ငါးအစာကျွေးခြင်းနည်းလမ်းများ

မိမိထည့်သွင်းမွေးမြူထားတဲ့ ငါးမျိုးစိတ်နဲ့ ငါးမွေးမြူထားတဲ့ နည်းစနစ်ပေါ်မူတည်ပြီး ငါးစာကျွေးခြင်း နည်းလမ်းအမျိုးမျိုးရှိပါတယ်။

(၁) မိမိသတ်မှတ်ထားတဲ့ ပုံမှန်နေရာ (၄နေရာ သို့မဟုတ် ၆နေရာ) အညီအမျှကျဲပက်၍ အစာကျွေးခြင်း

(၂) ကန်ဘောင်မှ ၆ပေ (သို့မဟုတ်) ၁၀ပေခန့်ရှည်တဲ့ လူသွားလမ်း (သို့) တံတားပြုလုပ်၍ အစာကိုကျဲပက်ကျွေးခြင်း၊ ကန်အလယ်၌ စင်ပြုလုပ်၍ ပက်ကျွေးမွေးခြင်း၊ အစာဗန်းပြုလုပ်၍ ကျွေးခြင်း။

(၃) ကန်ထဲလှေစီးပြီး ကန်ရဲ့တစ်ဘက်တစ်ချက်သို့ သွားရောက်၍ အစာပက်ကျွေးခြင်း

(၄) ကြီးသောကန်အမျိုးအစားများတွင် ကြိုး( ၂ချောင်း) သို့မဟုတ် ၃ချောင်းကို ကန်အရှည်အကျယ်အတိုင်း တားစေပြီး ၎င်းကြိုးလေးများ အရှည်အတိုင်း လှေဖြင့်ဖြစ်စေ၊ ဝါးဖောင်ဘောဖြင့် ဖြစ်စေအစာကျွေးနိုင်ပါတယ်။

အစာကျွေးခြင်းအကြိမ်ရေ

(၁) ငါးကျပ်သားခန့်အရွဘ်အထိ တစ်နေ့သုံးကြိမ်ခန့်၊ ငါးကျပ်သားကျော်လျှင် ဖမ်းဆီးရောင်းချချိန်အထိ တစ်နေ့ နှစ်ကြိမ်ကျွေးနိုင်ပါတယ်။

(၂) ငါးကန်ရေရဲ့ ပျော်ဝင်အောက်စီဂျင် လျော့ကျတတ်တဲ့ မိုးအုံ့တဲ့ ရက်များတွင် ပုံမှန်ကျွေးနေကျ အစာပမာဏ၏ ၇၀% အောက်လျော့ချကျွေးသင့်ပါတယ်။

အကောင်းဆုံးပျော်ဝင်အောက်စီဂျင်ပမာဏ -၅-၇ မီလီဂရမ်/၁လီတာ

(၃) ငါးကန်ရေရဲ့အပူချိန် အတက်အကျကလည်း အစာနှုန်းကို လျော့ကျစေနိုင်ပါတယ်။ (အကောင်းဆုံးအပူချိန် အတိုင်းအတာ ၂၅ ဒီဂရီစင်တီဂရိတ်-၃၂ ဒီဂရီစင်တီဂရိတ်) အကယ်၍ ရေအပူချိန်က ၂၀-၂၄ ဒီဂရီစင်တီဂရီတ် ၊ ၁၆-၁၉ ဒီဂရီစင်တီဂရိတ် နဲ့ ၃၃-၃၈ ဒီဂရီစင်တီဂရိတ် အတွင်းတည်ရှိပါက ပုံမှန်ကျွေးနေကျ အစာပမာဏရဲ့ ၈၀% ၊ ၆၀% မ၏အထိလျှော့ပြီး ကျွေးသင့်ပါတယ်။

(၄) မနက်ပိုင်းနေထွက်ပြီး နှစ်နာရီခန့်အကြာမှာ နေ့စဉ်ကျွေးရမယ့် ပမာဏရဲ့ ၆၀-၆၅ % (တစ်နေ့လုံးကျွေးရမယ့် အစာရဲ့ တစ်ဝက်ကျော်) ကိုကျွေး၍ ညနေ နေမဝင်မီ နှစ်နာရီခန့် အလိုမှာ ကျန် ၃၅-၄၀% ကိုကျွေးသင့်ပါတယ်။

(၅) ငါးကန်ရဲ့ အရည်အသွေးက မိုးဆက်တိုက်ရွာမယ့်နေ့များတွင် အပြောင်းအလဲမြန်သဖြင့် ငါးများအစာစားနှုန်းလျော့ကျလေ့ရှိတတ်ပါတယ်။

Ref:ငါးမွေးမြူရေးဆိုင်ရာ အာဟာရပြည့်ဝသည့် ငါးအစာပြုလုပ်ထိန်းသိမ်းကျွေးမွေးခြင်း အိတ်စောင်စာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ