ခံတွင်းပျက်သူများ ခံတွင်းလိုက်စေတဲ့ ခရမ်းကစော့ချက်နည်း

ခရမ်းကစော့သီးချက်ရာတွင်ပါ၀င်ပစ္စည်းများမှာ

ခရမ်းကစော့သီး၊ ခရမ်းသီးရှည်၊ ပုစွန်ခြောက်၊ ကြက်သွန်ဖြူ/ နီ၊ ငရုတ်သီးစိမ်း၊ ငါးပိစိမ်းစားအနည်းငယ်၊ ဆီ၊ ဆား၊ အသားမှုန့်၊ ငရုတ်ကောင်းမှုန့်နှင့် နနွင်းတို့ လိုအပ်ပါသည်။

ချက်ပြုတ်နည်း

၁။ ခရမ်းကစော့သီးကို အစေးထွက်ရန်နှင့် မဲမသွားအောင် ထက်ခြမ်းခွဲပြီး ဆားရေစိမ်ထားပါ။

၂။ ခရမ်းသီးရှည် ၁ လုံးကို ခပ်စိပ်စိပ် လှီးထားပါ ။

၃။ ပုစွန်ခြောက်၊ ကြက်သွန်ဖြူ၊ ကြက်သွန်ဖြူနီနှင့် ငရုတ်သီးစိမ်းတို့ကို ရောထောင်းပါ ။

၄။ ငါးပိစိမ်းစားအနည်းငယ်ကို အရည်ဖျော်ထားပါ။

၅။ ပြီးစီးပါက မီးဖိုပေါ် ဒယ်အိုးတင်ပြီး ဆီထည့်၊ နနွင်းအနည်းငယ်ထည့်၍ ပူလာလျှင် ထောင်းထားသော အရာများကိုထည့်ပြီး ဆီသတ်ပါ။

၅။ အစပ်မကြိုက်လျှင် ငရုတ်သီးစိမ်းမထည့်လည်းရပါတယ်။ ဆီသတ်ပြီးပါက ဖျော်ထားသော စိမ်းစားငါးပိအရည် နှင့် လှီးထားသောခရမ်းသီးရှည်ထည့်ပါ။ ပြီးနောက် ရေအနည်းငယ်ထည့်ပြီး ခဏတည်ထားပါ ။

၆။ အရသာအတွက် ဆား၊ အသားမှုန့် နှင့် ငရုတ်ကောင်းမှုန့်အနည်းငယ်ထည့်ပြီး ခရမ်းသီးရှည်နူးလာလျှင် ကစော့သီးထည့်ပါ။

၇။ အချိန်အကြာကြီး ချက်စရာမလိုပါ ။ နူးလွယ်ပါသည် ။ အရသာစိတ်ကြိုက်ဖြစ်ပြီး ဆီပြန်လာလျှင် စားလို့ရပါပြီ။

ခရမ်းကဆော့သီးဟင်းကို ပဒတ်စာဟင်းချို၊ ဆိတ်သားနှပ်၊ တို့စရာများနှင့် တွဲဖက်စားသောက်ပါက အလွန်လိုက်ဖက်လှပါတယ်။

ပင်လယ်ပြာ(ငါးဦးစီး)

Ref; မြဝတီမှတ်စု

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ