နို့စားနွား မွေးမြူရေး ခြံတွင် အဓိကထား လုပ်ဆောင်ရမည့် ဦးတည်ချက်များ

 ခြံမှတ်တမ်းထားရှိခြင်း

- ဘာတွေကို မှတ်သားမလဲ?

- ဘာကြောင့်လဲ?

 ကျွန်ုသည် ထိုအရာကို တိုင်းတာမှတ်သားနိုင်လျှင် ထိုအရာကို ကောင်းစွာစီမံနိုင်မည်။

ဘာတွေကို မှတ်သားမလဲ?

အကျိုးအမြတ်ရှိသော ခြံဖြစ်စေမည့် အဓိကမှတ်သားရမည့် အချက်များ

- တစ်နှစ်ပတ်လုံး နို့ပေးသည့် နွားမ အရေအတွက်

- နွားမတစ်ကောင်းချင်းစီ၏ တစ်နေ့တာ နို့ထွက်နူန်း

- နို့ပေးကာလ ကြာချိန် (ရက်ပေါင်း)

- နွားခြံ၏ နွားတစ်ကောင် ပျမ်းမျှနို့ထွက်နူန်း

- အလုပ်သမားနှင့် စုစုပေါင်းနွားကောင်ရေအချိုး

- တစ်သားနှင့် တစ်သားကြား ကာလကြာချိန်

- ကိုယ်ဝန် တစ်ခါရရန် မျိုးစပ်ရသည့် အကြိမ်ရေ

- ပထမသားရရှိချိန်တွင် ရှိသည့် နွားမ၏ အသက်

- နွားကလေးသေနူန်း

- တစ်နှစ်တစ်နှစ် တိုးလာသည့် နွာမတမ်း အရေအတွက်

- အစာကုန်ကျစာရိတ် (စုစုပေါင်း ထုတ်လုပ်မှု ကုန်ကျစရိတ်၏ မည်မျှ ရာခိုင်နူန်း)

အကျိုးအမြတ် ရှိသော နွားခြံအဖြစ် စီမံခန့်ခွဲနိုင်စေရန် ကျွန်ုပ်တို့ မှတ်တမ်းထားရှိရမည့် အဓိက အမျိုးအစား (၃) မျိုး

၁။ ထုတ်လုပ်မှု

- တစ်နှစ်ပတ်လုံး နို့ပေးသည့် နွားမ အရေအတွက်

- နွားမတစ်ကောင်ချင်းစီ၏ တစ်နေ့တာ နို့ထွက်နူန်း

- နို့ပေးကာလ တစ်လျှောက် နွားမတစ်ကောင်၏ နို့ထွက်နူန်း

- နို့ပေးကာလ ကြာချိန် (ရက်ပေါင်း)

- နွားခြံ၏ နွားတစ်ကောင် ပျမ်းမျှ နို့ထွက်နူန်း

 ၂။ မျိုးအောင်နူန်းနှင့် တိရစ္ဆာန် ကျန်းမာရေး

- တစ်သားနှင့် တစ်သားကြား ကာလကြာချိန်

- ပထမ သားရရှိချိန်တွင် ရှိသည့် နွားမ၏ အသက်

- နွားကလေးသေးနူန်း

- တစ်နှစ်တစ်နှစ် တိုးလာသည့် နွားမတမ်း အရေအတွက်

- ကာကွယ်ဆေး ထိုးခြင်းနှင့် ကုသခြင်း မှတ်တမ်း

- သားပေါက်မှတ်တမ်းနှင့် မြိုင်လက္ခဏာများ

- နွားကလေးများ၏ ကြီးထွားမှုနှုန်း

- အရွယ်ရောက်ပြီး နွားများ၏ ခန္ဓာကိုယ် အခြေအနေများ

၃။ ဝင်ငွေနှင့် ထွက်ငွေစာရင်း

- အလုပ်သမားနှင့် စုစုပေါင်း နွားကောင်ရေ အချိုး

- နွားနို့ တစ်ပိဿာအတွက် စုစုပေါင်း ထုတ်လုပ်မှု ကုန်ကျစာရိတ်

- အစာ ကုန်ကျစာရိတ် (စုစုပေါင်း ထုတ်လုပ်မှု ကုန်ကျစာရိတ်၏ မည်မျှ ရာခိုင်နူန်း)

- အကျိုးအမြတ်

မှတ်တမ်းအားလုံး၏ အစသည် တိရစ္ဆာန်အား ကိုယ်ပိုင်အမှတ်အသား ထားရှိခြင်းပင် ဖြစ်သည်။

ထို့နောက် တိုင်းတာခြင်းပင်ဖြစ်သည်။

တိုင်းတာခြင်းကနေ ကျွန်ုပ်တို့၏ ဦးတည်ချက်များနှင့် သွေဖယ်မှု ရှိ/မရှိ ချိန်ဆနိုင်သည်။

တစ်လလျှင် ခန္ဓာကိုယ် အလေးချိန် ဘယ်လောက် တက်လာသလဲ။

နို့ပေးကာလတစ်ခုမှာ နို့ဘယ်လောက် ရသလဲ။

ဦးတည်ချက်များသည်-

- လက်တွေ့ကျပြီး အမှန်တကယ် လုပ်နိုင်မည့် အရာ ဖြစ်သင့်သည်။

- အချိန်ကာလတစ်ခု သတ်မှတ်ပြီး ထိုအချိန်ကာလအတွင်း လုပ်ဆောင်နိုင်ရမည်။ (ဥပမာ - နို့ပေးကာလတစ်ခုမှာ တစ်ခြံလုံး၏ ပျမ်းမျှနို့ထွက်နူန်းသည် တစ်နှစ်ကို ၁၀ % တိုးလားစေရန်။

- တိုင်းတာရာတွင် စနစ်တကျ တိုင်းတာရမည်။

ဒါ့ကြောင့် ခြံအတွက် ဦးတည်ချက် ချမှတ်ရာတွင် ဘာတွေပါရမလဲ?

သားအောင်နူန်း

- တစ်သားနှင့်တစ်သားခြားကာလသည် (၁၄) လအောက်သာ ကြာရန်။

- ကိုယ်ဝန်တစ်ခါရဖို့ ၂ ကြိမ်သာမျိုးစပ်ရန်။

- ပထမ နွားကလေးမွေးချိန်တွင် နွားမအသက်သည် (၂၄) လ ဖြစ်ရမည်။ သားစပ်ချိန်တွင် နွားမအသက်သည် (၁၅) လ ဖြစ်ရမည်။

တစ်ကောင်ချင်းစီ၏ ထုတ်လုပ်မှု

- တစ်နေ့ကို ပျမ်းမျှ ၁၀ ပိဿာ ထွက်ရန် (၁၆ လီတာ)

- နို့ပေးကာလရက်ပေါင်း (၁၀၅) ရက်ရှိရန်။

- နို့ပေးကာလ တစ်လျှောက်လုံး စုစုပေါင်း (၃၀၅၀) ပိဿာရရှိရန်။

- နို့ပေးနွာမ အရေအတွက်သည် နွားခြံတစ်ခုလုံး၏ ၇၀% အောက် မရှိစေရန်။

နွားနို့အရေအသွေး

- Total Plate Count < 500,000 cfu/ml

(နွားနို့အတွင်း ဘက်တီးရီးယားပိုးသည် လက်ခံနိုင်သည့် အရေအတွက် ၅၀၀၀၀၀ အောက်သာ ရှိရမည်။)

- Somatic Cell Count < 400,000

( နို့အုံရောင် ရောဂါ ဖြစ်ပွားမှု ရှိ/မရှိ ဆဲလ် အရေအတွက်ကို ကြည့်သည်)

- Total Solids < 12.5%

( စုစုပေါင်း အစိုင်အခဲပါဝင်မှုသည် ၁၂.၅ % အထက်ရှိရမည်)

နွားကလေးကြီးထွားမှုနှင့် သေနူန်း

- နွားကလေးသေနူန်းသည် နှစ်စဉ် ၃ % အောက်သာ ရှိစေရန်။

- နွားကလေး နို့ဖြတ်ချိန်တွင် ကိုယ်အလေးချိန် (၉၀) ကီလိုဂရမ် အထက်ရှိစေရန်။

- နွားကလေး၏ ကိုယ်အလေးချိန်တိုးနူန်းသည် တစ်နေ့လျှင် (၆၀၀) ဂရမ် အထက်ရှိရန်။

- နွားထီးကလေးများကိုလည်း နွားမကလေးများကဲ့သို့ သတ်မှတ်ချက်အတိုင်း ပြည့်မီအောင် လုပ်ဆောင်ရမည်။

 အလုပ်သမား

- အလုပ်သမား အပြောင်းအလဲသည် တစ်နှစ်မှာ (၁၀)% အောက်သာ ရှိရန်။

- အလုပ်သမား တစ်ယောက်လျှင် နို့ညှစ်နွားမ ၁၅ ကောင်နူန်း ထိန်းရန်။

- အလုပ်သမားများ တိုးတက်ရာ တိုးတက်ကြောင်း အခွင့်အရေးများ ပေးရန်။

- လုပ်ဆောင်မှုအပေါ် ဆုချီးမြှင့်ရန်။

- ခြံစီးပွားရေးအပေါ် ၁၀၀ % သက်ရောက်မှု ရှိမည့် အလုပ်သမား သင်တန်းများ ပေးရန်။

ဝင်ငွေ / ထွက်ငွေ စီးဆင်းမှု

- ထုတ်လုပ်မှု ကုန်ကျငွေကို ရှင်းရှင်းလင်းလင်း သတ်မှတ်ထားရန်။

- စုစုပေါင်း အစာ ကုန်ကျငွေသည် ခြံကုန်ကျငွေအားလုံး၏ ၆၀ % အောက်သာ ရှိရန်။

- ကုန်ကျစာရိတ် အားလုံးကို မှတ်သားထားရန်။

- သတ်မှတ်ထားသော အကျိုးအမြတ်ကို ရအောင် လုပ်ရန် (နွားနို့ ၁ ပိဿာကို ၃၀၀ ကျပ် အပိုအမြတ်ငွေ ထွက်ရမည်။ တစ်နေ့ ပိဿာ ၁၅၀ = အမြတ်ငွေ ၄၅၀၀၀ ကျပ်)

source - မြန်မာ - နယူးဇီလန် ကောင်းမွန်သော နို့စားနွား မွေးမြူရေး စီမံကိန်း