မွေးစကြက်ပေါက်လေးများကို ပထမဆုံးအစာကျွေးသင့်ချိန်နှင့် ထိန်းသိမ်းနည်း

အသက်(၀-၆) ပတ်သားရှိ ကြက်ငယ်များကို စီမံအုပ်ချုပ်ရာတွင် ကြက်ငယ်ကြီးထွားမှုကိုသာမက ကြက်ကြီးထုတ်လုပ်မှုကိုပါ အကျိုးသက်ရောက်စေနိုင်သဖြင့် ၎င်းကာလတွင် အထူးသတိပြုဆောင်ရွက်ရပါမည်။

၁။ ပထမဆုံးအစာအား ဥမှပေါက်ပြီး (၄၈) နာရီနှင့် ကြက်ဥအနှစ် ၇၀ မှ၈၀ % ချေဖျက်မှုမပြီးခင်တွင်ကျွေးပေးရမည်။

၂။ အကောင်ဖောက်သည့်အချိန် ကွာဟချက်များက ပထမဆုံးပေါက်သည့် ကြက်များအား စံအဖြစ်သတ်မှတ်ပေးရမည်။

၃။ ပထမဆုံး အစာအားစောစောကျွေးပါက ကြက်ဥအနှစ်ချေဖျက်မှု နှောင့်နှေးစေပြီး အစာရေမြိုပိတ်ဆို့မှု လွယ်ကူစွာဖြစ်ပွားနိုင်ပါသည်။

၄။ နောက်ကျမှ ကျွေးမိပါက ချိနဲ့ပြီး ပုံမှန်အနေအထားရရန် အလွန်နှေးသည်။

၅။ ပထမအစာမကျွေးမီ ကြက်ငယ်များကို ၁နာရီ၊ ၂ နာရီခန့် အိပ်ခွင့်ပေးပြီး ရေနွေးနွေးလေးတိုက်သင့်ပါသည်။

၆။ ပဋိဇီဝဆေးမှုန့်များအား အသုံးပြုရမည့် ပမာဏအတိုင်း အစာထဲတွင် ရောစပ်ကျွေးသင့်သည်။ အဘယ်ကြောင့်ဆိုသော် ကြက်များမီးမကိုင်မီ အထီးအမခွဲခြားခြင်း၊ မားရက်ရောဂါကာကွယ်ဆေးထိုးခြင်း၊ နှုတ်သီးဖြတ်ခြင်း၊ တင်ပို့ခြင်းစသည်တို့ကြောင့် ပင်ပန်းပြီး ခြံသို့ရောက်ရှိလာတတ်ပါသည်။ အနွေးဓာတ်ပေးသည့် အခန်းထဲသို့ ထည့်ရာတွင် ကျန်းမာသောကြက်နှင့်ချိနဲ့ (သို့) ပုံမမှန်သော ကြက်များကိုရှင်းလင်းပစ်ရမည်။

ပထမဆုံးအစာနှင့်ရေ

အကောင်ပေါက်ပြီးနောက် ဥအနှစ်သည်ကြက်၏ ဝမ်းဗိုက်ထဲတွင်ရှိနေသေးသဖြင့် ဒုတိယမြောက်နေ့အထိ အစာမကျွေးလည်း ဖြစ်နိုင်ပါသည်။ ကြက်ဥဖောက်စက်မှ မားရက်ကာကွယ်ဆေးထိုးပေးရန် ကြာမည့်အချိန်နှင့် သယ်ယူပို့ဆောင်ရေးအတွက် လိုအပ်မည့် အချိန်တို့ကို ထည့်သွင်းစဉ်းစားရမည်။ ကြက်ရောက်သည်နှင့် တပြိုင်နက် ရေထည့်ပေးရမည်။ အစာကိုကြက်များနားပြီး နောက်ပိုင်းမှ ထည့်ပေးရမည်။

ပထမတစ်ပတ်အတွင်း အစာကျွေးမှုနှင့် စီမံအုပ်ချုပ်မှု

သေဆုံးမှုနှုန်းအမြင့်ဆုံးအချိန်ဖြစ်သဖြင့် အပူချိန်၊ စိုထိုင်းစနှင့် လေဝင်လေထွက် ထိန်းချုပ်ခြင်းတို့ကို ဂရုစိုက်ရန်လိုအပ်ပါသည်။ အခန်းတွင်း၌ အေးနေပါကအစာရေကို အလွယ်တကူပိတ်ဆို့နိုင်သဖြင့် ညပိုင်းအချိန်များတွင် မီးကိုင်သည့် အခန်းအား လိုအပ်သော အနွေးဓာတ်ပေးရန် လိုအပ်ပါသည်။ ဝမ်းရောဂါများ ဝင်ရောက်မှုကို ကာကွယ်ရန် ဖိတ်စင်ကျနေသော အစာများနှင့် မစင်များကို ကြမ်းခင်းပေါ်မှ ပုံမှန်ဖယ်ရှားပေးရမည်။ တစ်ပတ်အတွင်း ပတ်ဝန်းကျင်နှင့် သဟဇာတရှိစေရန် အစာခွက်၊ ရေခွက်ရှာနိုင်ရန် (၂၄ )နာရီအလင်းရောင်ထားပေးရမည်။

Ref; စိုက်ပျိုးပညာပေးရေးနဲ့ ကျေးလက်ဒေသဖွံ့ဖြိုးရေး သင်တန်းကျောင်းမှထုတ်ဝေတဲ့ ခေတ်မီ မွေးမြူရေး နည်းပညာများ စာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ