Facebook ပေါ်ရှိ page နှင့် group များကိုသုံးသပ်ခြင်း

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆိုလိုက်ပါတယ် ခင်ဗျ။

ယခုတစ်ပတ်မှာတော့ Facebook ပေါ်မှာရှိတဲ့ Group နှင့် Page များကိုသုံးသပ်ဖို့ မျှဝေပေးသွားမှာ ဖြစ်ပါတယ်ခင်ဗျ။

Facebook ဖေ့ဘုတ်မှာဆိုရင် နယ်ပယ်အလိုက် စာမျက်နှာ (Page) တွေ များစွာရှိပါတယ်။ နာမည်ကြီးသူများ၊ သက်ဆိုင်ရာဌာန ရုံးအဖွဲ့အစည်းတွေက ပြုလုပ်ထားတဲ့ စာမျက်နှာများ၊ မီဒီယာများ၏ စာမျက်နှာများ၊ အွန်လိုင်းသတင်းဖြန့်ချိတဲ့စာမျက်နှာများ စသည်ဖြင့် အမျိုးအစား များစွာရှိပါတယ်။

အစိုးရဌာနများရဲ့ စာမျက်နှာများနဲ့ တချို့ တရားဝင်ထုတ်ပြန်တဲ့သတင်းဌာနတွေရဲ့ စာမျက်နှာများကို Facebook မှ အတည်ပြုပေးထားသော အပြာရောင်အမှန်ခြစ် (Verified Mark) ဆိုတာ ရှိပါတယ်။။ ဒီလို အပြာရောင်အမှန်ခြစ်ရှိတဲ့ သတင်းစာမျက်နှာတွေဟာ ၎င်းတို့ပြောဆိုရေးသားထားတဲ့ သတင်းနဲ့ အခြားအကြောင်းအရာတွေကို တာဝန်ယူမှု တာဝန်ခံမှုရှိတယ်လို့ ယေဘူယျအားဖြင့် ယုံကြည်လို့ရပါတယ်။

Page (စာမျက်နှာများ) နဲ့ Group များကို သုံးသပ်ရာမှာ ပုံမှန်ရေးတဲ့အကြောင်းအရာများ၊ ဝင်ရောက်ရေးသားလေ့ရှိသူများ၊ ပုံမှန်မျှဝေသည့် သတင်းအချက်အလက်များကို သုံးသပ်ရမှာဖြစ်ပါတယ်။

မှန်ကန်မှု ရှိ မရှိကို Page နဲ့ Group ထဲမှာ လာရောက်ရေးသားဝေဖန်သူများရဲ့ စကားသံများမှတစ်ဆင့် သုံးသပ်ရမှာဖြစ်ပါတယ်။ ဘယ်အကြောင်းအရာအတွက် Group သို့မဟုတ် Page ကို ပြုလုပ် ထားပါသလဲကိုလည်း အကြောင်းအရာတွင် ဝင်ရောက်ကြည့်ရှုသင့်ပါတယ်။

(Admin) စီမံခန့်ခွဲသူတွေက မည်သို့သောပို့စ်တွေကို လက်ခံပါသနည်း။ ထိုသူများက မည်သူများဖြစ်ကြသနည်း။ ဝင်ရောက်ရေးတဲ့သူများက ဘယ်သူတွေပါလဲ။ ဝင်ရောက်ရေးသားသည့် သက်တမ်း ဘယ်လောက်ကြာပြီလဲ။ ကွန်မန့်ရေးသားသူများကလည်း မည်သို့ ရေးသားလေ့ရှိသနည်း။ အကောင့်အစစ်နဲ့ သုံးကြသူတွေလား စသည်ဖြင့် ဝင်ရောက်ကြည့်ရှုလေ့လာရမှာ ဖြစ်ပါတယ်။

အထက်ဖော်ပြပါအချက်တွေကိုကြည့်ရှုပြီး ဖေ့ဘုတ်မှာရှိနေတဲ့ စာမျက်နှာများနဲ့ Group တွေကို သေချာသုံးသပ်ပြီးမှ သတင်းအချက်အလက်တွေကိုယုံကြည်ဖို့ အကြံပြုလိုက်ရပါတယ်။

ယခင်တစ်ပတ်ကဖော်ပြခဲ့တဲ့ဆောင်းပါးလေး ပြန်လည်ဖတ်ရှု့ချင်ရင်တော့ ဖော်ပြပါလင့်ကနေ ဝင်ရောက်ဖတ်ရှု့နိုင်ပါတယ်။

ဘက်ထရီ ဗိုင်းရပ်စ် အသိပေးချက်

Mido Myanmar Website မှ ပြန်လည်ကူးယူဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ