အရည်အသွေးကောင်းပြီး ဝင်ငွေပိုရသည့် သရက်သီးအိတ်စွပ်ခြင်းလုပ်ငန်း

အိတ်စွပ်ခြင်း၏ အားသာချက်

• အစေ့ထိုးပိုး၊ အသားထိုးပိုး၊ သီးထိုးယင် ကျရောက်မှုကို ကာကွယ်နိုင်သည်။

• အနာအဆာ၊ အပွန်းအပဲ့ ကင်းသည်။

• အရောင်အသွေး တောက်ပပြီး အသီး၏ အရေခွံ့ ပြောင်ချောနေ၍ ရောင်းပန်းလှစေပြီး စျေးပိုရစေသည်။

• ပိုးသတ်ဆေး၊ မှိုသတ်ဆေးများ လျော့သုံးရ၍ စရိတ်သက်သာသည်။

• ပိုးသတ်ဆေး၊ ဓာတ်ကြွင်း အာနိသင်နည်းသဖြင့် စားသုံးသူအတွက် အန္တရာယ် ကင်းသည်။

• လေပြင်းဒဏ်၊ မိုးဒဏ် ပိုခံနိုင်ပြီး နေလောင် သက်သာသည်။

• အသီးအလေအလွင့် ဆုံးရှုံးမှု သက်သာသဖြင့် ဝင်ငွေပိုရသည်။

အိတ်စွပ်ခြင်း အားနည်းချက်

• အိတ်ဖိုးငွေ အကုန်အကျ ပိုများလာသည်။

• လူအင်အား သုံးစွဲ၍ အိတ်စွပ်ရသဖြင့် လူအင်အား လိုအပ်ချက် ရှိသည်။ စရိတ် ပိုကုန်သည်။

• ပန်းပွင့်ရက် မမှတ်သားသူတို့အတွက် အသီးခူးရက် အလွယ်တကူ မသိနိုင်ပါ။
•   အိတ်အတွင်း ပိုးမွှားရောဂါ ကျရောက်မှုကို ရုတ်တရက် မမြင်နိုင်ပါ။

ကိုးကား- စိုက်ပျိုးရေး ဦးစီးဌာန