မိုးရာသီတွင်အဖြစ်များသော သိုး၊ဆိတ် ခြေပုပ်စပ်နာရောဂါ ကာကွယ်ကုသနည်း

ခြေပုပ်စပ်နာ(Foot rot)ရောဂါသည် ဆိတ်တွင်အတွေ့ရများပြီး အထူးသဖြင့် စိုစွတ်သောမိုးရာသီကာလတွင် အဖြစ်များကြပါသည်။

ရောဂါဖြစ်ပွားရသည့် အကြောင်းအရင်းများ-

- လေရှိမှ အသက်ရှင်နိုင်သည့် ဘက်တီးရီးယားပိုး၂ မျိုးဖြစ် သော Dichelobacter nodosus နှင့် Fusobacterium necrophorum တို့ကြောင့် ဖြစ်ပွားပါသည်။

ရောဂါကူးစက်ပုံမှာ -

Foot rot ဖြစ်စေသော ဘက်တီးရီးယားများသည် စားကျက်အတွင်း ပျံ့နှံ့နေပြီး ခွာ၂ ခုကြားရှိ အရည်ပြားတွင် ဒဏ်ရာဖြစ်ပေါ်သည့်အခါ ထိုဒဏ်ရာမှတဆင့် ဝင်ရောက်သွားပါသည်။

စိုစွတ်သောအခြေအနေတွင် ဘက်တီးရီးယားများ ပိုမိုရှင်သန်ပေါက်ပွားနိုင်သဖြင့် မိုးရာသီတွင် foot rot ရောဂါကို ပိုမို တွေ့ရှိရပါသည်။

ရောဂါလက္ခဏာများမှာ -

Foot rot ဖြစ်ပါက သိုး၊ ဆိတ်တို့၏ခြေထောက်များ နာနေခြင်းဖြင့် သိရှိနိုင်ပါသည်။

ခွာခင်းပြား(heel)သည် ရောင်ပြီး နီနေနိုင်ပါသည်။

အရေပြား ကွဲနေသည်ကိုလည်း တွေ့ရှိရတတ်ပါသည်။

အဆိုပါ foot rot ရောဂါ ဖြစ်ပွားကြသော သိုး၊ ဆိတ်များမှာ သေဆုံးမှုမရှိကြသော်လည်း လမ်းမလျှောက်နိုင်သဖြင့် စားကျက်တွင် အစာမစားနိုင်ဘဲ အာဟာရပြတ်လပ်နိုင်ပါသည်။

ရောဂါအားစစ်ဆေးခြင်း

ရောဂါလက္ခဏာများကို ကြည့်ရှုလေ့လာခြင်းဖြင့် သိရှိနိုင်ပါသည်။

ကာကွယ်ခြင်း

ရောဂါဖြစ်နေသောတိရစ္ဆာန်ကို အခြားတိရစ္ဆာန်များနှင့်အတူ လွှတ်ကျောင်းခြင်း မပြုရပါ။
တိရစ္ဆာန်အား သန့်ရှင်းခြောက်သွေ့သောနေရာတွင်ထားပါ။
ရောဂါဖြစ်လာပါက တိရစ္ဆာန်၏ ခြေထောက်များအား ပိုးသတ်ဆေးရည်စိမ်ခြင်း(Foot bath)ပြုလုပ်ပေးပါ။

ကုသခြင်း

ရောဂါပိုးဝင်ရောက်ထားသော အရေပြားများနှင့် ခွာကို လှီးထုတ်ပစ်ခြင်းဖြင့် ကုသနိုင်ပါသည်။
ထို့နောက် ပဋိဇီဝညှစ်ဆေးများထည့်ပြီး ပတ်တီးစည်းပေးရပါမည်။
ပဋိဇီဝဆေးများထိုးပေးပါက ပိုမိုကောင်းမွန်ပါသည်။
တိရစ္ဆာန်ကို ခြောက်သွေ့သန့်ရှင်းသည့်နေရာတွင် အနာကျက်သည်အထိ ထားရှိရပါမည်။
မိုးရာသီအစတွင် တိရစ္ဆာန်များ၏ခွာများကို စစ်ဆေးပြီး ခွာပြင်ပေးထားပါက ရောဂါပိုးများ စားကျက်အတွင်းသို့ မပျံ့နှံ့တော့ဘဲ အခြားတိရစ္ဆာန်များသို့ ကူးစက်ခြင်းအား ရှောင်ရှားနိုင်မည်ဖြစ်ပါသည်။

ဦးဇော် (dof)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ