နွေမျိုး ဆောင်းမျိုး ဆာဗိုးရီ

နွေဆာဗိုးရီနှင့် ဆောင်းဆာဗိုးရီ ဟူ၍ မျိုးများရှိရာ နွေဆာဗိုးရီသည် နှစ်ချင်းစားသီးနှံပင်ဖြစ်ပြီး ဆောင်းဆာဗိုးရီသည် နှစ်ရှည်သီးနှံပင်ဖြစ်သည်။ အပူချိန် -၂၀ မှ +၂၀ ဒီဂရီဖာရင်ဟိုက်အတွင်း ဖြစ်ထွန်းသည်။ အရွက်နှင့်အပွင့်များကို စားသုံးရပြီး၊ အပင်အမြင့် ၃-၈ လက်မနှင့်အကျယ် ၂-၂၄ လက်မရှိသည်။ နွေမျိုးရော ဆောင်းမျိုးပါ အရွက်နှင့် အပွင့်တို့သည် သိုင်း နှင့် ဆွိ(တ်)မာဂျိုးရမ် တို့၏အနံ့နှင့် ဆင်တူသည်။ ဆာဗိုးရီကို ပဲ၊ ကြက်ဥ၊ ဟင်းသီးဟင်းရွက်၊ အမဲ၊ ဝက်၊ ကြက်သားဟင်းတို့တွင် ထည့်၍ သုံးကြသည်။ နှစ်မျိုးလုံးသည် နွေရာသီတွင် ပွင့်ကြသည်။ မူရင်းဒေသမှာ အီတလီ နိုင်ငံဖြစ်သည်။

စိုက်ပျိုးခြင်း

ဆာဗိုးရီ ၂ မျိုးလုံးကို နွေဦးပေါက်ရာသီတွင် စိုက်ပျိုးနိုင်သည်။ သို့မဟုတ် ဆောင်းဆာဗိုးရီပင်ကို အအေးဓာတ်မများလျှင် ဆောင်းရာသီ၌ စိုက်ပျိုးနိုင်သည်။ ဆာဗိုးရီပင်သည် မြေဆီသြဇာ အသင့်အတင့်နှင့်ပင် ဖြစ်ထွန်းနိုင်သည်။ ဆောင်းဆာဗိုးရီမျိုးစေ့ကို အခန်းတွင်း၌ နောက်ဆုံး အေးခဲမှုမတိုင်မီ ၄-၆ ပတ်ခန့်အလိုမှာ ပျိုးထောင်ပြီး၊ နွေဦးပေါက်တွင် မြေကြီး အပူဓာတ်ရှိလာသောအခါ ပျိုးပင်ကိုဖြစ်စေ၊ အမြစ်ထွက်ပြီးဖြစ်သော ကိုင်းပျိုးပင်ကိုဖြစ်စေ စိုက်ပျိုးရသည်။ အေးသောဒေသတွင် နောက်ဆုံးအေးခဲပြီးနောက်၌ဖြစ်စေ၊ နွေးသောဒေသတွင် ရာသီချိန်အတွင်း အချိန်မရွေးနွေဆာဗိုးရီမျိုးစေ့ကို တိုက်ရိုက်မြေချစိုက်ပျိုးနိုင်သည်။

မျိုးစေ့ကို မြေတွင် လက်မဝက်နက်အောင်မြှုပ်ပြီး၊ တစ်စေ့နှင့်တစ်စေ့ ၁ လက်မခြား၍ စိုက်ပျိုးရသည်။ ဆာဗိုးရီအပင်များကို ပဲပင်၊ မုန်လာဥပင်၊ ခရမ်းပင်၊ သခွားပင်စသည့်အပင်များအကြားတွင် ညှပ်၍ စိုက်ပျိုးနိုင်သည်။ ဆောင်းဆာဗိုးရီကိုင်းဖြတ်ပျိုးပင်များကို နွေဦးပေါက်တွင် စိုက်ပျိုးနိုင်သည်။

ဆာဗိုးရီအပင်သည် နေရောင်ခြည်အပြည့်အဝလိုသည်။ မြေဆီသင့်တင့်ရုံနှင့် ရေထုတ်ကောင်းရန်လိုသည်။ မြေဆီလွှာသည် အစိုဓာတ်အမြဲရှိနေရန် လိုသော်လည်း ရေဝပ်သည်ကို မကြိုက်ချေ။ အပင်ငယ်စဉ် အပင်ခြေပတ်လည်တွင် လက်ဖြင့် ပေါင်းမြက်ရှင်းလင်းပေးရသည်။ နွေဆာဗိုးရီအပင်မှ အတက်သစ်များထွက်စေရန် ပုံမှန်အကိုင်းဖြတ်ပေးရသည်။ ဆောင်းဆာဗိုးရီပင်ကို ခြံစည်းရိုးပင်အဖြစ် အကိုင်းဖြတ်ပေးနိုင်သည်။

ရိတ်သိမ်းခြင်း

နွေဆာဗိုးရီအပင်မှာ အစေ့စိုက်ပြီး ရက်ပေါင်း ၆၀-၇၀ ရှိလျှင် ဆွတ်ခူး ရိတ်သိမ်းနိုင်သည်။ ဆောင်းဆာဗိုးရီအပင်မှာ ကိုင်းဖြတ်ပျိုးပင်ကို စိုက်ပြီးရက်ပေါင်း ၅၀ အကြာတွင်လည်းကောင်း၊ အစေ့စိုက်ပြီး ၇၅-၁၀၀ ရက်အကြာတွင်လည်းကောင်း ပထမအကြိမ် အကိုင်းကို ဖြတ်နိုင်သည်။ ပန်းစတင်ပွင့်လျှင် အကိုင်းကို ဖြတ်ယူအခြောက်လှန်းနိုင်သည်။ အကိုင်းများကို စု၍ချည်ပြီး ဇောက်ထိုးချိတ်ဆွဲ၍ဖြစ်စေ၊ ဇကာတွင် ဖြန့်ထည့်၍ ဖြစ်စေ၊ မှောင်သော လေဝင်လေထွက်ကောင်းသည့်နေရာတွင်ထား၍ အခြောက်ခံရသည်။ အရွက်များ ခြောက်သွေ့သောအခါ အကိုင်းမှခူးယူ၍ လေလုံသောဘူးတွင် ထည့်ထားပါက ၂ နှစ်အထိ အထားခံသည်။

ဟင်းခတ်အမွှေးအကြိုင်ဖြစ်တဲ့ ဆာဗိုးရီ အပင်ကိုလည်း စိုက်ပျိုးပြီး အိမ်နောက်ဖေးမှာဈေးဆိုင်တည်နိုင်အောင် စိုက်ပျိုးနည်းလေးပါ ဖော်ပြပေးလိုက်ပါတယ်။ အသုံးဝင်နိုင်ကြပါစေ…

ဒေါက်တာချစ်၏ စားဖို့ စိုက်စို့ ဈေးကွက်တိုးချဲ့ဗျို့ စာအုပ် အတွဲ(၂) မှ ကောက်နုတ်ဖော်ပြပါသည်။

ယခု ဆောင်းပါးသည် ဦးကြီးတို့အတွက် အကျိုးတစ်စုံတစ်ရာ ဖြစ်ထွန်းမှု ရှိ/မရှိကို "အသုံးဝင်ပါတယ်" “အသုံးမဝင်ပါ" ကို ရွေးချယ်နှိပ်ခဲ့ပေးဖို့ တောင်းဆိုပါရစေရှင်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ