ရန်ကုန်တောင်ပိုင်းခရိုင်၊ သုံးခွမြို့နယ်၌ ဖားသားဖောက်မွေးမြူရေးဆိုင်ရာသင်တန်း ဖွင့်လှစ်မည်

ဖားသားဖောက်မွေးမြူရေးဆိုင်ရာသင်တန်းကို ရန်ကုန်တောင်ပိုင်းခရိုင်၊ သုံးခွမြို့နယ်၌ ဇွန် ၂၇ ရက်တွင် ဖွင့်လှစ်ပို့ချမည် ဖြစ်ကြောင်း အဆိုပါသင်တန်းမှ သိရသည်။

လာမယ့် စနေနေ့မှာ ဖွင့်လှစ်သင်ကြားမှာပါ။ ဖားမွေးမြူရာမှာ အဓိက သိသင့်သိထိုက်တဲ့ ဟိုမုန်းဆေးစပ်နည်း၊ ဆေးထိုးနည်း၊ သားဖေါက်နည်းတွေကို စာတွေ့လက်တွေ့ မျှဝေသင်ကြားပေးသွားမှာ ဖြစ်ပါတယ်။

ဟု ရန်ကုန်တောင်ပိုင်းခရိုင်၊ သုံးခွမြို့နယ်၊ ကဒပ္ပနကျေးရွာ၊ ဖားမွေးမြူရေးသင်တန်းမှ သင်တန်းပို့ချသူ ဦးမိုးရဲဝင်း(ဆယ်လမွန်) က ပြောသည်။

သင်တန်းတက်ရောက်သူများအနေဖြင့် ဖားသားဖေါက်နည်း မွေးမြူရေးနည်းစာအုပ် ရရှိမည့်အပြင်၊ ဖားအသေး ဖားအလတ် အစာစပ်နည်းများ၊ တီ၊ လောက်၊ ရေတီ မွေးမြူထုတ်လုပ်နည်းများကိုလည်း စနစ်တကျ သင်ကြားပို့ချပေးသွားမည်ဖြစ်ကြောင်း သိရသည်။

ဖားမွေးမြူရေးဈေးကွက်ကို စိတ်ပါဝင်စားလို့ ဖားကို စီးပွားဖြစ်မွေးမြူချင်ပေမယ့် ဖားသားပေါက်တွေ ဖားအစာတွေကို ဈေးကြီးကြီးပေးပြီး ဝယ်မွေးနေရရင် တွက်ချေမကိုက်တော့ဘူး အရှုံးပေါ်နိုင်တယ်လေ။ ဒါ့ကြောင့် ကိုယ်တိုင်သားဖောက်မွေးမြူတတ်အောင်၊ ကိုယ်တိုင် အစာစပ်တတ်အောင် အားလုံးကို စနစ်တကျလေး သင်ယူစေချင်တာပါ။

ဟု ဦးမိုးရဲဝင်း က ဆက်လက်ပြောသည်။

သင်တန်းနှင့်ပတ်သက်၍ စိတ်ပါဝင်စားသူများ၊ သင်တန်းတက်ရောက်လိုသူများ အနေဖြင့် ဦးမိုးရဲဝင်း(ဆယ်လမွန်) 09796276080, 09250047519 ဖုန်းနံပါတ်များသို့ ဆက်သွယ် စုံစမ်းမေးမြန်းနိုင်ကြောင်း သိရသည်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ