ဆောင်းရာသီတွင်အဖြစ်များသော ငါးရောဂါအကြောင်းသိကောင်းစရာ

ငါးမွေးမြူသူများအနေဖြင့် ဆောင်းရာသီတွင်ဖြစ်ပွားတတ်သော ငါးရောဂါအကြောင်းကို သိရှိစေရန်အလို့ငှာ ဖော်ပြပေးလိုက်ပါသည်။

ရောဂါဖြစ်ပွားရသည့် အကြောင်းရင်း

Ichthyophthiriasis multifiliis ရောဂါပိုးကြောင့် ဖြစ်ပွားပါသည်။

ရောဂါလက္ခဏာများ

- ကပ်ပါးများ တွယ်ကပ်မှုများလျှင် အရေပြား(သို့) ပါးဟက်များတွင် လည်းကောင်း၊ ဆူးတောင်များတွင်လည်းကောင်း အဖြူစက်မြောက်များစွာ တွေ့ရှိရမည်ဖြစ်သည်။

- ရောဂါကျရောက်သောငါးများသည် အစာစားနှုန်းလျော့ကျသွားပြီး မျက်စိမှာ အလင်းပိတ်သွား၍ သေဆုံးသည်အထိ ဖြစ်နိုင်ပါသည်။

- ရောဂါပြင်းထန်သော ငါးများသည် အချွဲများထုတ်ပြီး ကန်နံရံအား ခန္ဓာကိုယ်ဖြင့် ပွတ်တိုက်ကြမည်ဖြစ်သည်။

- ယင်းသို့ပွတ်တိုက်ခြင်းကြောင့် အနာများဖြစ်ပေါ်လာပြီး နောက်ဆက်တွဲရောဂါများအနေဖြင့်ဘက်တီးရီးယားရောဂါ၊ မှိုရောဂါများ ဖြစ်ပေါ်လာနိုင်ပါသည်။

ဖြစ်ပွားနိုင်သော ငါးအမျိုးအစား

ငါးခူ၊ ငါးကြင်းငါးသိုင်းအုပ်စု၊ မြက်စားငါးကြင်း၊ တီလားပီးယား၊ ကကတစ်၊ ကျောက်ငါးနှင့် ငါးပါးနီငါးများတွင် ဖြစ်ပွားနိုင်ပါသည်။

ဖြစ်ပွားတတ်သည့် အချိန်ကာလ

ဆောင်းရာသီအဝင်နှင့် နွေအကူးကာလများတွင် ဖြစ်ပွားတတ်ကြပြီး ကန်အရည်အသွေးညံ့ဖျင်းပါကလည်း ရာသီမရွေးဖြစ်ပွားနိုင်ပါသည်။

ကာကွယ်ခြင်းနှင့် ထိန်းချုပ်ခြင်း

- ငါးကောင်ရေ ထူထပ်များပြားခြင်းအား သတိပြုရန်။

- ဆောင်းရာသီအဝင်နှင့် နွေအကူးကာလများတွင် ဖြစ်ပွားတတ်သဖြင့် ငါးမွေးကန်အတွင်း ရေအခြေအနေများကို (pH, D.O,Temperature) စနစ်တကျ တိုင်းတာဂရုပြုရန်၊ စစ်ဆေးရန်။

- မဖောက်ထုံး (CaO) ကို တစ်ဧကလျှင် ပိဿာ ၁၀၀ နှုန်းခန့် ထည့်သွင်းရန်။

- ရေ (၁၀၀၀) လီတာ နှင့် ၅ ကီလိုဂရမ် ဆားရေကို ၃ ရက် သုံးခြင်းဖြင့် နောက်ဆက်တွဲရောဂါများကို တားဆီးရန်ဖြစ်ပါသည်။

ပင်လယ်ပြာ (ငါးဦးစီး)

မှီငြမ်း- ငါးလုပ်ငန်းဦးစီးဌာန။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ