လူးသီးနှံ စိုက်ပျိုးခြင်း

လူးကိုပူပြင်းခြောက်သွေ့သောဒေသ၊ မြေဆီသြဇာ မထက်သန်သောမြေမျိုးတွင် အဓိကထား၍စိုက်ပျိုးကြသည်။ လူးသည် နှံစားပြောင်းထက် မိုးခေါင်ဒဏ်ခံနိုင်သော်လည်း ရေဝပ်ဒဏ်မခံနိုင်ပေ။ လူးသီးနှံကို တစ်မျိုးတည်းစိုက်ပျိုးလေ့မရှိဘဲ ပဲတီစိမ်းနှင့် ရောနှောစိုက်ပျိုးကြသည်။

ယာထယ်ရေးပြင်ပြီး ပဲတီစိမ်း (၄) ပြည်နှင့် လူးစေ့ (၂) ပြည်ကိုရောပြီး ကြဲပက်စိုက်ပျိုးကြသည်။ ကြဲပက်ပြီး ထွန်နှင့်မွှေ၍ ဖုံးပေးရမည်။ သြဂုတ်လ၊ စက်တင်ဘာလတို့တွင် စိုက်ပျိုးပြီး နိုဝင်ဘာလနှင့် ဒီဇင်ဘာလတို့တွင် ရိတ်သိမ်းရသည်။ သက်တမ်းမှာ ရက်ပေါင်း (၁၂၀) ခန့်ရှိသည်။

အနှံများကိုဖြတ်ယူရိတ်သိမ်းပြီး နေလှန်းရသည်။ ခြောက်သောအခါ စပါးနယ်သကဲ့သို့ နွားဖြင့်နယ်၍ အစေ့ထုတ်ယူရသည်။ အပင်အမြင့်မှာ (၇-၈) ပေခန့်ရှိပြီး အနှံမှာ နှံစားပြောင်းပုံစံနှင့်တူသည်။အစေ့ကို အခွံဖုံးနေပြီး ပြောင်ချောနေသည်။

အစေ့ကို ဆန်ဖွတ်သကဲ့သို့ မောင်းမြင့်ထောင်း၍ ပြာစင်ရသည်။ တစ်ဧကအထွက်နှုန်းမှာ (၄-၁၂) တင်းခန့်ရှိသည်။ လူးကြီးနှင့်လူးသေးဟူ၍ (၂) မျိုးရှိသည်။

အောင်ဝင်းထွဋ်၏ “လယ်ယာသီးနှံ စိုက်ပျိုးနည်း” စာအုပ်မှ ကောက်နုတ်ဖော်ပြပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ