရန်တွက် လုံလောက်သောအကျယ်အဝန်း ရှိသင့်ပါသည်။

(ဂ) ဆိတ်ကြီးနှင့် ဆိတ်ကလေးများကို အသက်အရွယ်အလိုက် ခွဲခြားထားနိုင်ရန် သင့်လျော်သည့်အကန့် ရှိရပါမည်။

(ဃ) အမိုးသည် မိုးရေလုံ၍ သက်ကယ်မိုးဖြစ်ပါက တံစက်မြိတ်အနည်းဆုံး ၆ပေ ရှိသင့်ပြီး ခေါင်အမြင့် ၁၀ ပေ ရှိသင့်ပါသည်။အဓိကမှာ အမိုးကို ဆိတ်ဆွဲ၍ မစားနိုင်စေရန် ဖြစ်ပါသည်။

(င) လေဝင်လေထွက်ကောင်းသင့်သည်။ သို့မှသာ အခင်းခြောက်သွေ့စေရန်နှင့် သန့်ရှင်းရေးပြုလုပ်ရန် လွယ်ကူမည် ဖြစ်ပါသည်။

(စ) လုံလောက်သော အလင်းရောင် ရရှိစေရပါမည်။

(ဆ) အစာခွက်၊ရေခွက်များ စနစ်တကျ ထားရှိရပါမည်။

(ဇ) မိုးများ၍ စိုစွတ်သောအရပ်ဒေသများတွင် အခင်းကို ဝါးကြမ်းခင်း(သို့မဟုတ်) သစ်သားကြမ်းခင်းဖြင့် တည်ဆောက်ရန် လိုပါသည်။ အဂ်တေဖြင့် အခင်းခင်းပါက

ကောက်ရိုး၊မြက်ခြောက် စသည်ဖြင့် ခင်းပေးရန်လိုအပ်ပါသည်။

(စျ) လေစိမ်းမတိုက်စေရန် အကာရှိဖို့ လိုအပ်ပါသည်။

ဆိတ်ခြံများတွင် ဆိတ်မများ သားမွေးရန်၊နို့ညှစ်ရန်နှင့် ဆိတ်သိုးများကို ခွဲခြားထားရှိရန်အတွက် အကန့်များလိုအပ်ပါသည်။

အရွယ်ရောက်ပြီး ဆိတ် ၁ ကောင်အတွက် ကြမ်းခင်းအကျယ် ပျှမ်းမျှ (၁၀)စတုရန်းပေ လိုအပ်ပါသည်။ လွှတ်ကျောင်းခြင်းမရှိသည့်ဆိတ်များအား ကြမ်းခင်းအကျယ် ပို၍ထားပေးရန် လိုအပ်ပါသည်။

မည်သည့်ပုံစံဖြင့် ဆောက်လုပ်သည်ဖြစ်စေ မွေးမြူရေး လုပ်ငန်းတစ်ခု အကျိုးအမြတ်ရရှိရန်အတွက် သင့်လျော်သည့် ကုန်ကျစရိတ်သာ ကုန်ကျစေပြီး ရေရှည်အတွက် စီးပွားရေး တွက်ခြေကိုက်စေရန် အရေးကြီးလှပါသည်။

တိရစ္ဆာန်မွေးမြူရေးတွင် မွေးမြူနည်းစနစ်မှန်ကန်ရေး နှင့် သင့်လျော်သည့် အဆောက်အဦ ဆောက်လုပ်ရေးမှာ အထူးအရေးကြီးလှပါသည်။အထူးသဖြင့် ဆိတ်များသည် အအေးမိလွယ်သည်။ လေစိမ်းတိုက်ခတ်ခြင်း၊အဆောက်အဦအတွင်း သန့်ရှင်းမှုမရှိခြင်း၊ အခင်းစိုစွတ်ခြင်းများဖြစ်ပါက အဆုတ်ရောင်ရောဂါ(Pneumonia)ဝင်တတ်ပါသည်။

ဆိတ်မွေးမြူသူများအနေဖြင့် ခြံသန့်ရှင်းရေး၊ အခင်းခြောက်သွေ့ရေး၊ အဆောက်အဦနွေးထွေးလုံခြုံရေးတို့ကို အလေးထားဆောင်ရွက်ပါက ဆိတ်မွေးမြူရေးအောင်မြင်မည် ဖြစ်ပါကြောင်း လေ့လာရေးသားတင်ပြလိုက်ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Facebook page သို့သွားရန်

ဆွေးနွေးချက်များ

ဆွေးနွေးရန်

စိုက်ပျိုးရေး

မွေးမြူရေး

ရေလုပ်ငန်း

အထွေထွေဗဟုသုတ

ရာသီဥတုဒဏ်ကာကွယ်ဖို့အတွက် ဆိတ်တင်းကုပ်ဆောက်လုပ်ခြင်း

Greenovator ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ရာသီဥတုဒဏ်ကာကွယ်ဖို့အတွက် ဆိတ်တင်းကုပ်ဆောက်လုပ်ခြင်း

Greenovator ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မြေဆွေးကန်နဲ့ ဝက်မွေးမြူခြင်း

နို့စားနွား မွေးမြူရေး ခြံတွင် အဓိကထား လုပ်ဆောင်ရမည့် ဦးတည်ချက်များ

ထုတ်လုပ်မှု ကုန်ကျစာရိတ်နှင့် အကျိုးအမြတ် တွက်ချက်မှု (တစ်လစာ)

{{ post.title }}