ရာသီဥတုနှင့်စိုက်ပျိုးသူအနည်းအများပေါ် ချိန်ဆပြီးမှ ပဲတိုင်ထောင်စိုက်ပျိုးသင့်

ရာသီဥတုအနေအထားနှင့်စိုက်ပျိုးသူအနည်းအများပေါ် ချိန်ဆပြီးမှသာ ပဲတိုင်ထောင်စိုက်ပျိုးသင့်ကြောင်း စိုက်ပျိုးရေးကျွမ်းကျင်သူများက ဆိုသည်။

ပဲတိုင်ထောင်က ဈေးကွက်ကောင်းပေမယ့်လည်း နွေရာသီ ပူတဲ့အခါဆိုရင် ရွက်ထွင်းပိုးကို သတိထားပြီး စိုက်ပျိုးရတယ်။ ရွက်ထွင်းပိုးကျတယ်ဆိုရင် အထွက်နှုန်းလည်း ကျသွားတတ်လို့ပါ။ ပွင့်ထွေးပိုးနဲ့သီးလုံးပေါက်ပိုးကိုတော့ ရာသီမရွေး သတိထားရတယ်။ ပိုးသတ်ဆေးနဲ့ ကြိုတင်ကာကွယ်ရပါတယ်။ ဈေးကွက်အခက်အခဲကတော့ မိုးဦးကျဆိုရင် စိုက်တဲ့သူများလို့ ဈေးပြန်ကျတယ်။ ဒါ့ကြောင့် ရာသီဉတုနဲ့ စိုက်တဲ့သူအနည်းအများပေါ် ချိန်ဆပြီးမှသာ စိုက်ပျိုးသင့်ပါတယ်။"

ဟု ရန်ကုန်တိုင်းဒေသကြီး၊ မှော်ဘီမြို့နယ်မှ ပဲတိုင်ထောင်စိုက်ပျိုးသူ ဦးမျိုးမင်းက ပြောသည်။

စိုက်ပျိုးပြီး (၄၅)ရက်အကြာတွင် ပဲစတင်ခူးဆွတ်ရသည့် ပဲတိုင်ထောင် (ခေါ် ) တိုင်ထောင်ပဲကို မိုးဦးကျခါစကာလတွင် ဟင်းသီးဟင်းရွက်စိုက်ပျိုးသူ တောင်သူအများစု စိုက်ပျိုးလေ့ရှိကြသည်။ စိုက်ပျိုးစရိတ်ကုန်ကျအားဖြင့်လည်း မများပြားသဖြင့် ရေတိုသီးနှံစိုက်ပျိုးရေးကိုသာ စိတ်ပါဝင်စားသူများနှင့် သီးညှပ်စိုက်ပျိုးလိုသူများနှင့် အထူးသင့်တော်သည့် ပဲအမျိုးအစားတစ်ခုလည်း ဖြစ်သည်။

ပဲတိုင်ထောင်က စိုက်ပျိုးပြီးနောက် ပထမဆုံး နှာမောင်းမထွက်ခင် (နွယ် စမတက်ခင်) တိုင်တွေထောင်ရပါတယ်။ ဝါးသဲတိုင် (ဝါးအသေးလေး) တွေ သုံးပါတယ်။ ခရမ်းချဉ်တိုင်လိုမျိုးပါပဲ။ မျိုးစေ့ကို တိုက်ရိုက်ချတဲ့စနစ်နဲ့ စိုက်ပျိုးတဲ့အတွက် မြေကြီးအစိုဓာတ်ရအောင် ရေအရင်ပေးထားရပါတယ်။ အခုလိုနွေရာသီဆိုရင်တော့ ရေကို (၂)ရက်တစ်ခါ၊ (၃)ရက်တစ်ခါလောက် ရေပေးပါတယ်။ မိုးတွင်းဆိုရင်တော့ ရေသိပ်မပေးရပါဘူး။ တစ်ပတ်လောက်မှတစ်ခါ ရေပေးရင် ရပါပြီ။

ဟု မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ ဒေးဒရဲကျေးရွာမှ ပဲတိုင်ထောင်စိုက်ပျိုးသူ ကိုသိန်းထိုက်ဦးက ပြောသည်။

ပဲတိုင်ထောင် စိုက်ပျိုးရန်အတွက် မျိုးထုပ်တစ်ထုပ်လျှင် (၃၈၀၀)ကျပ်ဖြင့် ဝယ်ယူရပြီး၊ တစ်ဧကစိုက်ပျိုးမည်ဆိုပါက မျိုးထုပ် (၁၆)ထုပ်ဝန်းကျင် ကုန်ကျမည်ဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ