ကြက်ရောဂါကာကွယ်ဆေးရဲ့ အကျိုးသက်ရောက်မှုမြင့်မားစေရန်အတွက်အကြံပြုချက် (၈) ချက်

ကောင်းမွန်တဲ့ ကာကွယ်ဆေးထိုးအစီအမံတွေကို ချမှတ်ထားသော်လည်း ဆေးထိုးစဉ်မှာ ကျန်းမာရေးအခြေအနေဆိုးနေပါက ကာကွယ်ဆေးရဲ့ အစွမ်းသတ္တိယုတ်လျော့သွားစေပါတယ်။

ကာကွယ်ဆေးရဲ့ အစွမ်းပမာဏအကျိုးသက်ရောက်စေရန်အတွက်

(၁) ကြက်တွေအားလုံးရဲ့ စိတ်ဖိစီးမှု အမျိုးမျိုးနဲ့ အစာစားနည်းခြင်းတို့မှ ပြန်လည်ကောင်းမွန်လာပြီးမှ သာကာကွယ်ဆေးထိုးသင့်ပါတယ်။

(၂) မှန်ကန်တဲ့ ကာကွယ်ဆေးပမာဏ ထိုးပေးရန်လည်း လိုအပ်ပါတယ်။

(၃) ကာကွယ်ဆေးတွေကို အမြဲတမ်းရေခဲသေတ္တာထဲမှာ ထည့်သိမ်းရန်နဲ့ နေရောင်နဲ့ တိုက်ရိုက် မထိတွေ့စေရန် ဂရုစိုက်ရပါမယ်။

(၄) ကာကွယ်ဆေးတွေကို ဖျော်ရည်နဲ့ရောတဲ့အခါ ဆပ်ပြာ၊ ပိုးသတ်ဆေး (သို့) တခြားဆေးတွေထိခတ်မှုမရှိတဲ့ သန့်ရှင်းတဲ့ ခွက်ကိုသာ အသုံးပြုရပါမယ်။

(၅) မိမိကြက်ခြံဝန်းကျင်မှာ ရောဂါဖြစ်ပွားနေတယ်လို့ သတင်းရရှိပါက ကာကွယ်ဆေးထိုးအစီအစဉ်ကို မြန်စွာပြုလုပ်ပေးရပါမယ်။

(၆) ကိုယ်ပိုင်ထိရောက်တဲ့ ကာကွယ်ဆေးထိုး အစီအစဉ်များလည်း ရှိရပါမယ်။

(၇) ပိုးအရှင်ကာကွယ်ဆေးကို အသုံးပြုမယ်ဆိုပါက ဆေးမထိုးမီ ၂ရက် ၃ရက်အလိုနဲ့ ဆေးထိုးပြီး ၄-၅ရက် ကြာတဲ့အထိ ပိုးသတ်ဆေးတွေကို မသုံးသင့်ပါ။

(၈) ကြက်တွေကို ကာကွယ်ဆေးမထိုးမီ ၁-၂ရက် အလိုနဲ့ ထိုးပြီးနောက် ပဋိဇီဝဆေးတွေနဲ့ ဗီတာမင်များပေးသင့်ပါတယ်။

Ref; စိုက်ပျိုးပညာပေးရေးနဲ့ ကျေးလက်ဒေသဖွံ့ဖြိုးရေးသင်တန်းကျောင်းမှ ထုတ်ဝေသော ခေတ်မီမွေးမြူရေး နည်းပညာများစာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ