ငါးရံ့‌ဆေးထိုးသားဖောက်မွေးမြူနည်း

-ငါးရံ့သည်သဘာဝရေပြင်၌မျိုးပွားရာသီမတိုင်မှီ၊ ဥချရန် အသိုက်များကို ကြိုတင်ပြုလုပ်လေ့ရှိသည်။အပင်ငယ်လေးများ ဝိုင်းရံလျက်အသိုက်ပြုလုပ် ကြသည်။

-မုတ်သုန်ရာသီအစပိုင်း၌မြောင်း၊ ကန်နှင့်လယ်ကွင်းများ၌ မိတ်လိုက်ဥချလေ့ ရှိကြသည်။ ငါးသားပေါက်များကိုမိဘများက စောင့်ရှောက်လေ့ရှိကြသည်။ .

-မျိုးငါးမ/ ငါးထီးများကိုသဘာဝရေပြင်မှ သို့မဟုက် မွေးမြူရေးကန်များမှကြိုတင် စုဆောင်းယူပြီး မျိုးငါးပြုစုကန်ထဲ၌ ပရိုတိန်း၃၅% ရှိသောအစာကို ကျွေးပြီး ပြုစုထားရမည်။

-မျိုးပွားရာသီ၌ မျိုးပွားရန်အတွက်သင့်‌တော်သော မျိုးငါးမ/ငါးထီးများကို ရွေးချယ်ပြီး မြေပေါ်လှောင်ကန်များထဲ၌ ဆေးထိုးကာ မျိုးပွားယူနိုင်ပါသည်။

-ငါးလှောင်ကန်များ၌ ဗေဒါပင်များကိုရေမျက်နှာပြင်ထက်ဝက်ခန့် ဖုံးအုပ်ထား ပေးရသည်။ မျိုးငါးအမများကို Ova prim ဟော်မုန်းဆေး 0.5 mL / kg နှုန်းဖြင့် ထိုးပေးပြီးအထီးကို 0.25 ml/kg နှုန်းဖြင့်ထိုးပေးရမည်။

-ထို့နောက် မျိုးငါးများကို ဥချလှောင်ကန်ထဲသို့ထည့်ပေးရသည်။

-ဟော်မုန်းဆေးထိုးပြီး ၂၄နာရီမှ၂၆ နာရီခန့်အတွင်း မိတ်လိုက်ဥချကြသည်။ ဥများမှာရေထဲ၌ ပေါလောမျောနိုင်ပြီး၊ ရွှေဝါရောင် အဆင်းရှိသည်။ စေးကပ်မှုမရှိပါ။

- ထို့နောက်ဥများကိုဥဖောက်ကန်များနှင့် ရေလည်ကတော့ (Hatchig Jar) သို့ ပြောင်းရွှေ့ရမည်။

-ရေအပူချိန် 29°C ၌ ၂၃နာရီမှ၂၄ နာရီအတွင်းတွင် ဥမှငါးမှုန်များပေါက်ပါသည်။ ဥမှငါးမှုန်များရရှိနှုန်းမှာ၈ဝ-၈၅ % ခန့်ရှိပြီး၊အရွယ်အားဖြင့်0.2 mm ခန့်ရှိသည်။

- ၃ရက်အကြာတွင်၎င်းတို့တွင်ပါလာသော ဥအစာအိတ် (Yolk Sac) များ ကုန်ခမ်း လေ့ရှိသည်။

-နှစ်ရက်ခန့်အကြာ၌ငါးမှုန်များသည်အထက်‌မှအောက်သို့ ကူးခတ်နိုင်ကြသည်။ အစာအဖြစ်ကြက်ဥအနှစ်ကို ကြိတ်၍ရေနှင့်ဖျော်ကာစတင်ကျွေးရသည်။

- ထို့နောက်တဖြည်းဖြည်းချင်း ငါးကြိတ်သားနှင့် ရေတီများကိုလည်း ကျွေးနိုင် ပါသည်။၂၀ရက်ခန့်ပြုစုပြီး သားပေါက်ကန်သို့ထည့်သွင်း‌မွေးမြူ နိုင်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ