ကျောက်ကပ်၊ နှလုံးနဲ့ အဆစ်အမြစ်ကို ကျန်းမာစေပြီး အဆိပ်အတောက်တွေကို ဖယ်ရှားပေးမယ့် နံနံဖျော်ရည်

ရိုးရိုးနံနံပင်ပဲဖြစ်ဖြစ် တရုတ်နံနံပင်ပဲဖြစ်ဖြစ် ကျောက်ကပ်အတွက် ကောင်းမွန်ပါတယ်။ ကျောက်ကပ်ဟာ ကျွန်မတို့ခန္ဓာကိုယ်အတွက် အရေးပါတဲ့ အင်္ဂါတစ်ခုပါ။ ခန္ဓာကိုယ်ထဲက မကောင်းတဲ့အညစ်အကြေးတွေကို ဆီးအဖြစ် အပြန်ကို ပြန်စွန့်ပေးတတ်ပါတယ်။

ဒါ့အပြင် ကျောက်ကပ်ဟာ သွေးထဲမှာပါဝင်တဲ့ ဓာတုကွန်ပေါင်းဒြပ်ကို တိုင်းတာပေးပြီး ညီမျှအောင် ထိန်းပေးပါတယ်။

နံနံပင်မှာ ဗီတာမင်နဲ့ သတ္တုဓာတ်တွေကြွယ်ဝစွာပါဝင်ပြီး ကျောက်ကပ်ကို ကျန်းမာစေပါတယ်။ အမျှင်ဓာတ်ကြွယ်ဝစွာပါဝင်တဲ့အပြင် ရေဓာတ်မြင့်မားစွာပါဝင်လို့ ကျောက်ကပ်လုပ်ဆောင်မှုကို ကောင်းမွန်စေပါတယ်။

ဒါတင်မကသေးပါဘူး သွေးဖိအားကျစေပြီး အဆစ်အမြစ်နာကျင်တာကို သက်သာစေသလို၊ ကင်ဆာရောဂါဖြစ်ပွားမှုကိုလည်း ကာကွယ်ပေးနိုင်ပါတယ်။ နှလုံးကိုလည်း ကျန်းမာစေပါတယ်။

သွေးတွင်းက အဆိပ်အတောက်တွေကိုသန့်စင်ပေးပြီး၊ သင့်ကိုကျန်းမာစေမှာပါ။

ပန်းသီး(၁)လုံး

နံနံပင် (၁)ပင်

လတ်ဆတ်တဲ့ပူစီနံရွက် လက်ဖက်ရည်ဇွန်း(၁)ဇွန်းစာ

တရုတ်နံနံ ၂ချောင်း

ပြင်ဆင်ခြင်း

ပါဝင်ပစ္စည်းတွေအားလုံးကို အတူတူထည့်ပြီး ကြိတ်စက်ထဲထည့်ကြိတ်လိုက်ပါ။ ပြီးရင် မနက်စာစားပြီး သောက်ပေးပါ။ တစ်ပတ်ကို ၃ ကြိမ်သောက်ပါ။

နောက်ထပ်နည်းလမ်းတစ်ခုကတော့

တရုတ်နံနံရိုး ၃ ချောင်း၊ နံနံပင် ၃ ပင်၊ နာနတ်သီး ၂ စိတ်ကို ကြိတ်စက်ထဲထည့်ပြီး သေချာဖျော်လိုက်ပါ။ ပြီးရင် သံပုယိုရည်နည်းနည်းညှစ်ထည့်ပါ။ အရမ်းပျစ်နေရင် ရေနည်းနည်းထည့်ပါ။ ပြီးရင် မနက်တစ်ခွက်၊ ညနေတစ်ခွက်သောက်ပေးပါ။

MyFood Myanmar Website မှ ပြန်လည်ကူးယူဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ