နွားမများ ထုတ်ပယ်ရောင်းချခြင်း

နွားမများရောင်းချမည့်အချိန်ကို ဆုံးဖြတ်ရခြင်းသည် မွေးမြူသူများအဖို့ မလွယ်ကူပေ။ နွားမရောင်းခြင်းနှင့် ပတ်သက်ပြီး မွေးမြူသူတစ်ယောက်နှင့် တစ်ယောက် အမြင်မတူကြပေ။ ယခုပေးချင်သည့်အချက်အလက်ကတော့ အကျိုးအမြတ်ရှိသည့်ခြံအဖြစ် လည်ပတ်နိုင်ဖို့ တွေးသင့်သည့် အကြောင်းအရာများဖြစ်ပါသည်။

နွားမတစ်ကောင်ရောင်းရမည့် အချိန်မှန်ကို မည်ကဲ့သို့သိနိုင်မည်နည်း။ နွားမသည် ရှေ့ဆက်ပြီးအနာဂတ်မှာ ကျွန်ုပ်တို့ကို ဘယ်လိုအကျိုးအမြတ်ပေးနိုင်သလဲဆိုတာပေါ် မူတည်ပြီး ဆုံးဖြတ်ရမည်။ ဤအချက်ကို ကျွန်ုပ်တို့ အမြဲတမ်းသေချာ မသိနိုင်သော်လည်း ကောင်းမွန်သည့် ခန့်မှန်းချက်များ ပြုလုပ်နိုင်ပါသည်။

အောက်ပါအချက်များကို စဉ်းစားသင့်ပါတယ်။

ခြံရှိနွားအရေအတွက်ကို တိုးချင်သေးလား သို့မဟုတ် လက်ရှိအရေအတွက် အတိုင်းပဲ ထားချင်သလား
ခြံမှာရှိသည့် နွားမတမ်းများ၏ အရည်အသွေးနှင့် အရေအတွက်
နွားမများ၏နို့ထွက်နှုန်း၊ အသက်အရွယ်၊ ကျန်းမာရေး၊ မျိုးပွားမှု နောက်ကြောင်း အခြေအနေ
နွားမတမ်းများနှင့် အရွယ်ရောက်နွားများအတွက် စျေးကွက်အခြေအနေ

များသောအားဖြင့် ခြံမှာရှိနိုင်သည့် နွားအရေအတွက်သည် အစာထောက်ပံ့ပေးနိုင်မှု၊ နွားနို့စျေးကွက် သို့မဟုတ် ခြံအရွယ်အစား စသည်တို့ကြောင့် အကန့်အသတ် ရှိနေပါသည်။ ခြံရှိနွားအရေအတွက်ကို တိုးချင်လျှင် ဘယ်လိုနွားမများကို ထိန်းထားမလဲဆိုတာကို သေချာဆုံးဖြတ်ရပါမယ်။ ငွေဆုံးရှုံးစေမည့် နွားမများ၊ မျိုးပွားမဆိုင်ရာ ပြဿာနာရှိသော နွားမများကို ရောင်းချရမည်။ ခြံရှိနွားအရေအတွက်ကို ထိန်းထားချင်လျှင် ဒီထက်ပိုပြီးစဉ်းစားဖို့ လိုပါတယ်။

နွားမများကို နွားသိုးကောင်းကောင်းဖြင့် သားစပ်ရန်၊ နွားမတမ်းများကို စနစ်တကျ မွေးမြူရန် ကျွန်ုပ်တို့ အမြဲအကြံပြုတိုက်တွန်းလေ့ရှိပါသည်။ နှစ်စဉ်နှစ်တိုင်း ပထမသားမွေးသည့် မတမ်းငယ်များသည် ၎င်းတို့ အမေများထက် အရည်အသွေး ပိုကောင်းနေရမည်။ နွားမတမ်းများ၏ ပထမနှစ် နို့ပေးသက်တမ်းတွင် နို့ပေးနှုန်း နည်းနေတတ်သော်လည်း ဒုတိယနှစ်တွင် တိုးလာမည်။ မျိုးရိုးဗီဇမြင့်တာကို ထိန်းသိမ်းထားနိုင်ဖို့ နွားမတမ်းကောင်းများကို ထိန်းထားပြီး မကောင်းသည့်နွားမများကို ရောင်းထုတ်ရမည်။ အကြမ်းဖျင်းအားဖြင့် နွားမများနှင့် မတမ်းများ၏ အရည်အသွေးပေါ်မူတည်ပြီး နှစ်စဉ် နွားမကြီးအုပ်စု၏ ၂၀% ကို မတမ်းများဖြင့် အစားထိုးနိုင်ရမည်။ ခြံတွင် အရည်အသွေးကောင်းသည့်နွားမတမ်း များများရှိနေလျှင် အသက်ကြီးသည့် နွားမများ၊ ထုတ်လုပ်မှုနည်းသည့် နွားမများကို ရောင်းထုတ်ရမည်။

သားရရန်မလွယ်သည့် နွားမများသည် နို့နားကာလကြာပြီး ၎င်းအတွက် ငွေအကုန်အကျများစေသည့်အတွက် ရောင်းထုတ်သင့်သည်။ ထုတ်လုပ်မှုကောင်းသည့် နွားမပင် ဖြစ်သော်လည်း ကိုယ်ဝန်မရ၊ နို့မပေးသည့်လများ များနေလျှင် ရောင်းထုတ်သင့်သည်။ မှတ်တမ်းထားရှိခြင်းဖြင့် မည်သည့်နွားမများသည် ထိုကဲ့သို့ ပြဿနာများရှိနေသည်ကို သိနိုင်ပါသည်။

နောက်တစ်ချက်ကတော့ နို့ထုတ်လုပ်မှုပါပဲ။ မွေးမြူသူအများစုက ဤအချက်ကို ကောင်းကောင်းစဉ်းစားပြီးသား ဖြစ်ပါတယ်။ ဒါ့အပြင် နွားမများ၏ အသက်အရွယ်ကိုလည်း စဉ်းစားရပါမယ်။ နွားမတစ်ကောင်သည် နို့ပေးကောင်းနေလျှင်တောင်မှ အသက်ကြီးသည့်နွားမထက် ငယ်သည့်နွားမကို ထိန်းထားတာက ပိုကောင်းပါသည်။ အသက်ကြီးသည့် နွားမများသည် ကျန်းမာရေးနှင့် မျိုးပွားမှု ပြဿနာများ ဖြစ်နိုင်ခြေပိုများပြီး ဘယ်ချိန်ဘယ်ခါဖြစ်လာမည်ကို မသိနိုင်ပေ။ တစ်နေ့ကို ၈ ပိဿာပေးသည့် ၁၀ နှစ်အရွယ်နွားမထက် တစ်နေ့ကို ၆ ပိဿာပေးသည့် ၃ နှစ် အရွယ်နွားမကို ထိန်းထားတာက ပိုစိတ်ချမှု ရှိစေသည်။

နွား၏ကျန်းမာရေးကို စဉ်းစားရပါမယ်။ ပြဿနာဖြစ်စေသည့် အမှားယွင်းတစ်ခုခုရှိသည့် နွားမျိုး ရှိသလား။ ဥပမာ မကြာခဏ ခြေထောက်နာခြင်း သို့မဟုတ် နို့အုံရောင်ခြင်း။

နောက်ဆုံးအနေဖြင့် ပယ်ထုတ်မည့် နွားမများနှင့် နွားမတမ်းများ၏ စျေးကွက်ကို စဉ်းစားရပါမယ်။ ဒီစျေးနှုန်းများသည် အမြဲပြောင်းလဲမှုရှိသည်။ အကယ်၍ ပယ်ထုတ်မည့်နွားမများ စျေးကွက်မကောင်းလျှင် ထိုနွားမများကိုထိန်းထားပြီး ဒီနှစ်အတွက် နို့နွားမကောင်ရေပိုရှိနေတာက ရောင်းတာထက် ပိုကောင်းနိုင်သည်။ သို့မဟုတ် နွားမတမ်းများအတွက် စျေးကွက်ကောင်းနေလျှင် လိုချင်တာရွေးချယ်ပြီးနောက် ပိုနေသည့် နွားမတမ်းများနှင့် နို့ရှိန်ဖျားအဖြစ်များသည့်နွားများကို ရောင်းထုတ်တာက ပိုကောင်းနိုင်မည်။

Source - MDEP

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Facebook page သို့သွားရန်

ဆွေးနွေးချက်များ

ဆွေးနွေးရန်

စိုက်ပျိုးရေး

မွေးမြူရေး

ရေလုပ်ငန်း

အထွေထွေဗဟုသုတ

နွားမများ ထုတ်ပယ်ရောင်းချခြင်း

Greenovator ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

နွားမများ ထုတ်ပယ်ရောင်းချခြင်း

Greenovator ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မြေဆွေးကန်နဲ့ ဝက်မွေးမြူခြင်း

နို့စားနွား မွေးမြူရေး ခြံတွင် အဓိကထား လုပ်ဆောင်ရမည့် ဦးတည်ချက်များ

ထုတ်လုပ်မှု ကုန်ကျစာရိတ်နှင့် အကျိုးအမြတ် တွက်ချက်မှု (တစ်လစာ)

{{ post.title }}